ilqar Mammədov
lələrin dairəsinin genişləndirilməsinin, yəni onlara əlavələr
edilməsinin mümkünlüyü müəyyənləşdirilir.''
Məhdud səlahiyyətli parlamentlər dəqiq müəyyənləşdirilmiş
səlahiyyətlər çərçivəsində fəaliyyət göstərir və qanunvericilikdə
onların genişləndirilməsi nəzərdə tutulmur. Fransanın və onun
müstəmləkəsi olmuş bir sıra Afrika ölkələrinin, o cümlədən bəzi Asiya
ölkələrinin (məsələn, İran İslam Respublikası) parlamentləri məhdud
səlahiyyətli parlamentlər qrupuna aiddir.
Məşvərətçi parlamentlər isə, əsasən, ərəb ölkələrinin bir
qismində mövcuddur. Onlardan bəziləri monarxın razılığı ilə qanunlar
qəbul edir, başqa bir qismi isə, ümumiyyətlə, qanunlar qəbul edə
bilmir. Məsələn, Səudiyyə Ərəbistanında belə aktlar məşvərətçi
şurada (Əş-şura) müzakirə olunur, kral trəfindən isə qəbul edilir.2
Parlament tərəfindən ümumxalq təmsilçiliyinin yüksək
səviyyədə həyata keçirilməsi və onun işinin keyfiyyətli olması üçün
parlamentə seçiləcək şəxslərlə əlaqədar müəyyən senzlər nəzərdə
tutulur və bu senzlər obyektiv çatışmamazlıqların aradan
götürülməsinə xidmət edir. Məsələn, Azərbaycan Respublikası
Konstitusiyasına əsasən, ikili vətəndaşlığı, başqa dövlətlər qarşısında
öhdəliyi olan, icra və məhkəmə hakimiyyətləri sistemində qulluq
edən, pedaqoji və yaradıcılıq fəaliyyəti istisna olmaqla, ödənişli
fəaliyyətlə məşğul olan şəxslər, din xadimləri, fəaliyyət
qabiliyyətsizliyi məhkəmə tərəfindən təsdiq edilmiş şəxslər, ağır
cinayətlərə görə məhkum olunmuş şəxslər, məhkəmənin qanuni
qüvvəyə minmiş hökmü ilə azadlıqdan məhrumetmə yerlərində cəza
çəkən şəxslər istisna olmaqla, yaşı 25-dən aşağı olmayan hər bir
vətəndaş parlamentə seçilə bilər.
Bundan əlavə, qanunvericilik qaydasında parlamentarilərin
hüquq və vəzifələri müəyyənləşir, millətin nümayəndəsi və ali
orqanın üzvi kimi onlara parlament immuniteti verilərək deputat
toxunulmazlığına təminat yaradılır. Demokratik ölkələrin qanun-
'' Əsgərov Ziyafət. Konstitusiya hüququ. S. 341.
2 Çirkin V.Y. Xarici ölkələrin kostitusiya hüququ. S. 322.
420
Dövlət və hüquq nəzəriyyəsi
vericiliyində parlamentin üzvləri üçün indemnitet də nəzərdə tutulur.
İndemnitet, ilk növbədə, parlamentarinin öz mandatı üzrə fəaliyyətini
həyata keçirərkən hərəkətinə və sözlərinə görə məsuliyyətə cəlb
olunmaması kimi başa düşülür. Məsələn, İspaniya konstitusiyasında
deyilir ki, deputatlar və senatorlar öz funksiyalarını həyata keçirərkən
ifadə etdikləri fikirlərinə, sözlərinə görə toxunulmazdırlar.
Lakin parlamentari indemnitetdən sui-istifadə etdiyi halda onun
məsuliyyəti yaranmış olur.
Azərbaycan Respublikasının Konstitusiyasında da parlamentin
deputatlarına toxunulmazlıq statusu verilmiş, onlar üçün indemnitet
nəzərdə tutulmuşdur. Konstitusiyanın 90-cı maddəsində göstərilir ki,
səlahiyyət müddəti ərzində Azərbaycan Respublikası Milli Məclisi
deputatının şəxsiyyəti toxunulmazdır. Konstitusiyanın 91-ci
maddəsinə əsasən, Azərbaycan Respublikası Milli Məclisinin
deputatları Azərbaycan Respublikası Milli Məclisindəki fəaliyyətinə,
səsverməyə və söylədiyi fikrə görə məsuliyyətə cəlb oluna bilməzlər.
