383
Vüqar MƏMMƏDZADƏ / Dağliq Qarabağ Münaqişəsində Status-Kvo Müharibə Riskini Artirir
sərhədində, Qazax istiqamətində də oxşar təxribat törədilmişdir. Azərbaycanın mövqelərinə Ermənistanın
təxribatçı qruplarının hücumu nəticəsində iki hərbçimiz həlak olmuşdur. Düşmənə layiqli cavab verilmiş
və ordumuz onları geri çəkilməyə məcbur etmişdi. Ermənilərin bu təxribat Azərbaycan Ordusu tərəfindən
layiqincə cavablandırıldı. Düşmənə çox böyük zərbələr endirildi. Eyni zamanda, Azərbaycan ordusu işğal
olunmuş bir sıra strateji əhəmiyyətə malik mövqeləri geri qaytardı.
Atəşkəsin ermənilər tərəfindən pozulmasından dərhal sonra aprelin 2-də Azərbaycan prezidenti
İlham Əliyev Təhlükəsizlik Şurasının iclasında demişdi ki: Ermənistanın əsas məqsədi status-kvonun
dəyişməz qalmasıdır. Əfsuslar olsun ki, Minsk qrupuna həmsədrlik edən ölkələrin dövlət başçılarının
çoxsaylı bəyanatları Ermənistan rəhbərliyinə heç bir təsir göstərmir. Bu bəyanatlar ondan ibarətdir ki,
ABŞ, Rusiya və Fransa dövlətlərinin başçıları dəfələrlə bildirmişlər: status-kvo qəbuledilməzdir,
dəyişməlidir və məsələ tezliklə öz həllini tapmalıdır.
Status-kvonun dəyişdirilməsi o deməkdir ki, işğalçılar işğal edilmiş torpaqlardan çıxmalıdır.
Ermənistan rəhbərliyi isə bunu istəmir. Əsas məsələ bundan ibarətdir. Onlar istəyirlər ki, bu, sonu
olmayan prosesə çevrilsin. İstəyirlər ki, danışıqlar bundan sonra da iyirmi il davam etsin. Onlar özlərini
danışıqlar masası arxasında qeyri-səmimi aparırlar. Bu yaxınlarda Rusiya Prezidenti və Rusiyanın xarici
işlər naziri digər həmsədrlərlə birlikdə müəyyən təkliflər irəli sürmüşlər. Biz bunu alqışlayırıq. Həm görüş
əsnasında və rəsmi bəyanatlarda Azərbaycanın ərazi bütövlüyü ilə bağlı öz fikirlərini bildirmişlər.
Qeyd etmək lazımdır ki, Rusiya prezident Putin atəşkəs elan olunandan sonra İ.Əliyevə zəng etdi.
Sonra Rusiya prezidentinin mətbuat katibi Peskov bəyanat verdi. O da öz adından yox, prezidenti adından
münasibət sərgilədi. İkinci, Rusiya XİN rəhbəri Lavrov hər iki respublikadakı həmkarlarıyla telefon
əlaqəsi saxladı. Üçüncü, müdafiə naziri Şoyqu Bakı və İrəvandakı həmkarlarına zəng etdi. Kollektiv
Təhlükəsizlik Müqaviləsi Təşkilatının rəsmisi Bordyuja neytral bəyanat versə də, İrəvana zəng etdi.
Amma təşkilat Ermənistana dəstək bəyanatı da yayınladı.
Dağlıq Qarabağda baş verən son hadisələrdən sonra rusiyalı rəsmilərin ard-arda Bakıya səfərləri
başladı. Rusiya xarici işlər naziri Sergey Lavrov Azərbaycana rəsmi səfər edib və Azərbaycan prezidenti
İlham Əliyevlə görüşüb. Görüşdə İlham Əliyev bir daha bəyan etdi ki, Dağlıq Qarabağda münaqişənin
beynəlxalq hüquq normalarına uyğun olaraq sülh yolu ilə həll olunmasının tərəfdarıdır. Sergey Lavrov
isə bildirib ki, rəsmi Moskva Qarabağ münaqişəsində razılaşmaya nail olmaq üçün tərəflərə əlindən gələn
köməyi etməyə hazırdır. Rusiyada açıq şəkildə bildirirlər ki, Qafqazda vəziyyət dəyişib, ancaq bu
dəyişikliklər bəzi prinsipial məsələlərdə Rusiyanın mövqeyinin dəyişməsinə səbəb olmayıb. Bu prinsipial
mövqe ise birinci Qarabağ müharibəsi dövründə olduğu kimi yenə də Rusiya öz silahlı qüvvələrini
Cənubi Qafqaz ölkələrinin hər birində yerləşdirmək istəyir. Hələ 1994-cü ildə Gürcüstanın Cənubi
Osetiya və Abxaziya ərazisində Rus sülhməramlılarının qalmasına nail olmuşdur. Eyni situasiyanı Dağlıq
Qarabağda da etməyə çalışan Rusiya H.Əliyevin kəskin etirazı ilə qarşılaşmış və Azərbaycan
sərhədlərində öz sülhməramlıları yerləşdirə bilməmişdir. Lakin təmas xəttində atəşkəsin pozulmasından
sonra Rusiyadan davamlı şəkildə Qarabağa rus sülhməramlıların gətirilməsinin zəruriliyi barədə
səsləndirilən fikirlərin indi daha ciddi şəkildə ifadə olunması, üstəlik, ABŞ-ın bu məsələ ilə əlaqədar
narahatlığının operativ olaraq bildirilməsi situasiyanı xeyli aydınlatmış oldu. Nüfuzlu “Stratfor” şirkətinin
“tezliklə Dağlıq Qarabağda status-kvo dəyişə bilər. 1994-cü ildə əldə edilmiş atəşkəsdən sonra bu region
faktiki olaraq Ermənistanın nəzarəti altındadır, situasiya isə dondurulmuşdu. İndi isə Qarabağa Rusiya
sülhməramlıları yeridilə bilər” - açıqlaması konkret situasiyanın ciddi təhlilinin məntiqi nəticəsi hesab
olunmalıdır. Amma azərbaycan hakimiyyəti öz sərhədləri daxilində heç bir ölkənin əsgərlərini görmək
istəmədiyini dəfələrlə bildirmişdir.
Beynəlxalq Böhran Qrupunun (BBQ) Qafqaz üzrə layihə direktoru Sabin Frayzerin sözlərinə görə,
sülhməramlıların beynəlxalq mandatı olmalıdır. Bu mandat ya BMT-nin Təhlükəsizlik Şurasına, ya da
ATƏT-ə verə bilər: «Yəni ya BMT-nin Baş katibi, ya da ATƏT-in sədri ölkələri missiyada iştirak üçün
əsgər göndərməyə dəvət edə bilər. Bu dəvəti hansı ölkənin qəbul edəcəyini gözləmək lazımdır, bəlkə
Avropa Birliyi də bunda maraqlı olar».
ƏDƏBİYYAT
1. Azərbaycan tarixi. Yeddi cilddə. VII cild (1941-2002-ci illər). Bakı: "Elm". 2008. səh. 608. (azərb.)
2. Strateji Təhlil. Bakı:CBS PP MMC. 2013. səh.268.
3. Tomas de Vaal. Qarabağ: Ermənistan və Azərbaycan sülh və savaş yollarında Bakı: ”İlay MMC”. 2008. səh. 342.
4. Thomas de Waal. “Black Garden: Armenia and Azerbaijan Through Peace and War”, New York: University
Press, 2003 p.342.
5. Эхо. - 2011.-17 ноября. - № 209. - С. 1,3. - [AZ-Г].