[421]
5.
Tarixi vaxtların uyğun gəlməməsi.
Mövzu hədislərin tanınmasında ən aşkar yollardan biri də tarixi zamanlara
uyğun gəlməyən hədislərin mövzu adlanmasıdır. Belə ki, buna bariz şəkildə təmas
edən aşağıdakı hədisi göstərmək olar: “Üfeyr bin Madan (öl. VIII miladi əsrin
ortaları) deyir: Ömər bin Musa (öl. 774 m.) Humsa gəldiyi zaman məscidə gedərək
ətrafına toplaşdıq. O, tez-tez “Saleh şeyxiniz mənə rəvayət etdi” sözünü təkrarlayırdı.
Mən buna dözə bilməyərək “bu saleh şeyximiz kimdir?” dedim. O, şeyximizin Xalid
bin Madan olduğunu öyrənincə “onunla nə zaman görüşdünüz?” dedim. O, dedi:
“726-cı ildə Erməniyyə qəzasında”. Mən dedim: “Ey şeyx, Allahdan qorx, Xalid bin
Madan 722-ci ildə vəfat etdi. Sən isə ondan onun ölümündən dörd il sonra
görüşdüyünü iddia edirsən. Üstəlik o, heç bir zaman Erməniyyədə savaşmamışdı.”
6.
Mövcud olan mötəbər kitablarda olmaması.
Hədislərin mövzu olduğunu tanıdan əlamətlərdən biri də əldə mövcud olan
mötəbər və səhih hədis əsərlərində həmin hədisin mövcud olmamasıdır.
1501
7.
Məsum İmamın (ə) tənqid etməsi.
Əgər Əhli-beyt imamları (ə) hər hansı bir hədisi tənqid edib haqqında pis söz
söyləyərsə, sözsüz ki, bu hədis uydurma hesab ediləcəkdir. Çünki Peyğəmbərdən (s)
gələn hədislərin doğru olub-olmaması ən yüksək şəkildə onlara bəllidir.
VIII FƏSİL
1501
geniş məlumat üçün bax: Y. Kandemir, Mövzu Hədislər, səh. 176-186, T Koçyigit, Hədis istilahları, səh. 226-228,
İbn Salah, Ülumul-hədis, Zəhəbi, Mizanül-etidal, c. II, Süyuti, Tədribür-ravi, c. I, Əllamə Əmini, əl-Qədir, c. V və s.
mənbələrə.
[422]
ZƏİF HƏDİSİN MƏNFİ TƏSİRLƏRİ VƏ ONA ƏMƏL EDİLİB-
EDİLMƏMƏSİ PROBLEMİ
8.1.ZƏİF HƏDİSLƏRİN İSLAMA VURDUĞU ZİYANLAR
Peyğəmbərin (s) vəfatından (632 miladi) sonra ortaya çıxan hadislər içərisində
ən dəhşətlilərindən biri hədislərin yazılması və nəql edilməsinin qadağan olmasıdır.
Bu elə bir dəhşətli fitnə oldu ki, vahid İslam dini müxtəlif məzhəblərə və təriqətlərə
parçalandı, yad mədəniyyətlər, adət-ənənələr İslam mədəniyyətinə, onun təfəkkürünə
qarışdı və bunların da nəticəsində bir qrupmüsəlmanlar dindən çıxdı və yaxud da tam
İslama yad olan ideologiya girdabında sərgərdan qaldı. Hədislərin yazılması və nəql
edilməsi qadağan olduqda təbiidir ki, yad təfəkkürlər İslama qarışacaq və onun təməl
prisnislərini sarsıdacaqdır. Bu belə də oldu. Müsəlmanların Əhli-beytdən (ə)
uzaqlaşmağı, onların hədislərinin qadağan olması, münafiqlər üçün bir bəhanə oldu
və onlar bundan sui-istifadə edərək çoxlu sayda hədis uydurdular. Bu fəsilə aid olan
məqamları diqqətlə incələyən dahi Quran təfsirçisi və məşhur İslam filosofu Əllamə
Təbatəbai yazır: “...Peyğəmbər (s) vəfat etməsinin ardınca bilinən xilafət hadisəsi
ortaya çıxdı. Xilafətlə əlaqədar olaraq ortaya çıxan ixtilaf, mövcud ixtilaf qapılarına
bir daha da əlavə etdi... Dalbadal gələn fəthlər bir xarakter də çıxardı. Nəbəvi tərbiyə
nəticəsində məhv edilmiş ərəb cahiliyyə xarakterini, yəni qürur və böyüklüyü üzə
çıxardı.Artıq ərəblərdə də təkəbbür və böyüklük ruhu baş qaldırdı. Yavaş-yavaş
onların xüsusi xarakterlərinə çevrildi. Bunun ən bariz misalınıİslam ümmətinin
ərəblər və məvalilər (kölələr) şəkilində ikiyə bölünməsidir.
Dövrünün Şam valisi Müaviyəmüsəlmanlar arasında Bizans kralı və bir
imperator kimi davranırdı. Bunun kimi tarixin İslam ordularıyla əlaqədar olaraq
anlatdığı daha bir çox işlər göstərilə bilər...
...Hədis isə bəlli bir yayğınlıq qazanmışdı. Hədis nəql etmə və əzbərləmə işi bir
çox kişinin məşğuliyyət halına gəlmişdi. Belə ki, Ömər bin Xəttab çox hədis rəvayət
edən bəzi səhabələrə bu işi qadağan etmişdi. Əhli-kitaba mənsub bəzi kimsələr
dəİslama girmişdilər. Hədisçilər kitablarında keçən bir çox xəbəri peyğəmbərləri (ə)
və ümumiyyətlə bununla bağlı qissələri onlardan öyrənmişdilər. Bunları əzbərləyir və
sonra da onu Peyğəmbərin (s) hədisləriylə qatışdırırdılar. Bu sırada hədis
uydurmaq,rəvayətləri təhrif etmə işi də öz fəaliyyətini göstərirdi. Bu gün əlimizdə
olanİslamın ilk dönəmində səhabədən və onların rəvayətlərindən nəql edilən bir çox
qəti hədislər içində açıqca Quranla müxalif hədislərə çox rast gəlinir. Bunun səbəbləri
isə baçlıca üç halda dəyərləndirilə bilər:
1. XalqınPeyğəmbərin (s) səhabələrinə və onlardan hədis rəvayət etməyə
verdikləri yüksək dəyər, səhabəyə və səhabədən nəql edənlərə göstərilən sayğı və
üstünlüksəhabələrdən hədis almağa yönəldi. Bu mövzuda o qədər irəli getdilər ki,
əhli-kitabdan müsəlman olanların əski dinlərinin qaynaqlarından tapdıqları hekayələri
də alıb nəql etdilər. Bu orada hədis nəql edənlər arasında şiddətli bir rəqabət baş
qaldırdı, önə keçmə və öyünmə xüsusunda bir-birləriylə yarış halındaydılar.