22.2. Ayollar o‘rtasida O‘zbekiston kubogi. O‘zbekiston kubogi musobaqasida Oliy liga hamda Birinchi liganing 15 ta
jamoasi g‘oliblik uchun kurash olib boradi. Bunda:
mag‘lub bo‘lgan jamoa musobaqani tark etadi;
kubok bellashuvlari 1/8 finaldan boshlanadi. O‘zbekiston kubogining
amaldagi sohibi kubok musobaqasiga 1/4 final bosqichidan qo‘shiladi;
kubok uchrashuvlari faqatgina 1 ta uchrashuvdan iborat bo‘ladi. Mezbon
jamoalar nomiga qur’a tashlash yo‘li bilan oydinlik kiritib beriladi;
kubok uchrashuvlarining asosiy vaqti durang bilan yakuniga yetsa, 15
daqiqadan ikki qo‘shimcha taymlar belgilanadi. Shunda ham g‘olibni
aniqlashning imkoni bo‘lmasa, navbat penaltilar seriyasiga beriladi.
22.3. O‘zbekiston Superkubogi. Yangi mavsum avvalida O‘zbekiston chempioni hamda O‘zbekiston kubogi
sohibi o‘rtasida Superkubok uchrashuvi o‘tkaziladi. Agar bir klub ham
chempionlikni, ham O‘zbekiston kubogini qo‘lga kiritsa, u holda Superkubok
uchrashuvida Superliganing (ayollar Oliy ligasining) dastlabki ikki o‘rinni egallagan
jamoa o‘zaro kurash olib boradi. Bunda:
Superkubok uchrashuvi neytral maydonda bo‘lib o‘tadi;
Superkubokda mamlakat chempioni avtomatik ravishda mezbon maqomida
bo‘ladi;
Superkubok uchrashuvlarining asosiy vaqti durang bilan yakuniga yetsa, 15
daqiqadan ikki qo‘shimcha taymlar belgilanadi. Shunda ham g‘olibni
aniqlashning imkoni bo‘lmasa, navbat penaltilar seriyasiga beriladi.
22.4. Liga kubogi.
37
Liga kubogi musobaqasi formati ishtirokchi klublar soni aniq bo‘lgach, mazkur
Reglamentning shu bandiga kiritilgan o‘zgartirish asosida tartibga solinadi.
Liga kubogining o‘tish yoki o‘tmasligi epidemiologik sharoit hamda u keltirib
chiqarishi mumkin bo‘lgan muammolar o‘rganilganidan keyingina alohida hal
etiladi.
