23-bob. Musobaqa g‘oliblarini aniqlash 23.1. Jamoalarning musobaqadagi o‘rinlari to‘plangan ochkolar yig‘indisiga
ko‘ra aniqlanadi. Uchrashuvdagi g‘alaba uchun 3 ochko, durang uchun 1 ochko,
mag‘lubiyat uchun 0 ochko yoziladi.
23.2. Ikkita va undan ko‘p jamoalar to‘plagan ochkolar teng bo‘lib qolsa,
jamoalarning o‘rni quyidagicha aniqlanadi:
o‘zaro uchrashuv(lar) natijasiga ko‘ra (olingan ochkolar, urilgan va o‘tkazib
yuborilgan to‘plar farqi, urilgan to‘plar, raqib maydonida urilgan to‘plar
nisbati);
yuzma-yuz uchrashuv(lar)da texnik mag‘lubiyatga uchragan jamoa(lar) eng
quyi o‘rinni egallaydi;
barcha uchrashuvlarda urilgan va o‘tkazib yuborilgan to‘plar nisbatiga ko‘ra;
barcha uchrashuvlarda kiritilgan gollar soniga ko‘ra;
barcha uchrashuvlarda erishilgan g‘alabalar soniga ko‘ra;
safar o‘yinlarida erishilgan g‘alabalar soniga ko‘ra;
barcha uchrashuvlarda raqiblar maydonida urilgan to‘plarning soniga ko‘ra;
mazkur ko‘rsatkichlarning hammasi teng bo‘lsa, klublarning U-21 jamoalari
natijasiga e’tibor qaratiladi. Agar vaziyat chempionni yoki OFK Chempionlar
ligasida ishtirok etish huquqini beradigan o‘rinlarni aniqlab beradigan bo‘lsa,
betaraf maydonda “oltin” uchrashuv o‘tkaziladi.
23.3. Musobaqa ishtirokchilari uchun O‘zPFL matbuot xizmati tomonidan
tarqatiladigan materiallar musobaqalarning davom etishi va natijalarini aks
ettiradigan rasmiy ma’lumot hisoblanadi.
24-bob. Musobaqa g‘oliblarini taqdirlash 24.1. O‘zbekiston Superkubogida g‘olib bo‘lgan klublarga Superkubok
topshiriladi.
24.2. O‘zbekiston kubogida g‘olib bo‘lgan klublarga maxsus O‘zbekiston
kubogi topshiriladi.
24.3. O‘zbekiston Liga kubogida g‘olib bo‘lgan klubga Liga kubogining maxsus
sovrini topshiriladi.
24.4. Final uchrashuvlarida ishlagan hakamlar brigadasi O‘zPFL maxsus
nishoni bilan taqdirlanadi.
38
24.5. O‘zbekiston Superligasida 1-o‘rinni egallagan klubga O‘zbekiston
chempioni uchun atalgan kubok hamda 50 dona “oltin” medallar taqdim etiladi.