|
O‘zbekistonda fanlararo innovatsiyalar va 23- son ilmiy tadqiqotlar jurnaliYulanova Nargiza Davlatovna (1)O‘ZBEKISTONDA
FANLARARO
INNOVATSIYALAR
VA
23-
SON
ILMIY
TADQIQOTLAR
JURNALI
20.10.2023
mavjud bushboshdoqlikka barham berish, terminlarni muvofiqlashtirish va
unifikatsiya qilish va h.k.
Antropotsentrik tilshunoslikning etakchi yo'nalishlaridan biri hisoblangan
lingvokulturologiya (lot. lingua til lot. cultura ishlov berish yun. logos - taʼlimot)
tilshunoslik, madaniyatshunoslik,etnografiya, psixolingvistika sohalari hamkorligida
yuzaga kelgan, tilning madaniyat, etnos, milliy mentallik bilan o'zaro aloqasi va
ta'sirini antropotsentrik paradigma tamoyillari asosida o'rganuvchi sohadir.
Tadqiqotchilarning ta'kidlashicha, mazkur soha XX asrning so'nggichoragida
shakllandi, "lingvokulturologiya" termini esa V.N.Teliya rahbarligidagi Moskva
frazeologik maktabi tomonidan olib borilgan tadqiqotlar bilan bog'liq ravishda paydo
boʻldi.
Lingvokulturologiyaning yuzaga kelishi haqida gapirilganda, deyarli barcha
tadqiqotchilar bu nazariyaning ildizi V.fon Gumboldtga boribtaqalishini ta'kidlaydilar.
Tilshunoslikda bu sohaning shakllanishida A.A. Potebnya, L. Vaysgerber, X. Glins,
X.Xols, U.D.Uitni, D.U.Pauell, F.Boas, E.Sepir, B.L.Uorf, G.Brutyan, A.Vejbitskaya,
D.Xaymz kabi tilshunoslarning qarashlari muhim rol o'ynaganligi ta'kidlanadi.
Lingvokulturologiya sohasida jiddiy tadqiqotlar yaratgan V.A. Maslova ushbu sohaning
rivojini 3 bosqichga ajratadi:
1) fan shakllanishiga turtki bo'lgan dastlabki tadqiqotlarning yaratilishi (V.fon
Gumboldt, E.Benvenist, L.Vaysgerber, A.A.Potebnya, E.Sepir kabi tilshunoslarning
ishlari);
2) lingvokulturologiyaning alohida soha sifatida ajratilishi;
3) lingvokulturologiyaning rivojlanish bosqichi.Binobarin, lingvokulturologiyada
madaniy axborot tashuvchi til birliklari tadqiq etiladi. Bunday til birliklari
lingvomadaniy birliklar termini ostida birlashadi. Ramz, mifologema, etalon, metafora,
paremiologik birliklar, lakunalar, stereotiplar, pretsedent birliklar, nutqiy etiketlar eng
asosiy lingvomadaniy birliklar hisoblanadi. Olamning lisoniy manzarasini,
madaniyatning asosiy konseptlari majmui boʻlgan konseptosferani, lisoniy ongni
tavsiflash hamda til egalarining milliy- madaniy mentalligini aks ettiruvchi lisoniy
birliklarni, insoniyatning qadimiy tasavvurlariga muvofiq keluvchi madaniy
arxetiplarni, nutqiy muloqotga xos bo'lgan milliy ijtimoiy-madaniy stereotiplarni
aniqlash lingvokulturologiyaning asosiy vazifalari hisoblanadi.
Lingvokulturologik tadqiqotlarda, asosan, quyidagi masalalar tadqiq etilganini
ko'rish mumkin:
1) muayyan nutqiy janrning lingvokulturologik xususiyatlari. Bunda ko'pincha
miflar, xalq og'zaki ijodiga xos janrlar tili tahlil etilgan;
2) muayyan uslubda yozilgan asarda lingvokulturologik konsept ifodalanishi
tadqiqi. Bunda, asosan, badiiy-nasriy asarlar tili tahlil etilgan;
3) qiyosiy aspektdagi ishlar. Bunda, asosan, rus tilidagi lingvomadaniy birliklar
ingliz, nemis, fransuz tillari bilan qiyoslangan;
|
|
|