147
SERBİYA PREZİDENTİ BORİS TADİÇ İLƏ
BİRGƏ BƏYANATLARLA ÇIXIŞLAR
Sənədlərin imzalanması mərasimi başa çatdıqdan sonra
Azərbaycan prezidenti İlham Əliyev və Serbiya prezidenti Boris
Tadiç mətbuat üçün bəyanatlarla çıxış etmişlər.
Serbiya prezidenti Boris Tadiçin bəyanatı
Böyük məmnunluqla qeyd etmək istəyirəm ki, Azərbaycan
Respublikasının Prezidenti hörmətli dostum cənab İlham Əliyev
ilə mənim görüşüm baş tutdu. Ölkələrimiz arasında mövcud
olan bir çox məsələləri müzakirə etdik və bu gün bir çox sənədi
imzaladıq. Bu əslində ölkələrimiz arasında bir çox sahədə
əlaqələrin təzahürüdür. Biz görürük ki, siyasi münasibətlərimiz
strateji səviyyəyə qalxır.
Xanımlar və cənablar, Serbiya və Azərbaycan bu gün eyni
vəzifələr və məsələlər qarşısındadır. Ölkələrimiz arasında
oxşarlıqlar da vardır. Söhbət burada Dağlıq Qarabağ və Kosovo
məsələlərindən gedir. Serbiya Respublikası Azərbaycanın hər
hansı bir hissəyə bölünməsinin tərəfdarı deyil, qətiyyən bu
fikirdə deyil və Azərbaycanı BMT-nin üzvü kimi, öz ərazi
bütövlüyü çərçivəsində tanıyır. Əslində bu bizim mətbuat
konfransında bəyanatımızın əsas hissəsidir. Mən cənab
Prezidentə təşəkkürümü bildirdim. Cənab Prezidentin Kosovo
məsələsində tutduğu mövqe ilə bağlı təşəkkürümü bildirdim.
Azərbaycan Serbiyanın ərazi bütövlüyünü və Serbiya da
Azərbaycanın ərazi bütövlüyünü dəstəkləyir. Bu prinsiplər
beynəlxalq hüququn vacib, təməl prinsipləridir. Əslində bu,
ölkələrimiz üçün də çox mühüm məsələdir.
Biz digər sahələrdə də əməkdaşlığımızı müzakirə etdik,
müxtəlif sahələrə aid sənədləri imzaladıq. Hesab edirik ki,
148
iqtisadiyyat, energetika sahələrində əməkdaşlığımızı daha da
dərinləşdirməliyik. Azərbaycan bu gün böyük həcmdə neft və
qaz hasil edir. Azərbaycanın bu sahədə mövqeləri qlobal
səviyyədə güclənir və Azərbaycan böyük layihələrə imza atır.
Əslində Gürcüstan, Rumıniya və Azərbaycan bir mühüm
layihə üzərində işləyir. Çox ümid edirik ki, Macarıstan da bu
yaxınlarda həmin layihəyə qoşulacaq və bu, böyük bir qaz
layihəsi olacaqdır. Serbiyanın bu məsələdə strateji maraqları
vardır. Serbiya bu layihəyə qoşulmaq istəyir və cənab
Prezidentlə mən bu məsələni müzakirə etdik, bir daha iradəmizi
bildirdik ki, biz bu layihəyə qoşulmaq istəyirik. Biz
əməkdaşlığımızın digər sahələrini müzakirə etdik. Energetika,
tikinti, terminallar, sıxılmış maye qaz sahələrini nəzərdən keçirdik.
Hesab edirik ki, qazın saxlanılması üçün anbarların tikintisində
əməkdaşlıq edə bilərik. Əslində bu, regionumuz üçün çox vacibdir,
xüsusən də qış mövsümündə. Azərbaycanla xüsusi
əməkdaşlığımız olmalıdır. Görürük ki, dünyada enerji problemləri
üzə çıxır. Nüvə enerjisi ilə bağlı bəzi qəzalar baş verir. Buna görə
də Avropa üçün daha çox qaz vacibdir, nəinki nüvə enerjisi. Biz
belə hesab edirik.
Ona görə Azərbaycanın bu sahədəki addımlarının vacibliyi get-
gedə artır. Bununla bağlı mən cənab Prezidentə təşəkkürümü
bildirirəm və onu təbrik edirəm ki, əslində Azərbaycan bu sahədə –
qazın hasilatı sahəsində böyük addımlar atmışdır və bu, ölkənin
iqtisadiyyatının inkişafına kömək etmişdir.
Azərbaycanın iqtisadiyyatı sürətlə inkişaf edir, regionda öz
mövqeyini tutur, öz mədəni irsini, özünəməxsusluğunu qoruyur.
Biz nəinki energetika, bir çox digər iqtisadi sahələrdə də
əməkdaşlıq edirik.
Əməkdaşlığımızın sahələrindən biri mədəniyyət sahəsində
mübadilələrdir. Mən Belqradda mədəniyyət ocaqlarının tikintisi ilə
bağlı ayrılan maliyyə yardımına görə cənab Prezidentə
təşəkkürümü bildirirəm. Biz xüsusi bir yanaşmadan istifadə edərək
ətraf mühitin qorunmasına da xüsusi diqqət yetiririk. Gələcəkdə
bununla bağlı bir çox nəticələr əldə edə bilərik. İnfrastruktur