Nizami Tağısoy
Qaraqalpaq ədəbiyyatı
258
259
vəziyyətinə qarşı çıxırdı («Bibican»), oğruları, müf təxorları
lənətləyirdi. («Mən əvəzini verərəm») və s. və i. a.
Seyfulqabit Məcidov (1869-1938) -
XX əsr qaraqalpaq
ədəbiyyatının yaradıcılarından biri hesab olunmaqdadır. O,
Qazan quberniyasında anadan olmuşdur. Öz valideynlərilə
gənclik dövründə gəzdiyi Qaraqalpaqstan isə onun ikinci
vətəninə çevrilmişdir.
Tezliklə qaraqalpaq dilini mükəmməl öyrənən S.Məcidov
bütün istedad və bacarığını qaraqalpaq ədəbiyyatının
yaranmasına və maarifçiliyin inkişafına həsr etmiş, qaraqalpaq
milli məktəbləri üçün ilk dərsliklərin müəllifi kimi geniş
fəaliyyət göstərmişdir. Əksər şeirlərində gəncləri biliklərə
yiyələnməyə çağırmışdır. Məcidovun ədəbi yaradıcılığında
dramaturji janr son dərəcə böyük rol oynamışdır.
Onun «Bağdagül», «Təzəgül», «Yernəzər Alagöz» kimi
pyesləri müxtəlif illərdə qaraqalpaq teatrının səhnəsində
müvəffəqiyyətlə tamaşaya qoyulmuşdur. Təsadüfi deyildir
ki, S.Məcidov K.Auezov və A.Ötepov ilə birlikdə qaraqalpaq
dramaturgiyasının əsasını qoyanlardan hesab edilməkdədir.
«Qaraqalpaq şairləri» kitabına ədibin «Azadlıq ulduzu»,
«Qaraqalpaq», «Gəlinlərə və təzə gəlin gedənlərə», «Əl
çək», «Atalarımız», «Qızlara», «Yorulma Dixayle»
və başqa
bu kimi əsərləri rus dilinə S.Severtsev
7
tərəfindən tərcümə
olunmuşdur. S.Severtsev S.Məcidovun və ümumi qaraqalpaq
poeziyasının ən tanınmış təbliğatçılarından biridir. Adlarını
çəkdiyimiz və digər şeirlərində o, xalq həyatının gerçək
obrazını yaratmağa müvəffəq olmuşdur:
Xanlar dövrü sən kim idin, qaraqalpaq,
Vətəninsə zindan idi, qaraqalpaq,
Hamı səni “avam” deyə çağırırdı –
Hamı üçün sən qul idin, qaraqalpaq.
Hər yetənlər şərəfini tapdalatdı,
Bədbəxtliyin sənin say-hesabsızdı,
Qədim ruhun bəlkə çiçək açmazdı,
Damarında qan qurusa, qaraqalpaq.
Bax, heç zaman sən yolundan sapınma,
Zəhmətə çox qatlaş – geridə qalma,
Daim get irəli – heç vaxt yorulma,
Bil ki, indi doğulursan, qaraqalpaq.
Oyan! Mürgü döyən xalqın gücsüzdür,
Səmtin irəlidir - için zəngindir,
Azadlıqla uğur heç mümkünmüdür?!
Əgər vətən qaranlıqsa, qaraqalpaq.
S.Məcidov iki bir-birindən fərqli dövrün müasiridir.
Onun məktəblərin yaradılması ilə bağlı təşkilatçılıq fəaliyyəti,
ilk qaraqalpaq qəzetinə redaktorluğu və çoxsaylı şeirləri,
pyesləri, nağılları, təmsilləri XX əsr qaraqalpaq ədəbiyyatının
ilk nümunələri hesab olunmaqdadır. S.Məcidovun ən çox
sevdiyi mövzulardan biri təhsil mövzusu idi. Onun bu
tipli şeirləri sırasında xüsusən «Get öyrən», «Təzə arna»,
«Qızgetgen» və s. əsərləri maraqlıdır.
Seyfülqabit Məcidov həm də klassik tatar poeziyasının
görkəmli nümayən dəsi, böyük Sabirin müasiri, Azərbaycan
oxucularına yaxşı tanış olan Q.Tukayın əsərlərinin qaraqalpaq
dilinə tərcüməçisidir.
***
Ayapbergen Musayev (1880-1936) -
xalq şairi Ayarber-
gen Musayev XX əsr qaraqalpaq ədəbiyyatının banilərindən
biridir.
Ayapbergen Musayevin şeir yazmağa meyli onda lap
gənc yaşlarından özünü büruzə vermişdir. Məsələn, onun
«Gölə tərəf qaç» şeiri hələ əlyazma şəklində nəşr olunan
Nizami Tağısoy
Qaraqalpaq ədəbiyyatı
260
261
«Qızıl müəllim» («Qızıl muqallim») (1930, №1) jurnalında
nəşr olunmuşdur. A.Musayevin şeirləri hələ ilkin dövrlərdə
dildən-dilə gəzirdi, həmyerliləri şairin əksər əsərlərini əzbər
bilirdilər. Son dərəcə bacarıqlı deklamsiyaçı Jumamurat
Zülabi onun əsərlərini tez-tez xalq arasında əzbərdən
oxuyardı.
