98
İqtisadi və Siyasi Elmlər Jurnalı.
№ 4 (9) 2017
AYDINLI FƏRHAD MÜRSƏL OĞLU
dissertant, Bakı Dövlət Universiteti
e-mail: farhad.aydinli@gmail.com
UOT 327
ABXAZĠYA MÜNAQĠġƏSĠNĠN REGĠONAL
ĠNTEQRASĠYAYA TƏSĠRĠ
XÜLASƏ
XX əsrin 90-cı illərində dünya siyasi xəritəsinin dəyişməsi nəticəsində
Cənubi Qafqazda müstəqil dövlətlərin yaranması tranzit anlamda bölgəyə
olan marağın artmasına gətirib çıxardı. SSRİ-nin dağılmasından sonra
müstəqillik əldə edən dövlətlərin daxilində siyasi proseslərin dərinləşməsi,
sovet dönəmindən qalan etnosiyasi münaqişələrin yenidən alovlanması
regionda təhlükəsizliyin təmin olunmasına, regional inteqrasiya
proseslərinə birbaşa təsir edən əsas amilə çevrildi. Soyuq müharibənin
bitməsinə, təkqütblü sistemin yaranmasına baxmayaraq regionunun siyasi,
geostrateji əhəmiyyəti Cənubi Qafqazda münaqişələr imsalında Rusiya və
ABŞ arasında soyuq müharibənin hələ bitmədiyini göstərdi.
Məqalədə müasir şəraitdə Gürcüstanın Abxaziya münaqişəsi
prizmasından xarici siyasəti, qonşu dövlətlərlə münasibəti, münaqişələrin
inkişaf dinamikası, böyük dövlətlərin məsələyə dair mövqeləri və hazırki
durum təhlil olunur.
Açar sözlər: Etnosiyasi münaqişə, Cənubi Qafqaz, Gürcüstan,
Abxaziya, Rusiya amili, regional inteqrasiya.
XX əsrin 90-cı illərində SSRİ-nin dağılması ilə dünya siyasi
mənzərəsində tək qütblü, lakin çoxmərkəzli siyasi sitem formalaşdı. SSRİ
və ABŞ arasında Soyuq müharibənin bitməsi dünyada baş verən siyasi
proseslərin, etnik münaqişələrin, böhranların sona çatması ilə
nəticələnmədi, əksinə dünyada bir sıra digər güclər formalaşmağa başladı
və iki hegemon dövlətin yaratdığı tarazlığı artıq 90-cı illərdən sonra yeni
qüvvələr balansı əvəz etdi. Bu da bir sıra məsələlərdə maraqların
toqquşmasına, regionlarda etnosiyasi münaqişələrin yenidən alovlanmasına
gətirib çıxardı.
Etnosiyasi münaqişələrin ən geniş yayılmış növlərindən biri də
etnoərazi münaqişələridir. Etnoərazi münaqişəsi dedikdə əsasında
etnosların ərazi iddiaları duran münaqişələr başa düşülür. Təkcə postsovet