382
III. Uluslararası Türk Dünyası Araştırmaları Sempozyumu
olunmuşdur. Atəşkəs müqaviləsini imzalayan Ermənistan Dağlıq Qarabağ və ətrafındakı yeddi
rayonumuzu işğal altında saxlamaqla zamanın məhz onun xeyrinə işləyəcəyini düşünürdü. Ancaq 1994-
cü ilin sentyabrında neft müqavisi imzalandıqdan sonra Azərbaycan Amerika Birləşmiş Ştatlarının və
Qərbin maraq dairəsinə çevrilməyə başladı. Çeçenlərin Rusiya ilə müharibəsi də bizim vaxt
qazanmağımıza səbəb oldu. Rus-Çeçen müharibəsi başladığı zaman Rusiya ilk öncə çeçen məsələsini ön
plana çıxardı. Azərbaycanla bağlı siyasətini isə bir müddət təxirə saldı. Rusiyanın məqsədi Azərbaycanı
ermənilərin əliylə əzmək, burada öz hakimiyyətini bərqərar etmək idi. Əbülfəz Elçibəyin hakimiyyəti
dövründə rus qoşunları Azərbaycanı tərk etmək məcburiyyətində qaldılar. Bu hadisə o dövr üçün nonson
idi. Çünki, o zaman heç bir keçmiş Sovet ölkəsi bunu etmək iqtidarında deyildi. Rus qoşunları
Azərbaycanı tərk etdiyi zaman rus hərbi elitası buralara yenidən qayıdacaqlarını düşünürdülər. Amma
hadisələr elə cərəyan etdi ki, neft müqaviləsi imzalandı, Rusiya isə çeçenlərlə müharibədə məğlub oldu.
Atəşkəsin bu qədər uzun çəkməsi və bu müddət ərzində Azərbaycanın iqtisadi və hərbi cəhətdən
möhkəmlənməsinin əsas səbəbi Rusiyanın Çeçenistandakı məğlubiyyəti olduğunu demək mümkündür.
Qeyd etmək lazımdır ki, Ermənistan dəfələrlə Azərbaycanla sülh bağlamağa cəhd etmişdir.
Ermənistanın keçmiş prezidenti Levon Ter-Petrosyan dəfələrlə bəyanat vermişdi ki, Azərbaycanla sülh
bağlanmasa Ermənistanın gələcəyi yoxdur. İlk dəfə 1998-ci ildə Levon Ter-Petrosyan Azərbaycana təklif
etmişdi ki, Dağlıq Qarabağ ətrafındakı 7 rayonu qaytara bilərlər, yetərki Dağlıq Qarabağın statusu
müəyyən olunsun, sonra isə ikili əlaqələrimiz möhkəmlənsin. Prinsip etibarilə Azərbaycan tərəfi bu
şərtlərə razı idi. Ancaq çox keçmədən Levon Ter-Petrosyan vəzifəsindən uzaqlaşdırıldı, yerinə isə Dağlıq
Qarabağ separatçılarının başçısı Pobert Koçaryan gətirildi.
İkinci dəfə 1999-cu ildə Heydər Əliyev Robert Koçaryana məsləhət verdi ki, Ermənistanın ən
məşhur və güclü, eyni zamanda Rusiyanın da dəstəklədiyi baş nazir Vazgen Sarkisyan və Ermənistanın
digər bir tanınmış siyasətçisi Karen Dəmirçiyanla danışıqlar aparıb bu mövzuda onların da dəstəyini alsın.
