Dövlət və hüquq nəzəriyyəsi
yindən asılı olmayaraq dövlət hakimiyyətinə tabedirlər. Həmin
fərqlərdən asılı olmayaraq, dövlət hakimiyyətinə tabe olan bütün
insanlar ya dövlətin vətəndaşları, ya da ki monarxın təbəələri hesab
olunur. Dövlətin əhalisi deyərkən, adətən, bu ərazidə daimi yaşayan
insanlardan ibarət birlik başa düşülür. Bu mənada dövlətin ərazisində
daimi yaşayan, lakin onun vətəndaşı olmayan, yəni vətəndaşlığı
olmayan şəxslər də dövlətin əhalisinə daxildir. Dövlətin ərazisində
daimi yaşamayan, müvəqqəti olaraq bu ərazidə olan əcnəbiləri
dövlətin əhalisinə aid etmək düzgün deyil, ancaq buna baxmayaraq,
onlar da dövlətin qanunlarına tabedirlər.
Dövlətin əhalisi etnik və ya sosiomədəni birlik yox, vahid
siyasi-hüquqi sistemə tabe olan insanlar birliyi kimi başa
düşülməlidir. Dövlətin ərazisində, onun yurisdiksiyası altında
yaşayan əhali həm çoxmillətli, yəni polietnik tərkibli, həm də
əksəriyyət baxımından bir etnosun nümayəndələrindən ibarət, yəni
mono- etnik tərkibli ola bilər. Dünya dövlətlərinin çoxunda əhali
polietnik tərkiblidir. Məsələn, Rusiya Federasiyası, İran islam
Respublikası, Çin Xalq Respublikası, Amerika Birləşmiş Ştatları kimi
böyük
dövlətlərin
əhalisi
bir
çox
millətlərin,
etnosların
nümayəndələrindən təşkil olunmuşdur. Dövlətlərin əhalisinin
polietnik tərkibli olması o deməkdir ki, bir neçə, hətta onlarla etnik
qrup bir dövlətin ərazisində yaşayır. Polietnik tərkibli dövlətlərin
yaranması əsasən bir etnosun, millətin digərləri üzərində hərbi-siyasi
üstünlük əldə etməsi, onları öz hakimiyyətinə tabe etməsi nəticəsində
baş verir. Belə bir üstünlüyə malik olan millət, dövlətin əhalisinin bir
adla tanınması baxımından titul millət kimi çıxış edir. Digər millətlər,
etnik qruplar isə bir xalqın (bu halda «xalq» dövlətin ərazisində
yaşayan və onunla siyasi-hüquqi bağlılığı olan, onun qanunlarına
tabe sayılan insanların birliyi kimi başa düşülür) tərkibində olan etnik
azlıqlar hesab olunur. «Titul millət» və ya «titul etnos» analayışı
etnologiyadan alınma anlayışlardır. Etnologiyada «titul millət» və ya
«titul etnos» deyərkən, bu və ya digər siyasi-milli quruluşa ad verən
etnos və ya millət nəzərdə tutulur. Məsələn, «soyuq müharibə»
dövründə Qərbdə SSRİ-nin
189
ilqar Məmmədov
əhalisinə əksər hallarda «ruslar» deyilirdi. Bu zaman, «ruslar»
deyərkən, dövlətin bütün əhalisi nəzərdə tutulurdu. Qərbdə, SSRİ-də
ruslarla yanaşı digər millətlərin də yaşadığını, təbii ki, bilirdilər. Lakin
bu dövlət, məhz rus xalqının dövləti kimi tanınırdı və buna görə
ölkənin bütün əhalisinə «ruslar» deyilirdi.
Polietnik tərkibli əhalisi olan dövlətin yaranmasının digər bir
variantı isə superetnoslar səviyyəsində baş verən siyasi-mədəni
proseslərlə bağlıdır. Hind superetnosunu buna misal göstərə bilərik.
Hindistan dövləti həmin superetnosun vahid siyasi birlik təşkil
etməsinin nəticəsidir. Hind superetnosuna daxil olan etnik qruplar
arasında müəyyən fərqləndirici cəhətlər olsa da, onların
nümayəndələri bütövlükdə özlərini hindistanlı və ümumi bir
mədəniyyətin daşıyıcısı hesab edir, eyni həyat və düşüncə tərzini,
dəyərləri və normaları bölüşürlər.
