ilqar Məmmədov
can Respublikasının daxili suları, Xəzər dənizinin (gölünün)
Azərbaycan Respublikasına mənsub olan bölməsi, Azərbaycan
Respublikasının üzərindəki hava məkanı Azərbaycan Respublikası
ərazisinin tərkib hissəsidir».
Dövlətin öz ərazisi daxilində ali hakimiyyətə malik olması bu
ərazinin onun yurisdiksiyası altında olması deməkdir. Beləliklə, dövlət
öz ərazisində olan hər bir fiziki və hüququ şəxsə münasibətdə
hüquqmüəyyənləşdirici ali hakimiyyət instansiyası kimi çıxış edir və
həmin ərazidə yaşayan insanlarla dövlət arasında siyasi-hüquqi
bağlılıq yaranır. Bu yolla dövlət onları öz yurisdiksi- yasına tabe edir.
S.N.Bayburin dövlət ərazisinin formal-hüquqi xüsusiyyətini analiz
edərkən aşağıdakı aspektlərin diqqət mərkəzində saxlanılmasını
vacib bilir:
-
dövlətin icazəsi olmadan heç bir başqa hakimiyyət onun
ərazisi hüdudlarında özünə yer ala bilməz;
-
vətəndaşlar (təbəələr), həmçinin başqa statuslu şəxslər
(yalnız diplomatik immunitetə malik olan şəxslər istisna olmaqla)
dövlət ərazisi daxilində qeydsiz-şərtsiz olaraq dövlət hakimiyyətinə
və onun qanunlarına tabedirlər.”'
Göstərilən aspektlər dövlətin öz ərazisi daxilində ali hakimiyyət
daşıyıcısı olmasını, bu ərazidə onunla fərdlər arasındakı
siyasi-hüquqi münasibətlərin təbiətini və xarakterini açıqlayır. Onlar,
həm də ərazi üstünlüyü prinsipi ilə bağlıdır. Ərazi üstünlüyü
0
deməkdir ki:
a)
dövlət hakimiyyəti onun ərazisindəki bütün fiziki və hüquqi
şəxslərə şamil edilir;
b)
dövlət hakimiyyəti üzərində başqa hakimiyyət ola bilməz, yəni
dövlətin ərazisində istənilən digər dövlətin və ya beynəlxalq təşkilatın
hakimiyyəti istisna edilir;
c)
dövlət öz ərazisindən məhrum edilə bilməz; dövlətin
sərhədləri pozulmaz və toxunulmazdır;
ç) dövlətin ərazisi dövlətin razılığı olmadan xarici dövlətlər,
onların fiziki və hüquqi şəxsləri tərəfindən istifadə edilə bilməz.
I Общая теория государства и права. Академический курс в 3- X
томах, том 1 . 8 . 103-104.
186
Dövlət və hüquq nəzəriyyəsi
Bütün bunların mənası odur ki, hər bir dövlət öz sərhədləri ilə
əhatələnən ərazisi daxilində öz ərazi üstünlüyünü həyata keçirir və
daxili suverenliyini təmin edir.
Dövlət sərhədlərinin, ərazisinin dəyişdirilməsi qanunvericiliklə
müəyyən edilmiş qaydada, yalnız dövlətin (xalqın) öz razılığı ilə
həyata keçirilə bilər. Həmin qayda Azərbaycan Respublikası
tərəfindən də qəbul edilmişdir. Azərbaycan Respublikası
Konstitusiyasının 11-ci maddəsinin III hissəsinə görə, «Azərbaycan
Respublikası öz ərazisinin heç bir hissəsini heç bir şəkildə kimsəyə
vermir; yalnız Azərbaycan Respublikası Milli Məclisinin qərarı ilə
Azərbaycanın bütün əhalisi arasında referendum keçirmək yolu ilə
Azərbaycan xalqının iradəsi əsasında dövlət sərhədləri dəyişdirilə
bilər».
Müasir
dövrün
praktikasında
dövlətin
ərazisinin
dəyişdirilməsinin əsas iki qaydası mövcuddur. Birinci qayda
millətlərin və xalqların öz müqəddəratını həll etmək hüququ həyata
keçirildikdə tətbiq olunur. Bu halda yeni dövlət sərhədlərinin
müəyyənləşdirilməsi və köhnə dövlət sərhədlərinin ləğvi ilə
nəticələnən dövlətlərin bölünməsi və ya birləşməsi prosesi baş verir,
ikinci qayda qonşu dövlətlər arasında dövlət sərhəd xəttinin daha
münasib yerləşdirilməsi məqsədi ilə ərazi sahələrinin dəyişdirilməsi
ilə bağlıdır.
