nəfər sahmançı qadın verdilər. Qadınlar qablı-qaşıqlı, çadırlı-filanlı
yığışıb gəldilər. Uşaqların bayramı oldu. Doğum vaxtı Tanabaya ən azı yeddi
nəfər belə köməkçi lazım olacaqdı. İbrahim bərk-bərk söz verirdi ki, onları
da göndərəcəkdir. Sürü Beşağac vadisinə – döl məntəqəsinə köçürüləndə
mütləq göndərəcəkdir, onun dediyinə görə, hələlik bu iki nəfər kifayət idi.
Nəhayət, köç vaxtı gəlib yetişdi. Sürülər dağlardan endirildi, döşlərə,
döl bazalarına axın başlandı. Sahmançı qadınları aparıb yerbəyer eləməyi
Tanabay Eşim Bolotbekova tapşırdı. Onları səhər tezdən böyük bir dəstə ilə
yola saldı, özü isə sürünü dağdan yavaş-yavaş endirdi ki, balalı qoyunlar
rahat gəlib çıxsınlar. Sonra, öz hamilərinə kömək eləmək üçün, Tanabay bu
yolu iki dəfə də gedib gəlməli idi.
Qoyunlar öz bildikləri kimi gedirdilər, onları tələsdirmək olmazdı.
Qoyunların bu yavaş yerişi iti də hövsələdən
çıxarmışdı, it bir yerdə qərar tuta bilmirdi.
Günəş batmağa gedirdi, ancaq istisi hələ də hiss olunurdu. Sürü aşağı endikcə
hava da istiləşirdi.
Güneylərdə ot göyərirdi.
Yolda Tanabay bir qədər gecikməli oldu – qoyunlardan biri doğdu. Təzəcə
doğulmuş quzunun burnunu, qulağını püfləyə-püfləyə
Tanabayın qanı qaraldı, çünki hələ tez idi, çox tez idi. Doğum bir həftədən
sonra başlanmalı idi.
Bəlkə, yenə yolda doğanlar olacaqdı? Tanabay
qoyunlara baxdı – yox, belə şey gərək olmayaydı. Ürəyi sakitləşdi, sonra,
hətta, sevindi də. İlk quzu qızlar üçün toy-bayram olacaqdı. İlk balanın
həmişə öz yeri var. Həm də quzu qəşəng quzu idi. Ağappaq. Bircə kirpikləri
ilə dırnaqları qara idi. Tanabayın sürüsündə bir neçə qaba yunlu qoyun
vardı. Bu quzunu da onlardan biri doğmuşdu. Belə qoyunların balası gəlimli
olur, tüklü, sağlam olur. Bu quzular zərif yunlu qoyunlardan doğulan
tüksüz quzulara oxşamırlar. Tanabay quzunu qucağına aldı:
– Madam ki, dünyaya gəlməyə tələsmisən, – dedi, – aç gözlərini, bax. Qədəmin
qoy xoş olsun!
Dünyaya sənin kimi o qədər bala gəlsin ki, səsinizdən qulağımız batsın,
hamınız da sağ qalın, çoxalın, dünyanı doldurun! – O, quzunu yuxarı qaldırdı.
– Bax, – dedi, – bax, sən ey qoyunların allahı, birinci baladır, bax və kömək
ol bizə!
Yuxarıda isə dağlar dayanmışdı. Dağlar susurdular.
Tanabay
quzunu kürkünün altına soxub yola düzəldi. Ana qoyun onun dalınca qaçırdı,
mələyirdi, həyəcan keçirirdi. Tanabay qoyuna ürək-dirək verirdi:
– Gəl,
görüm gəl! Balan burdadır, heç yana qaçmır.
Quzu kürkün altında qurudu, isindi, rahatlandı. Onlar axşam çağı bazaya
yetişdilər.
Bazada camaat yerbəyer
olmuşdu, alaçıqdan tüstü qalxırdı. Sahmançı qadınlar çadırların qabağında
sürünü gözləyirdilər. Deməli, hər şey qaydasında idi. Bircə Eşim gözə
dəymirdi. Dəvəni götürüb getmişdi ki, sabah özü köçüb gəlsin.
Burada gördüyü hər şeyə Tanabay böyük ümidlə baxırdı. Yenə ürəkdə qüssə də
vardı, sevinc
də vardı. Ancaq tövlələri görəndə, sanki, onu ildırım vurdu: damların qamışı
çürümüşdü, divarlar deşik-deşik idi; nə qapı, nə pəncərə vardı, külək
burdan vurub, ordan çıxırdı. Çölün qarı az qala əriyib qurtarmışdı, ancaq
tövlələrin içində koma-koma qar qalırdı.
Bir vaxt daşdan tikilmiş ağıl da
xarabalıq içində idi. Bütün bunları görəndə Tanabay elə dilxor oldu ki,
qızların quzu ilə oynamasına da fikir vermədi. Quzunu onların üstünə atıb
bazanı dörd dolandı. Hər yan xarabalıq, hər yan uçuq-sökük. Tanabay ömründə
belə biabırçılıq görməmişdi. Bütün bu döl bazası, yəqin ki, lap müharibə
vaxtından başlı-başına buraxılmışdı. Çobanlar doğumu birtəhər yola
vermişdilər, sonra hər şeyi qarın, küləyin ümidinə buraxıb getmişdilər.
