GRI ning samaradorligi: Neft va gaz uchun bajarilgan GRI ning etaplari va
bosqichlari natijalarini unga sarflangan moddiy mablag‘lar va pulli xarajatlarga
nisbati bilan belgilanib, u O‘zbekiston Respublikasida DZK tomonidan
tasdiqlangan sanoat miqyosidagi zaxiralar hajmi bilan aniqlanadi va zaxiralar
ko‘rsatkichlari majmui bilan baholanadi.
GRI ning umumiy iqtisodiy samaradorligi: Neft va gaz zaxiralarini
tayyorlashdan olingan yoki kutilayotgan foydaning ularni aniqlash va razvedka
qilishga sarflangan xarajatlar bilan o‘zaro solishtirib aniqlanadi.
GRI ning qiyosiy iqtisodiy samaradorligi: Taqqoslanayotgan variantlar
ichida eng yaxshisini tanlab olish maqsadida eng kam xarajat bilan baholangan
ob’ektlar solishtiriladi.
izlov-razvedka ishlarining tezkor tahlili: CHuqur burg‘ilash va UCHNM-
2D va -3D seysmorazvedka materiallarini kompleks tahlil qilish, chuqur quduqlar
qazish, kon va maydonlar tuzilishi modelini aniqlash, sinash ob’ektlarini ajratish
uchun ochilgan kesimni tahlil qilish, salbiy natijalar sababini o‘rganish va keyin
bajariladigan ishlar bo‘yicha tavsiyalar ishlab chiqish, geologik-razvedka
ishlarining samarali yo‘nalishlarini tanlash va joylashtirish.
neft va gaz uyumi: Turli tipdagi tutqichlarda neft va gazning to‘planishi,
bunda uyumning o‘lchami va shakli ko‘p hollarda tutqichlar tarkib topgan
jinslarning genetik tipi va rezervuarning parametrlari bilan aniqlanadi.
neft va gaz konlari: YAgona tektonik struktura bilan bog‘liq bo‘lgan va bir
maydon chegarasida joylashgan neft va gaz uyumlarining majmui, ular bir uyumli
va ko‘p uyumli bo‘lishi mumkin.
konlar va uyumlarni izlash: Neft va gazga istiqbolli maydonlarni aniqlash
uchun bajariladigan GRI ning izlov etapini yakuniy bosqichi bo‘lib, bunday ishlar
303
chuqur burg‘ilashga geologik-geofizik metodlar bilan aniqlangan lokal strukturalar
yoki «uyum» turidagi anomaliya (UTA) va boshqa turdagi tutqichlar mavjud
bo‘lganda amalga oshiriladi.