Yuxarıda qeyd etdiyimiz kimi, polietnik tərkibli dövlətlərdən fərqli
olaraq monoetnik tərkibli dövlətlərdə əhalinin böyük əksəriyyətini bir
etnosun nümayəndələri təşkil edir. Ermənistanın, Polşanın,
Yaponiyanın əhalisi monoetnik tərkiblidir.
Dövlətlər əhalisinin sayına görə də bir-birindən fərqlənir.
Məsələn, Çində 1,3 milyarddan çox insan yaşayır. Hindistanın əhalisi
isə 2000-ci ildə artıq milyarda yaxınlaşmışdır. ABŞ əhalisinin sayı 300
milyona yaxındır. Elə dövlətlər də var ki, əhalisinin sayı bir necə
milyondur, bəzilərində isə heç bir milyon insan yaşamır. Andorrada
əhali təxminən 100 min nəfərdən ibarətdir. Nauru Respublikasında
isə hətta bundan 10 dəfə azdır. Dövlətin əhalisinin sayı onun qüdrətli,
güclü olması üçün mühüm amildir. Bu, hər zaman belə olmuşdur.
Elmin, texnikanın və sənayenin inkişaf etdiyi müasir dövrdə də
əhalinin sayının çox olması dövlətin qüdrətli olmasına təsir edən əsas
amillərdən biridir.
Dövlətin öz əhalisi üzərində hakimiyyəti həyata keçirməsi
əhalinin ərazi prinsipi əsasında (inzibati-ərazi vahidləri, depar-
tamentlər, əyalətlər, vilayətlər, rayonlar və s. vahidlər üzrə)
bölünməsi ilə müşayiət olunur. Beləcə, dövlət öz ərazisini müvafiq
ərazi vahidlərinə bölməklə əhalinin idarə olunmasını daha effektiv
şəkildə həyata keçirə bilir.
190
Dövlət və hüquq nəzəriyyəsi
Nəzəriyyəçilərin bir çoxu vergilərin tutulması üzərində dövlət
inhisarını da dövlətin mühüm əlamətlərindən biri hesab edirlər. Tarix
boyu dövlət aparatının saxlanması, fəaliyyət göstərə bilməsi və
dövlətin güclənməsi vergilərdən asılı olmuşdur. Odur ki, obyektiv
zərurətdən çıxış edərək dövlət öz vergi sistemini formalaşdırır, onun
strukturunun təkmilləşdirilməsi üçün müəyyən tədbirlər həyata
keçirir.
Vergilər dövlətin yurisdlksiyası altında olan, yəni onun
qanunvericiliyinə tabe olan fiziki və hüquqi şəxslərdən dövlət
tərəfindən məcburi qaydada tutulan vəsaitlərdən ibarət olmaqla
dövlətin öz funksiyalarını həyata keçirə bilməsinin zəruri vasitəsi kimi
çıxış edir. Məcburilik, xüsusi əvəzetmənin olmaması, qanunvericilik
aktları əsasında tutulmaların həyata keçirilməsi vergilərə xas vacib
əlamətlərdir. Bütün bunlar isə dövlət tərəfindən təmin edilir, bilavasitə
onun fəaliyyətindən irəli gəlir.
Yuxarıda sadaladığımız bütün əlamətlər dövləti digər
təşkilatlardan, institutlardan, cəmiyyətin özündən fərqləndirən
əlamətlərdir. Bu əlamətlərin öyrənilməsi dövləti daha dərindən başa
düşmək üçün çox vacibdir. Lakin onu da unutmayaq ki, dövlət daim
inkişafdadır, tarix boyu inkişaf edərək, dəyişikliklərə məruz qalaraq öz
müasir vəziyyətinə gəlib çıxıb və indinin özündə də dəyişməkdədir.
Odur ki, dövlətin əlamətlərini açıqlayarkən, biz onun ən ümumi və ən
vacib əlamətləri üzərində dayanmağa məcburuq.
§3. DÖVLƏTİN TİPLƏRİ
Nəzəriyyəçilər dövlət və hüquq hadisələrinin dərindən və
hərtərəfli tədqiq edilməsi üçün, ümumilikdə, dövlət və hüququn nə
olduğunu müəyyənləşdirməklə yanaşı cəmiyyətin müxtəlif inkişaf
pillələrində dövlət və hüququn, həmçinin onlar arasındakı əlaqələrin,
dövlətin və hüquq sistemlərinin bir vəziyyətdən başqasına keçmə
qanunauyğunluqlarının öyrənilməsi, həmin hadisələrin oxşar və fərqli
cəhətlərə görə təsnifləşdirilməsi məsələlə
191
Dostları ilə paylaş: |