ilqar Məmmədov
əsas tərkib hissəsidir. Maliyyə sistemi pul vasitələri fondlarının
bölgüsü, təkrar bölgüsü və istifadəsi ilə əlaqədar yaranan
münasibətləri əhatə etməklə, həm də iqtisadi münasibətlərlə üzvi
vəhdət təşkil edir. Maliyyə dövlətin iqtisadi siyasətinin həyata
keçirilməsində fəal rol oynayır və eyni zamanda da istehsalın
inkişafına birbaşa təsir göstərir. Maliyyə sisteminə daxil olan maliyyə
həlqələrinə dövlət büdcəsi və müxtəlif dairələrin büdcəsi, dövlətin
valyuta ehtiyatları, idarə, müəssisə və təşkilatların pul fondları və s.
aiddir. Həmin həlqələrdən biri kimi çıxış edən dövlət büdcəsi
iqtisadiyyatın tənzimlənmə vasitəsi olmaqla dövlətin iqtisadi
vəzifələrinin həyata keçirilməsinin maddi əsasını təşkil edir. Dövlət
büdcəsinin gəlirlərinin əsas hissəsi məhz vergi və rüsumlardan təşkil
olunur.
Maliyyə və vergi sisteminin iqtisadiyyatın tənzimlənməsində
xüsusi rola malik olmasını əsas götürərək bəzi nəzəriyyəçilər dövlətin
əsas funksiyaları sırasına maliyyə, vergi tutma funksiyalarını da daxil
edirlər. Lakin tədqiqatçıların əksəriyyəti onları iqtisadi funksiyadan
ayırmır. Hesab edirik ki, bu daha düzgün mövqedir. Odur ki, iqtisadi
funksiyanı əsas funksiya, maliyyə və vergi tutma funksiyalarını isə
qeyri-əsas funksiyalar kimi qəbul etmək olar.
İqtisadiyyatın inkişaf etməsi üçün dövlət iqtisadiyyatın prioritet
sahələrinə, təsərrüfatçılıq sisteminin strateji baxımdan mühüm və
sosial əhəmiyyətli həlqələrinə dəstək verir, müəyyən tədbirlər görür,
mülkiyyət formalarını mühafizə edir, azad iqtisadi fəaliyyətə təminat
yaradır, xarici iqtisadi əlaqələrin qurulması və inkişaf etdirilməsində
aktiv iştirak edir, vergi sistemini müəyyənləşdirir, istehsal olunan
məhsulların keyfiyyətinə, vətəndaşların və hüquqi şəxslərin
sahibkarlıq fəaliyyətinə nəzarət edir. Dövlət, həm də makroiqtisadi
səviyyədə inkişaf proqramını işləyib hazırlayır, bu məqsədlə elm və
sənaye sahəsində aparılan tədqiqatları maliyyələşdirir, istehsalın
stimullaşdırılması ilə bağlı müəyyən işlər görür. İqtisadiyyatın dövlət
sektoru sahəsində isə dövlətin özü bilavasitə maddi nemətlərin,
xidmətlərin istehsalçısı, istehsal vasitələrinin mülkiyyətçisi kimi çıxış
edir.
342
Dövlət və hüquq nəzəriyyəsi
Sosial funksiya. Müasir demokratik dövlətin sosial funksiyası
sosial hüquqların tanınması və həmin hüquqlar vasitəsilə vətəndaşlar
üçün layiqli həyat səviyyəsinin və sosial müdafiənin təmin
edilməsindən ibarət olmaqla qorxudan və ehtiyacdan azad insan
şəxsiyyəti idealının reallaşmasına xidmət edir. Bu isə, fərdin və onun
ailəsinin sağlam və firavan yaşaması üçün qidaya, daimi yaşayış
yerinə, tibbi xidmətə olan ehtiyacların və digər zəruri sosial
tələbatların ödənilməsi, həmçinin insan qocalıq, işsizlik, əlillik və bir
sıra digər səbəblərdən yaşamaq üçün zəruri olan vasitələri özü əldə
edə bilmədikdə onun dövlət tərəfindən təmin olunması deməkdir.
