O`zbekiston respublikasi oliy va o`rta maxsus ta’lim vazirligi

O’quv adabiyotlarining shakllari
An’anaviy (bosma) o’quv adabiyotlar - ta’lim oluvchilarning yoshi va psixo-fiziologik xususiyatlari, ma’lumotlar hajmi, shriftlari, qog’oz sifati, muqova turi va boshqa ko’rsatkichlarni hisobga olgan holda qog’ozda chop etiladigan manba;
Elektron o’quv adabiyotlar - zamonaviy axborot texnologiyalari asosida ma’lumotlarni jamlash, tasvirlash, yangilash, saqlash, bilimlarni interaktiv usulda taqdim etish va nazorat qilish imkoniyatlariga ega bo’lgan manba.
oliy va o’rta maxsus, kasb-hunar ta’limi tizimi o’quv-tarbiyaviy jarayonida o’quv adabiyotlarning quyidagi turlari qo’llaniladi:
-darslik,
-o’quv qo’llanma,
-lug’at,
-izohli lug’at,
-ma’lumotlar to’plami,
-ma’ruzalar kursi,
-ma’ruzalar to’plami,
-uslubiy ko’rsatmalar,
-uslubiy qo’llanmalar,
-dayjest,
-sharh va boshqalar.


Darslik. Davlat ta’lim standarti, o’quv dasturi, uslubiyati va didaktik talablari asosida belgilangan, milliy istiqlol g’oyasi singdirilgan. Muayyan o’quv fanining mavzulari to’liq yoritilgan. Tegishli fanning asoslarini mukammal o’zlashtirilishiga qaratilgan xamda turdosh ta’lim yo’nalishlarida foydalanish imkoniyatlari xisobga olingan nashr.


O’quv qo’llanma.Darslikni qisman to’ldiruvchi. Muayyan fan dasturi bo’yicha tuzilgan va fan asoslarining chuqur o’zlashtirilishini ta’minlovchi, ayrim bob va bo’limlarni keng tarzda yoritishga yoki amaliy mashq va mashg’ulotlar yechimiga mo’ljallangan nashr.


Uslubiy qo’llanma.Professor o’qituvchilar va bilim oluvchilar uchun mo’ljallangan va xar bir darsning maqsadi, dars o’tish vositalari va ulardan foydalanish usullari, darsning mazmuni, amaliy mashg’ulotlar, qo’shimcha topshiriqlar va boshqalar xaqida tavsiyalar bayon qilinadigan ta’lim muassasalarining ilmiy (pedagogik) kengashi tomonidan nashrga tavsiya etiladigan nashr.
Uslubiy ko’rsatma.Muayyan fanning o’quv dasturi bo’yicha kurs ishlari ( loyihalari ) labaratoriya va amaliy ishlarini bajarish tartibi aniq va batafsil ifodalangan xamda ushbu fan bo’yicha talabalarda zarur amaliy ko’nikmalarni hosil qilishga mo’ljallangan. Ta’lim muassasalarining ilmiy (pedagogik) kengashi tomonidan nashrga tavsiya etiladigan manbalar.


Izohli lug’at - so’zlarning mazmunini izohlaydigan, har bir so’zning grammatik, etimologik va stilistik tavsifi berilgan, ularni qo’llashga oid misollar va boshqa ma’lumotlar keltirilgan, qo’shimcha adabiyot sifatida foydalaniladigan ta’lim muassasalarining ilmiy (pedagogik) kengashi tavsiyasi asosida chop etiladigan nashr.


Lug’at - aniq bir tartibda joylashgan so’zlar (yoki so’z birikmasi va hokazo) to’plami, ularning mazmuni, ishlatilishi, kelib chiqishi, boshqa tildagi tarjimasi to’g’risida ma’lumot beruvchi yoki so’zning tushunchasi, u bilan belgilanuvchi predmetlar haqida axborot beruvchi ta’lim muassasalarining ilmiy (pedagogik) kengashi tavsiyasi asosida chop etilgan nashr.