Hələ yaradıcılığının ilkin dövründə o, satirik və yumoristik
şeirləri ilə tanınırdı. Bu şeirlərdə əsasən
cəmiyyətdə olan
eybəcərliklər tənqid atəşinə tutulurdu. Lakin şairin yaradıcı
potensialı 20-ci illərdə daha güclü şəkildə açılmağa başladı.
Musayev öz yaradıcılığında əsas etibarı ilə həyatı əks etdirir,
yeni sosialist həyatında olan sarkastik-ironik tərəfləri, onda
yeni mənəvi-əxlaqi dəyərlərin formalaşmasına mane olan
xüsusiyyətləri göstərirdi.
A.Musayevin əsərlərinin mövzusu rəngarəng və
çoxplanlıdır. Əgər onun əsərlərinin bir qismində aydın,
obrazlı rənglərlə sosial qeyri-bərabərlik ifşa edilir və burada
bəzi ənənəvi elementlərdən yararlanmaqla mübaliğədən və
başqa bədii ifadə vasitələrindən istifadə edilirsə, digərlərində
şəxsiyyətin
mahiyyətini, onun ictimai-sosial bütövlüyünü,
insanın zahiri təbiətinin təsvirini təhlildən kənarda saxlayırdı.
Şairin yaradıcılığı üçün xarakterik olan başlıca bir şey insanın
daxili aləminə baxış idi. A.Musayev əsərlərini olduqca aydın,
obrazlı aforistik bir dillə qələmə alırdı.
A.Musayev qaraqalpaq xalqının şifahi-poetik və klassik
irsinə böyük hörmətlə yanaşırdı. Doğma poeziyanın dərin
bilicisi olan şair əsərlərində xalq motivlərindən məharətlə
istifadə edirdi. Təsadüfi deyildir ki, hələ 30-cu illərdə
A.Musayev ilk folklor etnoqrafik ekspedisiyası zamanı öz
doğma aulunda (Konqrad rayonunda) çoxsaylı qaraqalpaq
nəğmələrini qələmə almışdı.
Onun yazdığı poetik nümunələr sırasında «Başlayır»,
«Ver məyin», «Onların var», «Qaraqalpaqların var», «Hara-
da?», «Gölə qaç», «Qara eşşək», «Dostlar», «Ekspromtlar»,
«Qazax bəyə» və digərləri daha geniş yayılmışdır.
«Qaraqalpaq ların var» şeirində şair dogma diyarın və xalq
həyatının geniş mənzərəsini yaradır və onun ənginliklərini
- göllərini,
təbiətini, ceyranlarını, marallarını, cigitlərini
maraqlı boyalarla təsvir edirdi.
A.Musayev poeziyasının başlıca cəhəti onun yüksək
bədiiliyi, dilinin obrazlılığı, üslubunun xoşagələnliyidir.
Ümumiyyətlə, A.Musayev öz yaradıcılı ğında folklor
ştamplarından və kitab dilindən kənar olmağa çalışmışdır.
Ənənəvi simvolika, metaforiklik və obrazlılıq A.Musayev
yaradıcılığında, onun poetik şüurunda oxucuya güclü
emosional təsir göstərirdi.
A.Musayevin yaradıcı bacarığının inkişafına, tədqiqatçılar
qeyd etdiyi kimi, onun öz dövrünün istedadlı şairləri ilə
əlaqələri səbəb olmuşdur. Onların sırasında Molla İsgəndər,
Gülmurat şair,
Seyfulqabit Məcidov, Həmzə Həkimzadə
Niyazi, Həsən Begimov, Əbdürrəhman Ötepov, Xocamet
Əhmədov, Sıdıq Tokpan oğlu, Kallı Ayımbetov və başqaları
olmuşlar.
Öz növbəsində A.Musayev yaradıcılığı Sadıq şairin,
Əbdürrəhman Ötepovun, Xocamet Əhmədovun, Həsən
Begimovun və digərlərinin yaradıcılığına
təsir etmiş, onlar
şairin poetikasının özünəməxsus xüsusiyyətlərindən və
sirlərindən yararlanmağa çalışmışlar. Məşhur qaraqalpaq
şairi Sadıq Nurumbetov Ayapbergeni özünün ən nüfuzlu
ustadlarından biri hesab etmişdir.
8
Ömrü iki əsrin payına düşmüş A.Musayev öz yara dıcı-
lı ğın da qaraqalpaq şairlərinin həmin dövr üçün xarak terik
olan bədii axtarışlarının xüsusiyyətlərini əks etdirməyə çalış-
mış dır. Şair yaradıcılığında qaraqalpaq folklorunun və yazılı
ədə biyyatının, türk və şərq klassikasının ən gözəl ənənələrini
inkişaf etdirməyə çalışmışdır. Şifahi və yazılı ənənələrin