Anbarın
damında bir qalaq çürümüş ot vardı, bir-iki qalaq da saman gözə dəyirdi.
İçəridə – iki kisə arpa unu, bir qutu duz. Bir neçə şüşəsi qırılmış fənər,
fənərlərin yanında paslanmış neft bidonu, sapı çürümüş bellər, dişləri
əyilmiş yabalar. Baxanda istəyirdin ki, nefti töküb bütün bu şeylərə od
vurasan, baş götürüb, ayağın getdikcə gedəsən...
Tövlələrdə qar dizə çıxırdı, bildirdənqalma donmuş peyin hər yerdə təpə-təpə
ucalırdı. Tanabay qarın,
peyinin içində gəzirdi və nə edəcəyini bilmirdi. O deməyə söz də tapmırdı.
Eyni şeyi dəli kimi təkrar eləyirdi: “Bu nədir, bu necə işdir?.. Bu nədir,
bu necə işdir?.. Bu nədir, bu necə işdir?..”
Tanabay tövlədən çıxıb, tələsə-tələsə atı yəhərləməyə başladı. Əlləri əsim-
əsim əsirdi. Bu saat o özünü
kəndə yetirəcəkdi, gecənin qaranlığında hamını ayağa qaldıracaqdı, gör
Tanabay onlara necə divan tutacaqdı! Onları Tanabay birbəbir xirtdəkləyəcəkdi
– İbrahimi də, sədri də, Çoronu da: daha məndən rəhm gözləməyin! Siz ki
mənimlə belə rəftar etdiniz, alın payınızı! Daha bəsdir, bıçaq sümüyə
dirənib!..
Yenə Caydar haradansa peyda olub atın cilovundan yapışdı.
– Dayan! – dedi. – Hara gedirsən? Düş görüm, mənim sözümə qulaq as!
Ancaq Tanabay
sözmü eşidirdi?! O, cilovu gücü çatdıqca dartışdırırdı, atı qamçılayıb
arvadının üstünə sürürdü:
– Burax! Burax! Burax, deyirəm sənə! Hamısını
qıracağam! Doğrayacağam! Öldürəcəyəm hamısını!
– Buraxmayacağam! Adam öldürmək istəmirsənmi? Məni öldür.
Bu vaxt sahmançı qadınlar tökülüşüb gəldilər,
qızlar ağlaşıb hər tərəfdən qışqırışdılar:
– Ata! Ata! Getmə!
Tanabayın qəzəbi soyudu, ancaq inadından əl çəkmədi.
– Burax, – dedi, – görürsənmi
tövlələr nə gündədir? Qoyunlara bax, bu gün-sabah hamısını doğub-tökəcək. Biz
onları harda saxlayacağıq? Hanı dam-daş? Hanı yem? Hamısı murdar
olacaq. Kim cavab verəcək? Burax məni.
Caydar dedi:
– Tutalım ki, buraxdım getdin. Qışqırdın, dava saldın. Bunun bizə nə xeyri
var? Madam ki, indiyəcən
heç nə eləməyiblər, deməli, eləyə bilmirlər, gücləri çatmır. Əgər imkanları
olsaydı, təzə tövlə tikərdilər.
– Bəs dam necə? Onu ki, düzəldə
bilərdilər. Hanı bunun qapısı? Hanı pəncərəsi? Başdan-başa xarabalıqdır,
tövlənin peyinini də on ildir daşımayıblar! Sən bir ota bax. Bu çürük otla
bu boyda sürünü neçə gün saxlamaq olar? Bu otu quzuya vermək olarmı! Bəs
altlarına nə döşəyəcəyik? Deyirsən, quzular peyinin-palçığın içində murdar
olsun, eləmi? Sən belə deyirsən, hə? Burax məni!
– Bəsdir, Tanabay, özünə gəl. Sən bu camaatdan artıq deyilsən ki? Hamı necə,
biz də elə. Bir də, axı,
sən kişisən. Hələ ki, gec deyil, fikirləş gör neyləyəcəksən. Onları da burax
başına. Birdəfəlik tüpür, vəssalam! Cavabdeh bizik, işi də özümüz
görəcəyik. Odur, o dərədə yolun üstündə xeyli itburnu kolu var, gələndə
görmüşəm. Kəsib gətirrik, birtəhər damın üstünü basdırarıq. Üstündən də peyin
tökərik. Altlarına da yovşandan-zaddan tapıb döşərik, havalar korlanmasa,
birtəhər yola verərik...
Bu yandan da sahmançı qadınlar Tanabaya ürək-dirək
verməyə başladılar. Tanabay yəhərdən düşdü, qadınlara gözucu da baxmadan
birbaş alaçığa yollandı. Başını aşağı salıb oturdu – elə bil uzun sürən
xəstəlikdən durmuşdu.
Evdə hamı susurdu. Danışmağa qorxurdular. Caydar çaydanı ocaqdan götürdü,
yaxşı çay dəmlədi, badyaya isti su töküb ərinə verdi.
Tanabay əllərini yudu. Təptəzə süfrə açıldı, hətta Caydar haradansa bir neçə
konfet də tapıb çıxartdı, boşqablara sapsarı ərinmiş yağ qoydu.
Sahmançıları da çağırıb süfrə başına əyləşdilər. Eh, arvadlar, arvadlar!
Onlar ləzzətlə çay içib, yenə öz söhbətlərini eləyirdilər, sanki, qonaqlıqda
Dostları ilə paylaş: |