Sosial funksiya klassik liberalizm dövründən sonra demokratik
dövlətlərdə dövlət paternalizminin güclənməsi və sosial dövlət
ideyasının reallaşması nəticəsində inkişaf etmişdir. Hüquqi sosial
dövlətin formalaşması isə inqilablarla, sosial konfliktlərlə müşayiət
olunan çətin bir yol keçmişdir. Bir xeyli müddət sosial problemlərin
həll edilməsi ilə bağlı xüsusi dövlət proqramlarının olmaması və ya
həmin sahə ilə əlaqədar dövlət fəaliyyətinin həddindən artıq aşağı
səviyyədə olması Qərb ölkələrində sosial hüquqlar uğrunda
mübarizəni gücləndirmiş və son nəticədə bu hüquqlar, əsas hüquq və
azadlıqlar kimi qəbul olunaraq dövlətin üzərinə öz vətəndaşlarına
münasibətdə bir sıra öhdəliklər qoymuşdur. Sosial hüquqlar inkişaf
etmiş kapitalist ölkələrində islahatlar yolu ilə qanunvericiliyə daxil
edilmiş və onların reallaşması mexanizmi formalaşmışdır. Məsələn,
1900-1914-cü illərdə İngiltərədə həyata keçirilən islahatlar dövlətin
sosial funksiyasının inkişafına yönəlmişdir. Həmin islahatlar pensiya
haqqında, əmək haqqının minimum səviyyəsi haqqında, işsizliyə,
xəstəliyə görə sığortalanma haqqında, əmək təhlükəsizliyinin və
gigiyenasının yaxşılaşdırılması haqqında, səhiyyə xidmətinin
yaxşılaşdırılması haqqında qanunların qəbul edilməsi ilə müşayiət
olunmuşdur. İslahatlardan bir müddət əvvəl isə həmkarlar
ittifaqlarının fəaliyyəti dövlət tərəfindən rəsmən tanınmışdır. XIX əsrin
sonlarında Almaniyada da sosial problemlərin həll edilməsi məqsədi
ilə bir sıra qanunvericilik aktları qəbul olunmuşdur. Həmin dövrdə
Almaniyanın kansleri olmuş Bismark bunun əsas təşəbbüskarı idi.
343
ilqar Məmmədov
O, hesab edirdi ki, aşağıdan gələn tələblərdən bir qisminin təmin
edilməsi əhalinin dövlətə inamını artıracaq və insanlar onu öz
himayədarları kimi qəbul edə biləcəklər. Beləliklə, İslahatların həyata
keçirilməsi nəticəsində tədricən Qərbdə hüquqi sosial dövlətlər
formalaşmışdır.
İkinci Dünya müharibəsindən sonra sosial dövlətin meydana
gəlməsi ilə, hüquqi dövlətçiliyin inkişafının yeni bir mərhələsi
başlamışdır. Klassik liberalizm dövründə mövcud olan hüquqi
dövlətdən fərqli olaraq hüquqi sosial dövlət bazar iqtisadiyyatı
şəraitində sosial sahənin inkişaf etdirilməsi və insanların firavan- lığı
üçün şərait yaradır. Tədqiqatçıların fikrincə, sosial sahənin inkişafı və
vətəndaşların rifahının yaxşılaşdırılması, onlara firavan həyat
şəraitinin yaradılması aşağıdakı əsas amillərlə bağlıdır;
1)
qanunun aliliyinin və İnsan hüquq və azadlıqlarının təmin
edilməsi;
2)
inkişaf etmiş hüquq sisteminin mövcud olması;
3)
azad iqtisadi fəaliyyətə, azad rəqabətə və sosial ədalətə
əsaslanan bazar iqtisadiyyatının olması;
4)
insanların maddi rifahının təmin edilməsi məqsədi ilə onların
intellektual və əmək potensialının azad şəkildə reallaşması imkanının
yaradılması;
5)
cəmiyyətdə baş verən istənilən sistem və struktur
dəyişikliklərində vətəndaşların çox hissəsi üçün yüksək həyat
səviyyəsinin təmin olunmasına və əhalinin daha zəif, aztəminatlı
qruplarına ünvanlı köməyə yönəlmiş ardıcıl, aktiv sosial siyasətin
həyata keçirilməsi;
6)
hər bir təsərrüfat subyekti və istehsal vasitələrinin
mülkiyyətçisi üçün müəyyən sosial strukturun təmin edilməsi;
7)
hakimiyyətin bütün səviyyələrində idarəetmə qərarlarının
hazırlanması və sosial ekspertizasında cəmiyyətin məhsuldar
qüvvələrinin iştirakı üçün əlverişli şəraitin yaradılması;
8)
sosial-iqtisadi və əmək sazişlərinin nizamlanmasında sosial
həmrəyliyin əldə olunmasının, işəgötürənlə işçinin və dövlət
maraqlarının balanslaşdırılması mexanizmi kimi sosial tərəfdaşlığı
reallaşdıran hüquq və təminatlar sisteminin mövcud olması;
344
Dostları ilə paylaş: |