quduqlar fondi: Neft qazib chiqaruvchi korxonaga biriktirilgan, hisobot
davri (kvartal, yil) oxirida foydalanish ob’ektida (kon, korxona) burg‘ilangan
quduqlarning umumiy soni.
ishlatish quduqlari fondi: Ishlatish ob’ekti (kon, korxona)dagi quduqlar
fondining asosiy qismi bo‘lib, unga ishlayotgan va ishlamayotgan fondlar hamda
burg‘ilashdan so‘ng o‘zlashtirilayotgan va o‘zlashtirilishini kutayotgan quduqlar
ham kiradi.
foydali qalinlik: Flyuidlar (neft yoki suv, gaz) harakatlanishi mumkin bo‘lgan
o‘tkazuvchan qatlar qalinligining yig‘indisi.
neft (gaz)ga to‘yingan foydali qalinlik: Qatlam (gorizont, ishlatish ob’ekti)dagi
jins-kollektor qatlarining neft (gaz)ga to‘yingan qalinligi yig‘indisi.
uyumning foydali hajmi: Uyum chegarasida sanoat miqyosidagi neft-gazga
to‘yingan jins-kollektorlarning hajmi bo‘lib, uning miqdorini uyumning umumiy
maydonini neft(gaz)ga to‘yingan qalinlikning o‘rtacha qiymatiga ko‘paytirib aniqlanadi.
neft va gaz uchun geologik-razvedka ishlari (GRI): Er osti boyliklarini
geologik o‘rganish, istiqbolli hududlarni aniqlash, konlarni ochish, ularni baholash
hamda neft va gaz zaxiralarini o‘zlashtirishga tayyorlash maqsadida bajariladigan
ishlab chiqarish va ilmiy-tadqiqot ishlari majmui.
GRI ning asosiy prinsiplari: Er osti boyliklarini geologik o‘rganish majmui
bo‘lib, unda neft va gaz konlarini izlash va razvedka qilish bilan birga barcha
301
yo‘lakay komponentlar (neft gazi va uning tarkibi, gaz kondensati va uning tavsifi,
oltingugurt, nodir metallar va b.), ularni qazib chiqarish yoki ulardan
foydalanishning mumkinligi va maqsadga muvofiqligi o‘rganiladi, shuningdek,
injenerlik-geologik, gidrogeologik, tog‘-texnik va boshqa tadqiqotlar bajariladi,
tabiiy-iqlimiy, ijtimoiy-iqtisodiy, geologik-iqtisodiy sharoitlar va ularning konni
o‘zlashtirish istiqboli bilan bog‘liq o‘zgarishlari tahlil qilinadi.
