ilqar Məmmədov
Beləliklə, deyə bilərik ki, dövlətin mahiyyətini əks etdirən daimi
və zəruri cəhətlər, mühüm xüsusiyyətlər onun ali siyasi hakimiyyət
kimi çıxış etməsi, sosial təyinata malik olması, cəmiyyətdə özünə yer
alan ümumi və xüsusi maraqların tarazlaşdırıi- masına xidmət etməsi,
cəmiyyətdə sosio-mədəni bütövlüyü və siyasi birliyi təmin etməsi və
qlobal masştabda hakimiyyət iradəsinin reallaşdırıcısı kimi çıxış
etməsi ilə bağlıdır. Həmin xüsusiyyətləri nəzərə alaraq V.İ.Vlasov
dövlətin mahiyyətini üç aspektdən qiymətləndirməyi təklif edir.
Onlardan biri dövlətin universal təşkilat olması, ikincisi sosial arbitr
kimi çıxış etməsi, üçüncüsü isə leqallaşdırılmış məcburiyyət
tədbirlərini həyata keçirməsi ilə bağlıdır.
V.İ.Vlasov yazır ki, sosial baxımdan asimmetrik olan müasir
cəmiyyətdə başqa belə bir universal təşkilat yoxdur. Dövlətəqə- dərki
cəmiyyətdə əhalinin qəbilə-tayfa formasında təşkilatlanması başqa
şəraitə uyğun olmaqla fərqli prinsiplərə əsaslanmış və siyasi xarakter
daşımamışdır. «Universal» beynəlxalq təşkilatlar da (məsələn, BMT)
prinsipcə heç vaxt universal olmayıb. Belə ki, hansısa dövlət onların
üzvü olmaya bilər və bundan əlavə, həmin təşkilatlar dövlətlə
müqayisədə tam başqa keyfiyyətli təşkilatlardır. Dövlət isə universal
təşkilat olmaqla bərabər, cəmiyyətin inteqrativliyə, təşkilatlanmaya
və idarəetməyə olan tələbatlarına cavab verən tənzimləyici siyasi
institut kimi fəaliyyət göstərir. Dövlət belə bir keyfiyyətə malik olmaqla
cəmiyyətdə sosial-siyasi arbitr rolunu oynayır. Onun arbitrlik etməsi
cəmiyyətin özündən irəli gələn zərurətlə bağlıdır. Bununla bərabər,
fərdlər və müxtəlif qruplar maraqlıdırlar ki, ictimai dəyərləri (var-
dövləti, təhsili, səhiyyəni və s.) onların arasında paylaşdıran,
bölüşdürən arbitr olsun. Dövlət məcburiyyəti leqallaşdırmaqla ictimai
münasibətlərin tənzimlənməsinə xidmət edir və bu halda hüquq
dövlət məcburiyyətinin əsas aləti rolunu oynayır.”'
Dövlətin mahiyyəti onun məzmununu, məqsədlərini və
funksiyalarını müəyyənləşdirir. Dövlətin məqsədləri və funksiyaları
BjıacoB B.H. TeopH5i
rocy/ıapcTBa H
npasa. S. 82-84.
210
Dövlət və hüquq nəzəriyyəsi
onun mahiyyətinə uyğun konkretləşir və həmin mahiyyət açılmış olur.
Dövlətin mahiyyəti gizli qalmır, məhz funksiyaların həyata keçirilməsi
ilə üzə çıxır.
Son dövrlərə qədər dövlət və hüquq nəzəriyyəsində dövlətin
mahiyyəti sinfi yanaşma əsasında izah edilirdi. Bu, digər sahələrdə
olduğu kimi, dövlət və hüquq nəzəriyyəsində də marksizmin
müddəalarının ehkam kimi qəbul edilməsi ilə bağlı idi.
Marksist-leninçi nəzəriyəyə görə, barışmaz sinfi ziddiyyətlər
sayəsində meydana gəlmiş dövlət iqtisadi cəhətdən hökmran sinfin
diktatura vasitəsi kimi çıxış edir və dövlətin mahiyyəti onun hər hansı
bir sinfin diktaturasını həyata keçirməsində təzahür olunur.
«İstismarçı cəmiyyətlərdə diktatura başlıca olaraq əhalinin
əksəriyyətinin azlıq tərəfindən, yəni zəhmətkeş kütlələrin bir qrup
istismarçılar tərəfindən əzilməsi məqsədilə həyata keçirilir. Dövlət
qullar üzərində quldarların diktaturası dövləti olduğu quldarlıq
cəmiyyətində, kölə halına salınmış kəndlilər üzərində təh- kimçi
feodalların diktaturası dövləti olduğu feodalizm cəmiyyətində,
proletariat və əhalinin digər zəhmətkeş təbəqələri üzərində kapitalın
diktaturası dövləti olduğu burjua cəmiyyətində belə olmuşdur.
