57
Əliyusif ailədə elə tərbiyə almışdı ki, bütün qonşular onda
olan mədəniyyətə və əxlaqa həsəd aparırdılar. Anasının
yanına hansısa bir rəfiqəsi qızı ilə birlikdə gəlirdisə, adəti
üzrə o, çalışırdı belə bir vəziyyətdə kənarda qalsın. Bu dəfə
də belə oldu. O, açarı təhvil verən kimi qaldığı
mehmanxanaya getdi.
Əvvəlki saatlara nisbətən müxbir çox yorğun idi.
Havanın qaralmasına baxmayaraq, turistlər hələ də bayırda
gəzişib, buradakı mənzərənin gözəlliyindən həzz alırdılar.
Hər şeyə diqqətlə yanaşan və buradakı hər bir incəliyi öz
beyninə həkk edən Əliyusif bir qədər dincəlib, diskotekaya
getməyi planlaşdırırdı. Necə olsa da, əsl istirahət hələ
bundan sonra başlayırdı.
Hələlik vaxtın asudəliyindən istifadə edən müxbir nout-
buku götürüb, öz işləri ilə bağlı əməliyyatlar aparmağa
başladı. O, eyni zamanda həm mədəniyyət, həm ədəbiyyat,
həm də incəsənət ilə materiallar toplayırdı. Lakin son gün-
lərdə müğənnilərlə bağlı toplanan materialların çoxluğu,
onu, özünə lazım olan məlumatlara və yaxud da vizual
görüntülərə, nəzər yetirməyə vadar edirdi.
On beş dəqiqə keçməmiş otağa iki nəfər daxil oldu;
onlardan biri 52-55 yaşlı ortaboy, həzin hərəkətli, bir qədər
dolu olan, uzunsifət, düz burun, sadə baxışlı, söhbətcil, saçı
ağarmış, lakin yaşına görə bir qədər gümrah görünən kişi, o
58
birisi isə ondan təxminən iki dəfə cavan olan, 19-20 yaşın-
da hündürboylu, arıq bədənli, çevik hərəkətli, qarayanız,
uzun sifətli, qalın qısa kəsilmiş saçlı oğlan idi. Onlar salam-
laşan kimi özlərini təqdim edib, masa arxasında əyləşdilər.
Hündürboy oğlan masanın üstündə olan elektroçayniki işə
saldı. Tanışlıq nəticəsində məlum oldu ki, Əliyusifin otaq
yoldaşı Qəşəm neftayırma zavodlarının birində əməliyyatçı
işləyir. Qəşəmin yanındakı oğlanın adı Ürfan idi və o, altı
aydan yuxarı idi ki, əsgərlik xidmətini başa vurmuş və
Bakıda fəaliyyət göstərən avtoservislərin birində elektrik
kimi çalışırdı. Qısa sorğu-sualdan sonra Əliyusif, Qəşəmin
uzun müddət Sibirdə yerləşən Baykal Amur Magistralının
(BAM) tikintisində iştirak etdiyinin və Sibirin tayqalarında
ağac hazırlanması kombinatlarında briqadir işlədiyinin,
Ürfanın isə avtoçilingər kimi çalışmasını öyrəndi.
Xasiyyətcə ürəyiaçıq olan Qəşəm söhbətcil olduğun-dan,
onların söhbəti xoş məcrada başladı.
- Azərbaycanın tarixi bölgələrini gəzərək, turizm
obyektlərini yoxlamaq və buna dair analitik sənəd toplamaq
çox maraqlıdır. – deyə Qəşəm ehtiramla dilləndi. – Çox
güman ki, belə bir müşahidə ilə sən, Azərbaycanın bütün
regionlarını qarış-qarış gəzmisən.
- Bir çox dostlarım məni səyyah adlandırırlar. – deyə
Əliyusif təbəssümlə dilləndi. – Hamısında olmasam da,
59
mənim bir çox rayonlarla tanışlığım var. İşimlə əlaqədar
olaraq, mən yay mövsümündə, bir ayın ərzində dörd-beş
rayonda oluram və hamısı ilə bağlı mən, xatirə kitabçamda
müvafiq qeydlər aparmışam.
- Ən gözəl təəssüratlar isə “Relax”la bağlı olacaq,
elədirmi? – deyə Qəşəm müxbirin fikirini öyrənmək üçün
maraqlandı.
- Demək olar ki, bəli. – deyə müxbir tərəddüd etmədən
dilləndi. - Mən hələ kompleksi əhatə edən meşə ərazisini və
ətrafda axan çayları nəzərdən keçirməmişəm.
- Əsl ekzotika elə meşənin içərisindədir. – deyə Ürfan
həvəslə dilləndi. - Oranın insan ayağı dəyməyən elə yerləri
var ki, adam lap heyran qalır. Dünəndən biz vaxtımızı
meşənin içərisində keçirmişik, sanki həmin yerlərə insan
ayağı dəyməyibdir. Kompleksin öz daxilində pələmə
deyilən yer var, oranın havası o qədər təmiz və sərindir ki,
xəstə adam bir neçə saat orada qalsa, o, sağlam vəziyyətdə
həmin yerdən uzaqlaşacaq.
- Mütləq buranın hər bir yerini, xüsusən də, çay kənarı
ərazilərini qarış-qarış gəzəcəm.
- İstəyirsiz, elə indi gedək pələməyə? – deyə Ürfan
istiqanlığını nümayiş etdirərək səmimiyyətlə dilləndi. -
Orada gözəl təravətli çay verirlər.
60
- Təklifə görə çox sağ ol, mən burada tək deyiləm. Anam
və qonşularım buradadırlar. Ola bilər, ərazini gəzdirmək
üçün mənim onlara köməkliyim dəysin.
- Elə biz də burada tək deyilik. – Qəşəm çaynikin qayna-
dığını görüb, bir dəfə istifadə olunan çayları stəkanlara atıb,
cəld hərəkətilə iki-üç dəqiqə ərzində hamıya çay hazır etdi.
– Biz buraya, işlədiyimiz müəssisədən böyük bir kollektivlə
gəlmişik.
- Adəti üzrə mən hər bir yerdə tək olmağı xoşlayıram. –
Əliyusif ehtiramla dilləndi. - Bir müxbir kimi mənim özü-
mə məxsus gəzmək üslubum var. Çünki gəzdiyim məkan
barəsində mənə dəyərli məlumatlar toplamaq lazımdır.
- İxtiyar sahibi özünsən. – deyə Qəşəm çaydan içərək,
təmkinlə dilləndi. – Onsuz da həftənin axırına kimi biz
buradayıq. Bir gün vaxt təyin edib, meşədə quzu ətindən
kabab çəkərik.
- Oradakı istirahətimiz xoş məcrada keçəcək. – deyə
hamıdan şən görünən Ürfan həvəslə dilləndi. - Musiqi də
olacaq. Mən çoxlu xalq mahnıları ifaçılarının və bir-iki
dənə də meyxana ustadlarının disklərini gətirmişəm.
- Burada günlər elə mənalı və şən keçəcək ki, otaqda
əyləşib hər hansı bir musiqiyə qulaq asmağa qəti olaraq
vaxt tapılmayacaq. – deyə müxbirin dodaqlarında istehza
dolu təbəssüm yarandı. – Adam yalnız tam taqətdən
Dostları ilə paylaş: |