Güllə səsindən doğulan kitab
31
Mirzəyev də uğurlu döyüş əməliyyatından qayıdarkən
eyni ssenari ilə aradan götürüldü. Beş nəfər silahdaşı
ilə ön cəbhədən qayıdan cəsur komandir «Qaz 69»
markalı avtomobildə cəbhənin ermənidən uzaq bir
yerində, özü də getdiyi yolla qayıdarkən minaya
düşdü. Altı nəfərdən biri ölümdən qurtula bilir, о da
yarımcan. О minanın da orada necə peyda olmasını
araşdıran olmadı. Şirin Mirzəyevin cəsədinin qalıqları
Bakıdakı Şəhidlər Xiyabanında dəfn olundu və ölü-
mündən sonra ona da «Azərbaycanın Milli Qəhrə-
manı» fəxri adı verildi.
Ala Yaqub, Qatır Məmməd, Yaqub Rzayev. Bu
insanların aqibəti daha acınacaqlı oldu. Oğulları ilə
çiyin-çiyinə vuruşan, onlardan birini Vətənə qurban
verən, öz gücünə batalyon toplayan, həmin batalyonu
öz igidliyi, rəşadəti, cəsarəti və bacarığı hesabına
hərtərəfli təmin edən və döyüşdən döyüşə aparan bu
cəsur komandir о vaxtlar «qan-qan» deyən «cəbhəçi»
nazirin qəzəbinə tuş gəldi və həbs edildi. Bir neçə
aydan sonra 15.07.1993-cü ildəAğdamın işğalından
səkkiz gün əvvəl dustaqxanada qətlə yetirildi. Tunc
iradəyə, dəmir sağlamlığa malik olan bu insan guya
ürək çatışmazlığından vəfat elədi. Saysız-hesabsız
qəhrəmanlıqlar göstərən, ermənilərə bəlkə də hamıdan
çox tələfat verən bu igid insan bu dünyadan çox
hörmətsiz və xüsusi təmtəraq olmadan köçdü. Heç bir
fəxri ada da layiq görülmədi. Amma xalqın yad-
daşında elə qəhrəman kimi qaldı.
Fred Asif. Bütün ömrünü keşməkeşlərlə, əzab-