116
edildi ki, məhz Siz mini futbol üzrə 5 nəfərdən ibarət iki
komandanı yaradanlardan birisiniz. Bu da neçə illər bundan
əvvəl baş tutubdur.
Biz futbolun digər aspektlərindən söhbət açsaq, mən onu
demək istərdim ki, Sizin bir qəhrəmanınız olubdur. Bəlkə də o,
futbol oyunçusu olmayıb. Söhbət Tofiq Bəhramovdan gedir. O,
tarixdə iz qoyan bir şəxs olubdur. Bir neçə il öncə sizin
şəhərinizdə onun abidəsinin açılışı mərasimində bir yerdə
iştirak etmişdik.
Əslində futbol klassik üsluba malik olan bir oyundur. Bu,
klassik, tragik bir formada öz təşəkkülünü tapan bir oyundur.
Çünki burada həm vaxt, həm güc, həm böyük enerjinin sərf
edilməsi tələb olunur. Futbol bu deməkdir.
Cənab Prezident, Siz burada öz şərhlərinizi verdiniz. Mən
Sizin dediklərinizə şərik çıxıram və Mişel də əslində bu idman
kompleksi haqqında danışdı.
Futbol insanları birləşdirir, bir araya gətirir. Mən çox şadam
ki, Assosiasiya prezidentinin qeyd etdiyi kimi, bütün bu
qurğular futbolla məşğul olmaq istəyənlərin hamısı üçün açıq
olacaqdır. Futbol insanların, cəmiyyətin oyunudur. Ona görə,
qapılar açıq olacaqdır. Bu baxımdan futbol, həmçinin mədəni,
sosial rol oynaya bilər. Bəlkə də o qədər yüksək səviyyədə
mədəniyyət sahəsi olmasa da, əslində bu oyunun özündə də
ədalət, hörmət və fiziki ruh vardır. Ona görə, hörmətli xanımlar
və cənablar, bu ədalətli oyun ruhunun cəmiyyətimizə
gətirilməsində məhz futbol vacib bir məsələdir. Futbol qarşısına
qoyduğu bu məqsədə nail olur.
İndi isə bizim gözəl bir fürsətimiz olacaqdır. Biz təməl-
qoyma mərasimində iştirak edəcəyik. Yeni tikiləcək stadionun
təməlini qoyacağıq və iki il yarım, üç ildən sonra siz çox gözəl,
xüsusi bir futbol arenasının şahidi olacaqsınız. Belə bir
möhtəşəm işin görülməsi cənab prezident İlham Əliyevin
qətiyyəti və müdrik rəhbərliyi sayəsində mümkün olacaqdır.
Biz bilirik ki, Sizin ölkənin hər bir yerində, hər bir guşə-
sində idmana böyük diqqət göstərilir. Bu nəinki siyasət, nəinki
117
iqtisadiyyat, ümumiyyətlə, bütün digər sahələrlə müqayisədə
çox yüksək səviyyədə görülən işlərdir. Elə indicə mən buraya
gələrkən gözəl bir fotoşəkil gördüm. Gördüm ki, cənab
Prezident, Siz çox gözəl bir mövqedə dayanıb ayağınızla topu
vurursunuz. Mən istərdim ki, kaş bütün ölkə rəhbərləri futbola
belə yanaşaydılar, bu cür yanaşma nümayiş etdirəydilər. Bütün
bu işlərə görə Sizə «çox sağ olun» – deyirəm, cənab Prezident!
Futbol üçün gördüyünüz bütün işlərə görə çox sağ olun.
Mən bu gün burada FİFA-nın prezidenti kimi, təxminən 200-
ə yaxın assosiasiyanı təmsil edirəm. Həmin assosiasiyaların
prezidentləri də burada əyləşiblər. Fürsətdən istifadə edərək
onların da adından, cənab Prezident, Sizi xüsusi olaraq təbrik
edirəm. Həmçinin Sizin milli futbol təşkilatınızı təbrik edirəm.
Bildiyiniz kimi, futbol gözəl idman növüdür. Hər zaman
deyirəm ki, futboldan həzz alın. Amma ən vacibi odur ki,
həyatdan da həzz alasınız. Çox sağ olun!
* * *
Sonra stadionun təməlqoyma mərasimi oldu.
Dövlətimizin başçısı metal gilizi rəmzi topun içərisinə qoy-
du. Prezidentin oğlu Heydər Əliyev topu rəmzi qapıya vuraraq
bünövrəyə saldı.
Prezident İlham Əliyev, FİFA-nın prezidenti Yozef Blatter və
UEFA-nın prezidenti Mişel Platini beton qarışığı tökən qurğunu
işə saldılar, mərasimdən xatirə olaraq saxlanılacaq futbol
topunu imzaladılar.
Mərasimdə iştirak edən qonaqlar prezident İlham Əliyev ilə
söhbətlərində bir daha dövlətimizin başçısına Azərbaycanda
idmanın inkişafına göstərdiyi diqqət və qayğıya görə təşəkkür
etdilər.
118
AVROPA İTTİFAQININ ENERJİ MƏSƏLƏLƏRİ
ÜZRƏ KOMİSSARI GÜNTER OTTİNGERİN
BAŞÇILIQ ETDİYİ NÜMAYƏNDƏ HEYƏTİ İLƏ
GÖRÜŞ
Prezident sarayı
6 iyun 2011-ci il
Azərbaycan Respublikasının Prezidenti İlham Əliyev
iyunun 6-da Avropa İttifaqının enerji məsələləri üzrə komissarı
Günter Ottingerin başçılıq etdiyi nümayəndə heyətini qəbul
etmişdir.
Avropa İttifaqının enerji məsələləri üzrə komissarı Günter
Ottinger Avropa Komissiyasının sədri Xose Manuel Barrozunun
salamlarını dövlətimizin başçısına çatdırdı.
Görüşdə Azərbaycanda keçirilən «Xəzər neft, qaz, neft emalı
və neft kimyası» XVIII Beynəlxalq sərgisinin önəmi qeyd edildi
və bu sərginin energetika sahəsində beynəlxalq əməkdaşlığın
genişləndirilməsi işinə öz töhfəsini verəcəyinə əminlik ifadə
olundu. Prezident İlham Əliyev və Avropa İttifaqının enerji
məsələləri üzrə komissarı Günter Ottinger Azərbaycan ilə
Avropa İttifaqı arasında əməkdaşlığın müxtəlif istiqamətlərdə,
xüsusilə də enerji sahəsində uğurlu inkişafından məm-
nunluqlarını bildirdilər və bu əməkdaşlığın daha da geniş-
ləndirilməsi və inkişafı ətrafında fikir mübadiləsi apardılar.
Dövlətimizin başçısı Avropa Komissiyasının sədri Xose
Manuel Barrozunun salamlarına görə minnətdarlığını bildirdi,
onun da salamlarını Avropa Komissiyasının sədrinə çatdırmağı
xahiş etdi.