P. O. Box 126, Richmond, Surrey tw9 2UD, uk
Yüklə 9,74 Kb. Pdf görüntüsü
|
184 Altıncı fəsil BİR DAHA BİDƏT HAQQINDA Qurani-Kərimi oxuduğumuzda “Lənətlənmiş şeytandan Al- laha pənah aparırıq” 1 deyirik. Nə üçün? Çünki Quran şöləsi güclü, işığı da hər yerə yayılan çıraqdır; o, ən doğru yolda olanlara belə düzgün istiqamət göstərir, onları rüsvayçılıq və zəlalətdən qoruyur! Şeytan əlindən gələni edir ki, insan oğlu həyatın çətin yollarında əli çıraqsız gəzib-dolaşsın, büdrəyib yıxılsın, ayağa qalxmasın, azıb mənzil başına yetişməsin! Bu səbəbdən şeytan insanı Quran oxumaqdan uzaqlaşdır- maq, vəhyin bərəkətindən məhrum etmək istəyir. Yox, insan müqavimət göstərib, Quran oxumağa başlayarsa, şeytan vəsvəsələri ilə ona hücum çəkir; elə edər ki, insan oğlu Qu- ranı düşünmədən oxusun, ondakı hikmət və ibrətlərdən xə- bərsiz qalsın! Elə insanlar vardır ki, Quranı oxuyurlar, amma qəlbləri oğurlanmışdır, hissləri də ölgündür. Onlar Rəhmanın qulları deyildirlər. Allah Rəhmanın qullarını belə təsvir edir: “O kəslər ki, Rəbbinin ayələri zikr olunduğu vaxt özünü onlara qarşı kar və kor kimi aparmazlar (əksinə, onlara cani- dildən qulaq asarlar)” (əl-Fürqan, 73). 1 Ərəbcəsi: nəstəizu billəhi minəş-şəytanir-racim 185 Odur ki, Quran oxumazdan qabaq lənətlənmiş şeytandan Allaha sığınmalıyıq. Sığınmalıyıq ki, oxuduğumuzu doğru-dü- rüst başa düşüb mənən saflaşaq. Müsəlman kütlələr “Lənətlənmiş şeytandan Allaha pənah aparırıq” sözünə “Mərhəmətli və Rəhimli Allahın adı ilə” sözlərini 1 də əlavə etmişlər (yəni, bir-birinin ardınca bu söz- ləri deməyi adət halına gətirmişlər). Bunda bir qəbahət yoxdur. Tilavət (Quran oxumaq) ciddi bir işdir, adi vərəqi və ya kitabı oxumaq deyildir. Bir işə Allahın adı ilə başlamaq məşhur hədisə uyğun davranışdır. Bəzi ağlı qısırlar iddia edirlər ki, “bəsmələ” (Allahın adını çəkmək, “bismillah” demək) bidətdir, caiz ∗ deyildir! Onlara deyirəm: “Əgər ümumi dəlil ∗∗ istənilən işlə, əməllə əlaqədar- dırsa, onda məni bidətdə ittiham etməyiniz əsassızdır. Əgər “Bismillah” – demək istəmirsinizsə, istəməyin. Ancaq icazə verin biz deyək. Nə bizi danlayın, nə də biz sizi qınayaq”. Rəvayət olunur ki, səhabələrdən biri dualarında Allah təa- lanı özünəməxsus şəkildə tərifləyirmiş. Peyğəmbər (Ona Allahın xeyir- duası və salamı olsun!) bunu eşitdiyində sevinmiş və razı qalmışdır. Təbərani rəvayət edir ki, bir dəfə Peyğəmbər (Ona Allahın xeyir- duası və salamı olsun!) bir bədəvi ərəbin yanından keçirmiş. Görür ki, ərəb namazında belə dua edir: “Ey gözlərin görmədiyi Kəs! 1 Ərəbcəsi: bismilləhir-rahmənir-rahim ∗ Caiz: (ərəb. “icazəli”). Fiqh termini olub şəriət baxımından icrası qa- dağan olunmayan əməli, işi ifadə edir – tərcüməçinin qeydi. ∗∗ Yəni, hədisə görə istənilən işə Allahın adını çəkməklə başlayırıq. Elə isə yuxarıdakı məqamda Allahın adını çəkmək bidət deyildir – tərcümə- çinin qeydi. 186 Ey gümanın sirayət etmədiyi Kəs! Ey vəsf edənlərin vəsf edə bilmədikləri Kəs! Ey hadisələrin dəyişə bilmədiyi Kəs! Ey dövrlərdən qorxmayan, dağların ağırlığını, dəryaların çəkisini, yağış qətrələrinin, ağaclardakı yarpaqların, üzərinə gecənin çöküb, gündüzün də doğduğu hər şeyin sayını bilən Kəs! Səmada, yerdə, dənizin dərinliyində, əlçatmaz dağlarda olan- lardan xəbər tutan Kəs! Ömrümün son anlarını xeyirli qıl! Ən xeyirli əməllərim ölümqabağı etdiyim əməllər olsun! Ən xe- yirli günüm sənə qovuşan gün olsun!” Peyğəmbər (Ona Allahın xeyir-duası və salamı olsun!) bir adama tapşırır ki, həmin bədəvini namazını qılıb qurtardıqdan sonra yanına gə- tirsin. Peyğəmbərə bir az qızıl hədiyyə edilmişdi. Bədəvi gəl- diyində qızılları ona verib soruşur: “Bilirsənmi, nə üçün bun- ları sənə verirəm?” Bədəvi deyir: “Aramızda olan qohumluq əlaqələrinə görə!” Alicənab Peyğəmbər (Ona Allahın xeyir-duası və salamı olsun!) gülümsəyir: “Qohumluğun öz yeri, öz məqamı vardır! Bu qızılları sənə Allahı gözəl şəkildə təriflədiyin üçün veri- rəm”. Doğrudan da, bədəvinin Allah təalaya yağdırdığı tərif söz xiridarlarının belə eynisini söyləməkdə aciz qaldıqları tərif idi. Bu tərif yüksək ədəb-ərkanla deyilmişdi. Təbii ki, belə bir tərif Peyğəmbərin təqdirinə layiq olmalı idi! Çünki bu söz- lər ilahi bilik şüalarının işıq saldığı, zikr və şükür duyğu- sunun parladıb-aydınlatdığı bir qəlbdən çıxmışdı. Bu sözlər dinimizin ümumi təlimləri və dəlilləri ilə səsləşirdi... Yüklə 9,74 Kb. Dostları ilə paylaş:
|