Sitofizik tekshirish usullari. Rentgen - struktura analiz. Bu usul rentgen nurlari yordamida anorganik va organik kristallarni, oqsil molekulalarini, nuklein kislotalar atomini, gemoglobin, meoglobin, DNK, kollagen va boshq. molekulyar strukturasini o'rganishda keng qo'llaniladi. Bundan tashqari fluoressent, lyuminessent mikroskoplar ham qo'llaniladi.
1-rasm. Hujayra shakllari.
Radioavtografiya - sitokimyoning muhim usullaridan bo'lib, radioaktiv izotoplarni qo'llashga asoslangan. Bu metod bilan oqsillar, nuklein kislotalar biosintezi, hujayra qobig'ining o'tkzuvchanligi, hujayrada moddalar to'planishi o'rganiladi.
Ultrastrukturaviy tekshirish usuli. Bu usulda polyarizasion mikroskop yordamida hujayra strukturasidagi barcha komponentlarni kuzatish va o'rganish mumkin. Elektron mikroskop 1933 yillarda kashf qilingan. Hozirda bu mikroskopga teng keladigan mikroskop yo'q. Laborotoriya mashg'ulotlarida batafsil o'rganiladi.
Biokimyoviy tekshirish usullari. Bu usul yordamida hujayradagi anorganik va organik moddalarni aniqlash mumkin. Bulardan tashqari yana bir necha usullar mavjud. Jumladan: ajralgan hujayra strukturasini o'rganish usuli: mikro va ultramikrokimyoviy usullar. Sitokimyoviy va gistokimyoviy usullar.
Ajralgan hujayra strukturasini o'rganishda sentrafugalash muhim ahamiyatga ega. Bunda oqsillar, nuklein kislotalar, fermentlar va organoidlar o'rganiladi.
Mikro va ul'tramikroskoplarda 0,01-10 mg gacha bo'lgan oqsil, aminokislotalar, nuklein kislotalar, shakar va boshqalar aniqlanadi. Bunda kapilyar pipetkalar, ul'tramikrobyuretkalardan foydalaniladi.
Dostları ilə paylaş: |
