Dövlət və hüquq nəzəriyyəsi
ABŞ-da hökumətin mövcudluğundan danışmaq çox çətindir. Bu
dövlətdə nazirlər birbaşa prezidentə tabedirlər və onları özündə
cəmləşdirən kabinet ayrıca müstəqil fəaliyyət göstərən kollegial
orqan kimi çıxış etmir. Çünki, kabinetin özü qərar qəbul etmək
səlahiyyətinə belə malik deyil, o yalnız qərarları müzakirə edə bilər.
Mərkəzi icra hakimiyyətinin qərarlarını yalnız prezident qəbul edir.
Odur ki, ABŞ prezidentini hökumətin başçısı yox, icra hakimiyyətinin
başçısı adlandırmaq daha düzgündür.'*
Əksər dövlətlərin konstitusiyasında hökumətin səlahiyyətləri ən
ümumi şəkildə göstərilir. Məsələn, Fransa konstitusiyasının 20-ci
maddəsində deyilir: «Hökumət millətin siyasətini müəyyənləşdirir və
həyata keçirir, inzibati orqanlar və silahlı qüvvələr onun
sərəncamındadır».2
Konstitusiyada
hökumətin
səlahiyyətinin
hökumət başçısının səlahiyyətlərinin göstərilməsi yolu ilə
müəyyənləşməsi və ya dəqiqləşdirilməsi də mümkündür.
Ümumiyyətlə isə, daha geniş səlahiyyətli hökumət parlamentli
respublikalarda və monarxiyalarda mövcuddur. Bu cür dövlətlərin
konstitusiyasına görə, dövlət başçısına aid səlahiyyətlərin
əksəriyyətini hökumət həyata keçirir. Digər dövlət orqanlarına aid
olmayan səlahiyyətlər praktikada məhz hökumətə verilir. Kollegial
orqan kimi fəaliyyət göstərən hökumətin olmadığı prezidentli
respublikalarda isə hökumətin səlahiyyətlərini dövlət başçısı həyata
keçirir, nazirlər isə kabineti təşkil etməklə dövlət başçısının göstərişi
ilə fəaliyyət göstərirlər. Belə də olur ki, bir qisim vəzifəli şəxslərdən və
əsas mərkəzi icra hakimiyyəti orqanlarından təşkil olunan xüsusi bir
kollegial orqan yaradılsa da, o, məhz dövlət başçısının yuxarı icra
orqanı kimi çıxış edir və onun səlahiyyətləri dövlət başçısının
səlahiyyətlərindən törəmiş olur, yəni belə bir hökumət (buna
yarımhökumət də demək olar) prezidentin səlahiyyətlərinə aid
məsələləri həll edir, həmin səlahiyyətlərin həyata keçirilməsini,
prezidentin qəbul etdiyi hüquqi aktların
* Конституционное (государственное) право зарубежных стран.
Общая часть. Тома 1-2. 5. 592-593.
^ Конституции государств Европейского Союза. 5. 669.
429
ilqar Məmmədov
yerinə yetirilməsini təmin edir. Bu halda, həmin kollegial orqana bir
sıra xüsusi səlahiyyətlər də verilə bilər.
Parlamentli respublikalarda və monarxiyalarda, həmçinin
müəyyən şərtlərlə yarımprezidentli respublikalarda hökumətin
fəaliyyətinin müəyyənləşməsi, istiqamətləndirilməsi baxımından baş
nazirin (hökumət başçısının) xüsusi rolu var. Hökumət üzvlüyünə
namizədlərin müəyyənləşməsi də ondan asılı olur. Konstitusiya
hüququ elminin açıqladığı kimi, parlamentli monarxiyalarda və
respublikalarda hökumət başçısı istənilən halda hökumət üzvlərindən
istefa ərizəsi tələb edə bilər. Məsələn, Böyük Britaniyada, İtaliyada,
Yaponiyada bu adi qaydadır. Yarımprezi- dentli respublikalarda isə,
bu məsəldə baş nazir prezident vasitəsilə hərəkət etməlidir, çünki
nazirlərin əksəriyyətinin namizədliyi baş nazir tərəfindən irəli
sürüldüyü halda belə, onlar prezident tərəfindən təyin olunur.
