27
17.9.
Musobaqa ishtirokchilari uchrashuv qaydnomasiga 11 nafar asosiy va
7 nafar zaxira futbolchisini kiritishi mumkin.
Shuningdek, qaydnomadan O‘zPFL
litsenziyaga ega bo‘lgan 7 nafargacha rasmiy shaxs joy olishi mumkin. Rasmiy
shaxslar orasida klub shifokorining bo‘lishi majburiydir. Zaxira o‘rindig‘iga
uchrashuv qaydnomasida bo‘lmagan shaxs qo‘yilmaydi.
17.10.
Uchrashuv qaydnomasiga diskvalifikatsiya qilingan futbolchini kiritgan
jamoaga:
g‘alaba qozonsa yoki o‘yin durang bilan yakuniga yetsa, unga texnik
mag‘lubiyat yoziladi hamda klubga O‘FA Intizom kodeksiga muvofiq jarima
solinadi. Raqib jamoaga esa texnik g‘alaba yoziladi. Shu bilan birga, ushbu
uchrashuvda
urilgan gollar bekor qilinadi, olingan ogohlantirish va
chetlashtirishlar o‘z kuchida qoladi;
jamoa mag‘lub bo‘lgan taqdirda uchrashuv natijasi (gollar, ogohlantirish va
chetlashtirish) o‘z kuchida qoladi, jamoaga O‘FA Intizom kodeksiga muvofiq
jarima solinadi;
bunday hol takrorlansa, O‘zPFL Ijroqo‘mi qarori bilan jamoa musobaqadan
chetlashtiriladi;
uchrashuv qaydnomasiga stadion hududiga yetib kelmagan futbolchini
kiritish taqiqlanadi. Stadionga kechikib yetib kelgan futbolchini qaydnomaga
uchrashuvga 20 daqiqa qolguniga qadar kiritish mumkin. Buning uchun klub
rasmiysi uchrashuv komissariga murojaat qilishi kerak.
17.11.
Maydon egalari qaydnomani birinchi bo‘lib to‘ldiradi. Jamoa nomidan
qaydnomani imzolashga uchrashuv qaydnomasiga kiritilgan bosh murabbiy yoki
katta murabbiy haqlidir. Yoshlar tarkiblari o‘rtasidagi uchrashuvlar qaydnomasini
ushbu qaydnomaga kiritilgan, yoshlar tarkibi bilan ishlash uchun mas’ul bo‘lgan
jamoa murabbiyi imzolashi kerak.
17.12.
Jamoa uchrashuvga belgilangan
vaqtdan kechikib kelsa, o‘yin
komissari maydon egasi bo‘lgan klub rahbariyati bilan kelishgan holda, uchrashuvni
o‘z vaqtida o‘tkazish uchun barcha choralarni ko‘rishi zarur. Agar uchrashuvni
belgilangan vaqtda o‘tkazishning imkoni bo‘lmasa, O‘zPFL komissiyasi barcha
tafsilotlarni o‘rganib chiqib, so‘ng ushbu uchrashuv bo‘yicha qaror qabul qiladi.
Jadvalda belgilangan uchrashuv kechiktirilishida aybdor klub O‘FA “Intizom
kodeksi”ga muvofiq jarimaga tortiladi. Jamoalardan biri o‘yin boshlanish vaqtidan
30 daqiqa kechiksa, mazkur jamoaga nisbatan texnik mag‘lubiyat yoziladi.
17.13.
Litsenziya uchrashuvda ishtirok etish va tegishli zonaga kirish huquqini
beruvchi yagona hujjat hisoblanadi. Bunda litsenziya egasi uchrashuv
qaydnomasiga kiritilgan bo‘lishi shart. Superliga va Pro liga klublarining qolgan
rasmiy vakillari faqatgina maxsus ruxsatnomalar (VIP PASS, FOP va OA)
orqali
tegishli zonaga qo‘yiladi. Maxsus ruxsatnoma uchrashuvdan bir kun oldin
o‘tkaziladigan miting davomida komissar tomonidan tegishli shaxslarga taqdim
28
etiladi. O‘yinoldi mitingni tashkillashtirishga mahalliy koordinator javobgar
hisoblanadi.
