ilqar Məmmədov
forması təşəkkül tapmış və tarixi inkişaf nəticəsində hal-hazırda
mövcud olan respublikalar meydana gəlmişdir.
Tədqiqatçılar
quldarlıq
respublikasının
iki
formasını
fərqləndirirlər: quldarlıq dövrünün demokratik respublikası və
quldarlıq dövrünün aristokratik respublikası.
Quldarlıq dövrünün demokratik respublikası. Quldarlıq dövrünün
demokratik respublikasının klassik nümunəsi Afina şəhər-dövlətidir.
Quldarlıq respublikaları arasında Afina respublikasının əsas
fərqləndirici xüsusiyyəti ondan ibarət idi ki, onun ali orqanlarının
təşkilində yuxarı təbəqənin nümayəndələri ilə yanaşı bütün
vətəndaşlar iştirak edirdilər. Afinada respublika dövründə yüksək
vəzifələr seçkilər və ya püşk atma yolu ilə qazanılırdı. Hakimiyyətin
təşkilinin əsas prinsipləri sırasına seç- kililik, kollegiallıq, məsuliyyətin
labüdlüyü, vəzifələrin müddətli olması və s. bu kimi demokratik
xarakterli prinsiplər daxil idi.
Afina respublikasının ali orqanı xalq yığıncağı idi. Xalq yığıncağı
20 yaşına çatmış bütün Afina vətəndaşlarından təşkil olUr nan ali
hakimiyyət orqanı olmaqla qanunlar qəbul edir, müharibə elan edir,
sülh müqaviləsi bağlayır, xarici əlaqələrlə bağlı işləri həyata keçirir,
strateqləri və bir sıra digər vəzifəli şəxsləri seçir, həmçinin müxtəlif
inzibati işləri həyata keçirirdi. Bu orqan, həm də məhkəmə orqanı
kimi fəaliyyət göstərərək dövlət əlehinə olan cinayətlər üzrə, o
cümlədən, vəzifəli şəxslərin öz vəzifələridən sui-istifadə etmələrinə
dair işlərə baxırdı.
Ali icra orqanı Beşyüzlər şurası idi. Beşyüzlər şurası ildə bir dəfə
təşkil olunurdu. Qanun lahiyələrini, həmçinin Xalq yığıncağının
səlahiyyətlərinə aid olan digər sənədləri hazırlamaq, dövlətin maliyyə
işləri üzərində sərəncam vermək, vəzifəli şəxslərin fəaliyyətinə
nəzarət etmək. Xalq yığıncağı tərəfindən qəbul olunmuş qərarları
həyata keçirmək bu orqanın səlahiyyətinə verilmişdi.
Afinanın ali məhkəmə orqanı Areopaq idi. M.ö. 462-ci ildə Efialt
tərəfindən həyata keçirilən islahatlara qədər həmin orqan Beşyüzlər
şurasının, vəzifəli şəxslərin fəaliyyətini nəzarətdə saxlayır, hətta Xalq
yığıncağının qərarlarını ləğv edə bilirdi. Efialtın
258
Dövlət və hüquq nəzəriyyəsi
həyata keçirdiyi islahat nəticəsində siyasi funksiyalar Areopaq- dan
alınmışdır.
Tədqiqatçıların yazdığı kimi, Afina respublikasında dövlət
hakimiyyətinin təşkilində hakimiyyətlərin bölünməsi ideyası və
prinsipi özünə yer almasa da, faktiki olaraq, bu dövlətdə
hakimiyyətlərin bölünməsinin müəyyən elementləri artıq mövcud idi.
Afina demokratik respublikasından danışarkən, bu dövlətdə
əhalinin yalnız müəyyən bir qisminin azad vətəndaşlardan ibarət
olduğunu, qadınların, 20 yaşına çatmayan şəxslərin, qulların,
azadlığa buraxılmış şəxslərin, cəmiyyətin digər üzvlərinin isə dövlət
hakimiyyətinin təşkilində iştirak etmək hüququndan məhrum
olduqlarını da unutmaq olmaz. Buna görə də, Afina respublikasında
əhalinin yalnız az bir qisminin, yəni azad vətəndaşların cəmiyyətin
ictimai-siyasi həyatında iştirak etmək hüququ vardı.