Hökumətin geniş səlahiyyətlərə malik olduğu, ali icra
hakimiyyəti orqanı kimi çıxış etdiyi dövlətlərdə baş nazir hökumətin
və bu yolla da hakimiyyətin siyasi kursunu, dövlət idarəetməsinin
prioritet məsələlərini müəyyənləşdirir, icra hakimiyyəti orqanlarının
işinə rəhbərlik etməklə həmin məsələlərin həllini təmin edir. Məsələn,
AFR-in Əsas qanununun (konstitusiyasının) 65-ci maddəsində belə
deyilir:
«Federal
Kansler
siyasətin
əsas
istiqamətlərini
müəyyənləşdirir və onlara görə məsuliyyət daşıyır. Həmin əsas
istiqamətlər çərçivəsində hər bir federal nazir öz sahəsinə aid işləri
müstəqil şəkildə və özü məsuliyyət daşımaqla həyata keçirir».'’
Müasir dövrdə parlamentli monarxiyalarda və respublikalarda baş
nazirin mövqeyinin daha da güclənməsi, yarımprezidentli
respublikalarda isə zəifləməsi ümumi bir tendensiyaya çevrilmişdir.
Hökumətin formalaşması üsulu daha çox dövlətin idarəetmə
formasından asılıdır. Hökumətin formalaşmasının iki əsas üsulu var:
parlament üsulu və qeyri-parlament üsulu.
Конституции государств Европейского Союза. S. 200.
430
Dövlət və hüquq nəzəriyyəsi
Hökumətin
formalaşdınlmasının
parlament
üsulundan
parlamenti! monarxiyalarda və respublikalarda istifadə olunur. Həmin
dövlətlərdə ənənəvi qaydaya görə, əvvəlcə dövlət başçısı hökumətin
başçısını təyin edir (adətən, parlamentdə yerlərin çoxunu qazanmış
partiyanın lideri bu vəzifəyə təyin olunur), o da, öz növbəsində,
hökuməti təşkil edərək parlamentdən etimad alır. Beləliklə,
hökumətin və hökumət başçısının hüquqi cəhətdən təsdiq olunması
parlamentin səlahiyyətinə aid edilir (hökumət və hökumət başçısı
parlamentin etimad votumunu aldığı andan səlahiyyətlərin həyata
keçirilməsinə başlayır). Hökumət və ya onun başçısı parlamentin
etimadını qazanmadığı halda isə parlamentin (parlamentin aşağı
palatasının) buraxılması mümkündür.
İtaliya Respublikasının konstitusiyasına əsasən, respublika
prezidenti parlamentdə çoxluq təşkil edən partiya liderlərindən birini
Nazirlər Şurasının sədri vəzifəsinə təyin edir. Nazirlərin namizədliyini
Nazirlər Şurasının sədri irəli sürür, prezident isə onları təyin edir.
Lakin bununla iş bitmir. Daha sonra hökumətə etimad göstərilməsi
üçün prezident həmin namizədləri parlamentə təqdim edir. Bu zaman
hökumət 10 gündən gec olmayaraq parlamentin etimadını almalıdır.
Böyük Britaniyada parlamentin nümayəndələr palatasında
yerlərin çoxunu qazanmış partiyanın lideri baş nazir vəzifəsinə təyin
edilir və daha sonra dövlətin başçısı (kral və yaxud kraliça) hökumətin
digər üzvlərini təyin edir. Onların monarx tərəfindən təyin olunması
əslində formal xarakter daşıyır və hökumətin formalaşmasında
monarx elə bir əhəmiyyətli rol oynamır. Bu, sadəcə, konservativliyi ilə
seçilən Böyük Britaniyada siyasi ənənələrə hörmətlə yanaşmanın bir
təzahürüdür. Yeni baş nazir nümayəndələr palatasına öz proqramını
təqdim edir və aşağı palata səsvermə yolu ilə həmin proqramı təsdiq
etdikdə hökumətə etimad göstərmiş olur.
Hökumətin formalaşdınlmasının qeyri-parlament üsulu yekcins
deyil. Belə ki, konstitusiyalı monarxiya libası geymiş dövlətlərdə
(Bəhreyn, Küveyt, Səudiyyə Ərəbistanı və s.) dövlət başçısı (monarx)
hökumət üzvlərini, adətən, öz qohumları ara
431
Dostları ilə paylaş: |