Dövlətin öz milli qanununda göstərildiyi halda və ya hər hansısa
beynəlxalq müqavilədə ifadə etdiyi razılığa əsasən, onun ərazisində
başqa bir dövlətin qanunvericiliyi tətbiq oluna bilər. Həmçinin bu
qaydaya əsasən, əcnəbi vətəndaşların müəyyən kateqoriyası (misal
üçün diplomatik immuniteti olan şəxslər) dövlətin yurisdiksiyasından
kənarda qala bilər.
Bununla bərabər, dövlət öz ərazisindən istifadə edilməsi, təbii
ehtiyatların istismarı ilə bağlı xarici dövlətlərə, onların fiziki və hüquqi
şəxslərinə müəyyən hüquqlar verir. Bu məqsədlə müəyyən
müqavilələr, sazişlər bağlanır. Azərbaycan Respublikasında da,
xüsusilə neft yataqlarının istismarı sahəsində bu təcrübədən geniş
istifadə olunur.
Dövlət ərazisinin hüdudları dövlətin sərhədləri ilə müəyyənləşir.
Hüquq ədəbiyyatında dövlət sərhədi dedikdə, dövlətin ərazisinin
hədlərini müəyyən edən xətt və həmin xətt üzərində
187
ilqar Məmmədov
yerləşən şaquli səth başa düşülür. «Dövlət sərhədi haqqında»
Azərbaycan Respublikası Qanununun 1-ci maddəsində də deyilir ki,
Azərbaycan
Respublikasının
dövlət
sərhədi
Azərbaycan
Respublikasının dövlət ərazisinin (quru və su ərazisinin, yerin təkinin,
dəniz və hava fəzasının) hüdudlarını müəyyən edən xətt və bu xətt
üzrə keçən şaquli səthdir.
Dövlət sərhəd rejimi bir neçə elementin mövcudluğunu ehtiva
edir: a) dövlət ərazisinin mühafizə olunmuş vəziyyətdə saxlanması;
b) sərhədlərin beynəlxalq səviyyədə tanınması; c) sərhədlərin
beynəlxalq qaydalara uyğun müəyyən edilməsi.
Beynəlxalq normalara uyğun olaraq dövlət sərhəddinin müəyyən
olunması prosesi iki mərhələni:
delimitasiya
və
demarkasiya
mərhələlərini əhatə edir.
Dövlət sərhədinin delimitasiyası sərhədin keçmə xəttinin
dövlətlərarası müqavilədə ətraflı təsvir edilməsi və ya müqaviləyə
əlavə olunan xüsusi xəritədə həmin xəttin maksimal dərəcədə dəqiq
qrafik əksinin tapmasıdır.
Sərhədin demarkasiyası isə razılaşdırılmış sərhəd xəttinin xüsusi
sərhəd nişanları vasitəsilə coğrafi ərazi boyu müəyyən edilməsidir.
Sərhədlərinin toxunulmazlığını təmin etmək üçün hər bir dövlət
müvafiq hüquqi rejim müəyyən edir. Adətən, bu rejim beynəlxalq
müqavilələrə və daxili qanunvericiliyə əsaslanır. «Dövlət sərhədi
haqqında» Azərbaycan Respublikası Qanununda da Azərbaycan
Respublikasının sərhəd rejimi və həmin rejimin qorunması məsələləri
müəyyən edilmişdir.
Dövlət sərhədi onun suverenliyinin ərazi hüdudu olduğundan
dövlət sərhədlərinin qorunması dövlət üçün ən vacib məsələlərdən
biridir. Dövlət sərhədlərinin qorunması, dövlətin ərazi bütövlüyünün
təmin edilməsi bir sıra mühüm institutlar vasitəsilə həyata keçirilir.
Qrdu, sərhəd qoşunları, gömrük xidməti orqanları buna xidmət
edirlər.
Dövlətin bir mühüm əlaməti də onun əhalisidir. Aydındır ki,
müəyyən ərazidə məskunlaşmış əhali olmadan dövlətin özü də
mövcud ola bilməz. Dövlətin ərazisində yaşayan bütün insanlar ailə,
qəbilə, tayfa, milli və dini mənsubiyyətindən, sosial mənşə
188
Dostları ilə paylaş: |