Sosialist dövləti prinsipcə yeni tipli dövlət olub, kapitalizmdən
sosializmə keçid dövründə proletariat diktaturası dövləti kimi çıxış
etmiş, sosializmin tam və qəti qələbəsindən sonra ümumxalq
dövlətinə, bütün xalqın mənafe və iradəsini ifadə edən orqana
çevrilmişdir»."'
Marksist-leninçi nəzəriyyədə dövlətin mahiyyətindəki sinfili- yin
həddindən artıq şişirdilməsi, dövlət zorakılığının sinfi maraqlara
əsaslanmasının mütləqləşdirilməsi əslində dövlətin mahiyyətinin
düzgün açıqlanmamasına, dövlətin öz mahiyyətinə adekvat olmayan
tərzdə izah edilməsinə səbəb olmuşdur.
Müasir nəzəriyyəçilərin bir çoxu belə hesab edir ki, mar-
ksizm-leninzmin ehkamlarından imtina edilsə də, dövlətin
mahiyyətindəki sinfilik xüsusiyyəti inkar olunmamalıdır. Belə hesab
edilir ki, dövlət, ilk növbədə, ictimai maraqların nəzərə alınması
1
Məlikova M.F. Dövlət və hüquq nəzəriyyəsi. S. 33.
211
ilqar Məmmədov
yolu ilə cəmiyyətdə idarəetmənin həyata keçirilməsini, ictimai həyatın
tənzimlənməsini, təşkil olunmasını təmin edən mexanizm və ya
təşkilatdır. Digər tərəfdən isə, iqtisadi və siyasi hökmranlığa malik
olan və əhalinin qalan hissəsi ilə müqayisədə azlıq təşkil edən
təbəqənin, qrupun maraqlarının reallaşması vasitəsi, çoxluğun azlıq
tərəfindən əzilməsini təmin edən bir alətdir. Dövlətin mahiyyətinin bu
iki tərəfi müxtəlif nisbətdə hər bir dövlətdə; əvvəllər mövcud olmuş və
hal-hazırda da mövcud olan bütün dövlətlərdə var. Onların bir
qismində sinfilik, digərində isə ictimai maraqların nəzərə alınması
daha qabarıq şəkildə özünü göstərir. Dövlətin mahiyyətindəki bu
tərəflərdən birinin güclənməsi digərinin zəifləməsinə təsir edir.
Müasir nəzəriyyəçilərin fikrincə, dövlətin mahiyyətindəki sinfilik daha
çox quldarlıq cəmiyyətində inkişaf etmişdir. Hakimiyyət, hüquqlar tam
şəkildə quldarlara məxsus olmuş, əzilən, istismar olunan sinfin
nümayəndələri, yəni qullar isə hüquqsuz vəziyyətə salınmışdır.
«Cəmiyyət quldarlıqdan feodalizmə, feodalizmdən kapitalizmə doğru
təkamül etdikcə dövlətin fəaliyyətindəki ümumsosial tərəfin
əhəmiyyəti də artmışdır. Müasir qərb cəmiyyətində isə dövlət
fəaliyyətinin həmin tərəfi xüsusilə böyük rol oynayır».'’
Tarix boyu cəmiyyət, dövlət inkişaf etdikcə dövlətin
mahiyyətində də müəyyən dəyişikliklər baş vermişdir. Dövlətin
mahiyyətindəki dəyişikliklər onun sosial təyinatında və digər mühüm
tərəflərində, xüsusiyyətlərində baş verən keyfiyyət dəyişikliklərindən
irəli gəlir. Məsələn, quldarlıq cəmiyyəti ilə kapitalist cəmiyyətini
müqayisə etdikdə bizə aydın olur ki, mahiyyət göstəriciləri
baxımından onlar bir-birindən xeyli fərqlidir. Birincisində hakimiyyət
quldarlar sinfinə məxsus olmuş, istehsal münasibətlərində mühüm
rola malik olan qullar təbəqəsi isə hüquqsuz vəziyyətə salınaraq
amansızcasına istismar edilmişdir. Bu təbəqənin nümayəndələri
demək olar ki, tamamilə hüquqsuz idilər. İnkişaf etmiş kapitalist
cəmiyyətində isə kapitalistlər üçün çalışan insan-
’ Общая теория права и государства.
Под ред. проф. Лспарева В.В.
S. 332.
212
Dostları ilə paylaş: |