Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- “Göy-göl”, “Nabran”, “Naftalan”, “Pirqulu”, “İsti-Su”
41 üçün qarşıda açılan yaşıl mənzərənin hüzurunda dayanmağa məcbur olurdu. Hər bir gözəlliyi lazımınca qiymətləndirməyi bacaran Əliyusif, Talış dağlarının qoynunda yerləşən həmin yüksək vadiyə daxil olan kimi, qarşısındakı bənzərsiz rəsm əsərini görəndə öz qibtəsini gizlətmədi və gələcəkdə pafosla səslənən şüara çevriləcək, fəlsəfi fikri ucadan söyləməli oldu: “Allahın Yer üzərində yaratdığı cənnətin daxilində insan öz zəkası, bacarığı və əməyi hesabına möcüzə yaradıbdır. Həmin möcüzənin adı “Relax”dır”. Ətraf boyu bir-birinin boynuna minmiş dağlar, dağlara yaşıl libas geydirmiş palıd, fısdıq, çinar, ağcaqayın ağaclı meşələr, yüksəkliklərin arasında dərin çökəklikdə açılan, sanki yerə sərilmiş ipək parçanı xatırladan yaşıl çəmənli vadi, bir qədər cənubda qərbdən şərqə doğru ziqzaq şəkilində şırıltı ilə axan şəffaf dağ çayı (bu Lənkəran çayının qolu idi) və şimalda, vadinin yuxarı hissəsində boz zolağlı ilanı xatırladan yolun cəngəllikdə yoxa çıxması, bu məkana möhtəşəm gözəllik verərək, hər bir yolçunun və ya bura təşrif buyuran mehmanın daxilində yaradıcı hissləri oyadırdı. Həqiqətən də vadiyə kim ayaq basırdısa, özündən asılı olmayaraq ilhama gəlirdi. Bu vizual görüntüdən heyrətə gələn Əliyusif ilğım əhatəsində olmadığını yəqin etmək üçün, həmin an özünə 42 belə bir sual verdi: “Görəsən, bu təbiət güldanını hansı bəxtəvər, özünün zövqlü baxışlarının vasitəsilə kəşf etmiş, kamalı, zəkası, fərasəti, bacarığı hesabına həmin güldanın içərisindəki ekibano gül dəstəsini ixtira edibdir?” Həmin kəşfin və ixtiranın sahibi “Relax”ın sahibi, yorulmaz fəaliyyəti ilə təbiət qoynunda möcüzə yaradan Hacı İqbal Məmmədov idi. O, burada aparılan abadlıq işlərinin həyata keçirilməsi üçün gündüzünü gecəsinə, gecəsini isə gündüzünə qatmışdı; gecə saat 12-də və ya 1- də yatır və sübh çağı altının yarısında yatağını tərk edirdi. Hacı İqbal nəhəng tikinti işlərinə rəhbərlik edə-edə daxilində yaranan yeni ideyaları həyata keçirir və yorulmaq bilmədən verdiyi səmərəli təkliflərin sayəsində yeni-yeni layihələr işləyib hazırlayırdı. Bir sözlə, onun işgüzarlığı, bacarığı, fərasəti və qətiyyəti nəticəsində yaratdığı bu məftunedici möhtəşəm istirahət kompleksinin səsi-sorağı respublikanın paytaxtı ilə yanaşı, digər bölgələrinə gedib çıxmışdır. Ümumiyyətlə, bu yerin tapılmasında Hacı İqbal ömrü- nün bir neçə ilini itirmişdi. Azərbaycanda “Göy-göl”, “Nabran”, “Naftalan”, “Pirqulu”, “İsti-Su” (Masallıda) kimi kurort mərkəzləri vardı. O, çalışırdı ki, insan aləmi üçün kəşf edəcəyi ərazi, öz unikallığı ilə başqalarından seçilsin, yəni yayın qızmar istisində orada sərin olsun, 43 ağcaqanadlar, milçəklər və başqa həşaratlar gözə dəyməsin, ən əsas isə rütubətdən bir əsər-əlamət olmasın. Halbuki Nabranda yerləşən bütün istirahət komplekslərini rütubətli hava öz cənginə almış və bununla da turistlərin uzun- müddətli istirahətinə böyük maneəçilik yaradırdı. Talış dağlarında qışda havanın sərt və şaxtalı keçdiyi bir vaxtda, burada havanın mülayim olması, qarlı havada xizək idmanından istifadə olunmasına əlverşli şərait yaradırdı və bu da bacarıqlı təşkilatçının əsas planlarından biri sayılırdı. Paralel olaraq vadinin şərq hissəsində daha böyük, daha möhtəşəm istirahət kompleksinin ikinci sektoru tikilirdi və qrafikə əsasən, həmin hissə gələn ilin yayına qədər turistlərin ixtiyarına veriləcəkdi. Bu torpaqda müxtəlif vaxtlarda tanınmış insanlar olub- dur. Onlardan biri dünya şöhrətli dahi fransız yazıçısı Aleksandr Düma Lerik meşələrindən keçərək Hovil kəndin- də olmuş, öz əsərlərində bu kəndin eskizlərini çəkmiş, bu diyarın gözəlliklərini vəsf etmiş, əhalinin qonaqpərvərliyin- dən, məşğuliyyətindən geniş yazmışdır. Demək olar ki, Hacı İqbal öz istəyinə nail olmuşdu. Əlverişli coğrafi mövqedə yerləşən, təbii gözəlliyinə görə heç bir istirahət kompleksindən kənarda qalmayan bir vadi tapılmış və titanik zəhmət nəticəsində insanın rahat şəkildə istirahət və dincəlməsi üçün, bütün şərait yaradılmışdı. 44 Xidmət servisi isə xadimədən və mühafizəçidən tutmuş administratora kimi yüksək səviyyədə təşkil olunmuşdu. Deyilən sözlər öz təsdiqini tapmışdı, bura gələn insan tezliklə geri qayıtmağa səy göstərmirdi. Əliyusifin yadına düşəndə ki, üç gündən sonra o, Bakıya qayıdacaq, bənizindəki heyranlıq hissi qüssə ilə əvəzləndi. Lakin nə etmək olar, o, işi ilə əlaqədar olaraq vaxtında öz iş yerinə qayıtmalı idi. Əliyusif körpünün yanındakı meydançanı növbəti dəfə dövrə vurmaq istəyəndə birdən onun mobil telefonundakı xoş melodiya səsləndi. Zəng edən onun qonşusu Arif idi. O, salamlaşan kimi nə lazım olduğunu soruşdu. - Əli, sənin üçün növbəti sifarişim var. – deyə əks tərəfdən səs eşidildi. - Nabranda istirahət etmək üçün dörd nəfərlik yer təşkil etməlisən. - Ailə üzvləri üçün? - Həmişəki kimi. Amma çalış, kottec dənizdən xeyli aralıda, meşənin içərisində olsun. Onsuz da burada olarkən çimərliyə gedirik. - Elədirsə, mən sizin üçün Nabrandan da yaxşı yer təşkil edim, amma yol bir qədər uzundur. - Balakəni, Zaqatalanı, Şəkini nəzərdə tutursansa, mən oralarda çox olmuşam. Nabranın meşəsində dincəlmək istəyirəm. Yüklə 1,78 Mb. Dostları ilə paylaş:
|