Razılıqları olmadan onlardan bu hallarla əlaqədar izahat, ifadə tələb
edilə bilməz.
Parlament,
ikipalatalı
parlamentlərdə
isə
parlamentin
palatalarının hər ikisi səlahiyyəti müddətində müxtəlif komitələr,
komissiyalar yaradır. Komissiyalar (komitələr) parlamentin başlıca
funksiyasının həyata keçirilməsinə köməklik göstərmək məqsədi ilə
qanunvericilyin müvafiq sahələri üzrə yaradılır. Komissiyaların sayı
müxtəlif olur. Onlar parlamentin fəaliyyətindəki peşəkarlığı təmin
etməyə xidmət edir və iki əsas növə bölünür: daimi komissiyalar və
müvəqqəti komissiyalar. Parlamentin qanunvericilik fəaliyyətində
daimi komissiyalar mühüm rol oynayır. Daimi komissiyalar
parlamentin və ya parlamentin aşağı palatasının bütün səlahiyyət
müddəti ərzində, bəzi hallarda isə yalnız bir sessiya ərzində fəaliyyət
göstərir. Hər hansısa bir məsələnin araşdırılması və ya konkret qanun
layihəsinin hazırlanması məqsədi ilə, həmçinin xüsusi diqqət
yetirilməsi
tələb
olunan
məsələlərlə
bağlı
müvəqqəti
komissiyalar-istintaq, təftiş, redaksiya və s. komissiyalar yaradılır.
421
ilqar Məmmədov
Daimi komissiyalar bir növ qanunvericilik sahələri üzrə
ixtisaslaşmış komissiyalardır. Bu növ komissiyaların əsas təyinatı
qanun layihələrinin hazırlanması, ilkin analizi və müzakirəsi,
layihələrin üzərində iş aparılması ilə bağlıdır və onların mövcudluğu
qanunvericilikdə ortaya çıxan xüsusi məsələlərdən, konkret
faktorlardan asılı deyil. Məsələn, Azərbaycan Respublikasının
qanunvericiliyinə əsasən, daimi komissiyalar;
1)
deputatların təklif etdiyi qanun və qərar layihələrinin ilkin
müzakirəsini təşkil edir və Milli Məclisdə baxılmasına dair rəy verir,
qanun və qərar layihələri hazırlayır;
2)
ümumxalq müzakirəsinə çıxarılacaq qanun layihələri ilə bağlı
daxil olmuş təklifləri ümumiləşdirir və Milli Məclisə təqdim edir;
3)
birinci və ikinci oxunuşda qəbul edilmiş qanun layihələri
üzərində iş aparır və onları üçüncü oxunuşa hazırlayır;
4)
Konstitusiyanın 95-ci maddəsinə əsasən. Milli Məclisin
səlahiyyətlərinə daxil olan məsələlərə baxır və rəy verir;
5)
Milli Məclisin qanunvericilik işləri planına dair öz təkliflərini
verir;
6)
ildə iki dəfə-yaz və payız sessiyalarının əvvəlində öz işi
barədə hesabat verir.
İcra hakimiyyəti orqanları (dövlət idarəetmə orqanları).
Elmi ədəbiyyatda icra hakimiyyəti iki aspektdən; hüquqi və politoloji
baxımdan şərh edilir. Hüquqi baxımdan icra hakimiyyəti dövlət
idarəetmə subyektlərinin kimlərisə öz iradəsinə tabe etmək, onları
idarə etmək, müvafiq aktlar qəbul etmək, təşkilati işləri həyata
keçirmək hüququ və imkanı kimi başa düşülür.
Politoloji baxımdan isə icra hakimiyyəti hakimiyyətin digər qolları
ilə birlikdə vahid dövlət orqanizmini təşkil edən, onlardan
təsirlənməklə idarəetmə qərarlarını qəbul edən siyasi-hüquqi
hadisələr kompleksi, vahid dövlət hakimiyyətinin yarımsistemi kimi
izah edilir.
Dövlət və hüquq nəzəriyyəsi üçün bu yanaşmaların hər ikisi
müəyyən əhəmiyyət kəsb edir. Hər iki yanaşma bu elmin pred-
metinə və metodologiyasına uyğun şəkildə nəzərə alınır, nəzəriyyə
üçün mühüm olan tərəflərinin ümumiləşdirilməsi aparılır.
422
Dostları ilə paylaş: |