Quldarlıq dövrünün aristokratik respublikası. Respublika
idarəetmə formasının bu növü Qədim Spartada və Qədim Romada
mövcud olmuşdur. Quldarlıq dövrünün aristokratik respublikası üçün
xarakterik olan əsas cəhət hakimiyyətin təşkilində və həyata
keçirilməsində aristokratik təbəqənin üstün rola malik olmasından
ibarətdir.
Belə bir idarəetmə formasının klassik nümunəsi olan Roma
aristokratik respublikasında (b.e.ə.VI-l əsrlər) dövlət hakimiyyətinin
həyata keçirilməsi ilə bağlı əsas səlahiyyətlər Xalq yığıncağına deyil.
Senata məxsus idi. Senat aristokratik təbəqənin nümayəndələrindən
təşkil olunurdu. Bu orqan Xalq yığıncağının qəbul etdiyi qanunları
təsdiq edir, müəyyən hallarda isə onların bəzilərini ləğv edir və ya
müəyyən müddətə qüvvəsini dayandıra bilirdi. Fövqəladə hallarda,
ictimai-siyasi böhran baş verdikdə, ölkənin işğal olunması təhlükəsi
yarandıqda Senat diktatura elan etmək hüququna malik idi.
Diktaturanın elan edilməsi ilə diktatora fövqəladə səlahiyyətlər
verilirdi.
Feodal respublikaları. Feodalizm dövrünün şəhər respublikaları
yalnız Avropanın bəzi ölkələrində (İtaliya, Niderland və s.), həmçinin
Rusiyada mövcud olmuşdur. Venesiyanı, Floren- siyanı. Novqorodu
və bir neçə başqa şəhərləri feodalizm dövrünün şəhər
respublikalarına misal göstərə bilərik.
259
ilqar Məmmədov
Feodai dövlətlərinin bir qismində iri şəhərlərin iqtisadi cəhətdən
güclənməsi onların müstəqilliyinin artması ilə nəticələnmişdir. Bu
zaman həmin şəhərlərin özünün idarəetmə orqanları yaranmışdır. Bu
prosesin daha da inkişaf etməsi isə özünüidarəetmənin suverenliyə
çevrilməsinə gətirib çıxarmış, beləliklə də, aristokratik təbəqəni,
şəhər əhalisinin varlı təbəqəsini təmsil edən şəxslərin iştirakı ilə idarə
olunan şəhər respublikaları meydana gəlmişdir. Həmin şəhərlərdə
sənaye və beynəlxalq ticarət, xüsusilə də dəniz ticarəti inkişaf etmiş,
onların ordu və böyük donanma saxlamaq imkanı yaranmışdır.
Feodalizm dövrünün şəhər respublikalarında ali hakimiyyət
orqanı şəhər şuralarından ibarət idi. Şəhər şurasının təşkilində bütün
əhali iştirak etmirdi. Bu orqanda varlı təbəqənin nümayəndələri təmsil
olunurdu. Ümumiyyətlə, şəhər respublikalarında hakimiyyət
mülkədarların, varlı tacirlərin və sənətkarların, ruhanilərin, bir sözlə
şəhər əhalisinin varlı təbəqəsindən təşkil olunan müəyyən bir qrupun
əlində cəmlənmişdi. Şəhər əhalisinin qalan qisminin isə
respublikanın ictimai-siyasi həyatında iştirak etmək imkanı çox az idi.
Lakin buna baxmayaraq, vətəndaşların azadlıq hüququ vardı. Şəhər
respublikalarında bazar münasibətləri sahəsində vətəndaşlara
verilən azadlıq onların rifahına, həyat tərzinə, maddi təminatına
müsbət təsir göstərirdi.
Bütün şəhər əhalisinin deyil, yalnız aristokratiyanın, şəhər
əhalisinin varlı təbəqəsini təmsil edən şəxslərin hakimiyyətin həyata
keçirilməsində iştirak edə bilməsi səbəbindən həmin respublikalar
feodalaizm dövrünün aristokratik respublikaları kimi xarakterizə
olunur.
Tarixdən bizə məlumdur ki, feodalizmin kapitalizmlə əvəz
olunması, demokratiya institutlarının, bazar iqtisadiyyatının, vətəndaş
cəmiyyətinin inkişaf etməsi müasir dövrdə mövcud olan respublika
idarəetmə formasının meydana gəlməsinə səbəb olmuşdur.
Müasir respublika üçün xarakterik olan əsas cəhətlər
aşağıdakılardır:
- ali hakimiyyət orqanlarının müəyyən müddətə seçilməklə təşkil
olunması;
260
Dostları ilə paylaş: |