Belə vəziyyətdə Rusiyanın da sülhün əldə olunmasına maneçilik törətməsi mümkün olmayacaq və
bölgədə arzuolunan daimi sabitlik təmin olunacaqdır. Azərbaycanın keçmiş prezidenti Heydər Əliyev
Koçaryanla bunu İsveçrədə açıq şəkildə üzbə-üz görüşdə müzakirə etmişdi. Rusiyanın danışıqlara
müdaxilə edə bilməməsi üçün İsveçrə görüş yeri olaraq seçilmişdi. Bu danışıqların mahiyyətindən Qərb
ölkələri xəbərdar ola bilərdilər, amma rusların bu məlumatları əldə etmələri mümkün deyildi. Heydər
Əliyev bəzi güzəştlərə getmək, regionda sülhə nail olmaq istəyirdi. Eyni zamanda yeddi rayonun
Ermənistan tərəfindən sülhməramlıların bu əraziyə gətirilmədən Azərbaycana geri qaytarılmasının da
Azərbaycan üçün böyük əhəmiyyət kəsb etdiyini yaxşı dərk edirdi. Təəssüflər olsun ki, bu görüşmədən
bir neçə gün sonra erməni parlamenti qəfil silahlı hücuma məruz qaldı. Vazgen Sarkisyan, Karen
Dəmirçiyan və Ermənistanın bir neçə naziri parlamentdə güllələndi.
1999-cu ilin noyabr ayında ATƏT-in İstanbul sammitinin baş tutması gözlənilirdi. İstanbul
sammitinin gündəliyində iki əhəmiyyətli məsələ var idi. Birincisi; Rusiyanın hərbi bazalarının Gürcüstan
ərazisindən çıxarılması,ikincisi isə; Azərbaycanla-Ermənistan arasında sülh müqaviləsinin imzalanması.
Həmin müddətdə Azərbaycanda iki yüksək vəzifəli şəxsin istefasından və Ermənistan parlamentinin
silahlı hücuma məruz qalmasında sonra İstanbul sammiti Qarabağ məsələsini gündəlikdən çıxardı.
Sammitin yekun sənədində isə yazıldı ki, Azərbaycanda iki böyük vəzifəli şəxsin, yəni xarici işlər naziri
Tofiq Zülfüqarovun, prezident katibliyinin rəhbəri Eldar Namazovun istefası və Ermənistan parlamentinin
silahlı hücuma məruz qalması səbəbindən Dağlıq Qarabağ məsələsinin müzakirəsi gündəlikdən
çıxarılmışdır.
Ermənistanın üçüncü prezidenti Serj Sarkisyan Azərbaycan Respublikasının Prezidenti İlham
Əliyevlə dəfələrlə Qarabağ münaqişəsinin nizamlanma yollarını müzakirə ediblər. Qeyd etmək lazımdır
ki, bu görüşlərin əksəriyyəti məhz Rusiyanın vasitəçiliyi ilə baş tutmuşdur. Amma bu və digər formatda
baş tutmuş müzakirələrin heç birində konkret nəticə əldə edilməmiş və Ermənistan tərəfindən bölgədə
status kvo-nun saxlanılmasına, münaqişənin daha uzun müddətə dondurulmasına çalışılmışdır.
Ermənistanın status kvo-nun saxlanılmasına səbəbkarlardan biri də ATƏT-in Minsk qrupunun destruktiv
mövqeyi səbəb olmuşdur. Azərbaycan Respulikasının Prezidenti İ.Əliyev dəfələrlə bildirmişdir ki, bizim
üçün status kvo dözülməz və qəbul edilməzdir. Bütün bunlara baxmayaraq, dünya ictimaiyyəti
Ermənistanın işğalçı siyasətinə göz yumur və onun mövqeyini dəyişməsi üçün ona təzyiq etmirlər.
Məhz belə bir danışıqların dalana dirəndiyi zamanda aprelin 1-dən etibarən Ermənistan silahlı
qüvvələrinin təmas xəttində yerləşən mövqelərimizə qarşı hücuma keçmişdir. Ermənilərin bu hücumunu
dəf etdikdən sonra Azərbaycan silahlı qüvvələri cəbhə boyu əks hücuma keçmişdir .Qeyd etmək lazımdır
ki, bu, son günlərdə ermənilərin ilk hücumu deyildir. Bir neçə gün bundan əvvəl Azərbaycan-Ermənistan