17.14.
Jamoa rasmiy shaxslari zaxiradagi futbolchilar bilan birga texnik
zonadagi maxsus ajratilgan joyda bo‘lishi lozim. Mehmon jamoa zaxira hakamining
o‘ng tomonida, mezbon chap tomonida maydonga qarab joylashadi. Qaydnomaga
kiritilgan shaxslarning ko‘ksida texnik zonaga kirishga
ruxsat beradigan litsenziya
bo‘lishi lozim. Epidemiologik holatlarda O‘zPFL zaxira o‘rindiqlarini stadionning
boshqa hududiga ko‘chirishga haqli.
17.15.
Zarur hollarda uchrashuv qaydnomasiga kiritilmagan tarjimon texnik
zonaga kirishi mumkin. Bunda tarjimon uchrashuv komissaridan maxsus
ruxsatnoma olgan bo‘lishi shart.
17.16.
Uchrashuv qaydnomasiga kiritilgan zaxira futbolchilaridan faqat 6
nafariga o‘z zaxira o‘rindig‘iga yaqin darvoza ortidagi burchak bayrog‘i zonasida
chigalyozdi mashqlarini bajarishga ruxsat beriladi. Bunda jismoniy tayyorgarlik
bo‘yicha murabbiy ishtirok etishi mumkin. Zaxiradagi
futbolchilar libosi
maydondagi futbolchilar va hakamlar libosidan farqlanishi lozim. Bunda mashg‘ulot
o‘tkazayotgan futbolchilar to‘plardan foydalana olmaydi (darvozabon bundan
mustasno).
17.17.
Zaxira o‘rindig‘ida o‘tirgan shaxslar tomonidan tamaki va boshqa
turdagi mahsulotlarni chekish va spirtli ichimliklar iste’mol qilish taqiqlanadi.
Shuningdek, mobil aloqa vositalaridan foydalanish taqiqlanadi (maxsus ruxsat
etilgan radioaloqa vositalari bundan mustasno).
Jamoa bosh murabbiyi texnik zonada shippak,
short hamda yengsiz
futbolkada bo‘lishi taqiqlanadi.
17.18.
Uchrashuvlar O‘zPFL tomonidan belgilangan muddat va vaqtlarda
o‘tkaziladi. Ularning vaqti (kun va soat) quyidagi hollarda o‘zgartirilishi mumkin:
oldindan taxmin qilishning imkoni bo‘lmagan fors-major vaziyat va
hodisalarning yuzaga kelishi natijasida uchrashuvni o‘tkazish, boshlash,
davom ettirish, qayta boshlash va tugatish imkoni bo‘lmaganida.
Bunday
hodisalar qatoriga avariya, yong‘in, suv toshqin, zilzila, epidemiologik va
boshqa tabiiy ofatlar,
shuningdek, musobaqa tashkilotchilari va
futbolchilarga bog‘liq bo‘lmagan har qanday boshqa tafsilotlar kiradi. Bunday
holatlarda uchrashuvning qachon davom ettirilishi masalasi O‘zPFL
tomonidan belgilanadi. Uning qay tartibda davom etishi “Futbol o‘yini
qoidalari–2021” asosida tartibga solinadi;
musobaqa jadvaliga O‘zPFL tomonidan o‘zgartirish kiritilganida.
17.19.
Elektr yoritish tizimi ishdan chiqishi yoki elektr yoritish tizimidagi
muammo bir soat ichida bartaraf etilmagani uchun uchrashuvni boshlash, davom
ettirish, qayta boshlash va tugatish imkoni bo‘lmasa, stadionning texnik holati va
elektr yoritish tizimi ishdan chiqishi sababi bilan maydon egasi bo‘lgan klubga texnik
mag‘lubiyat yoziladi.