Ramiz Dəniz
Yüklə 1,78 Mb. Pdf görüntüsü
|
37 axan, köklü azərbaycanlı kübar ailəsində tapmaq mümkündür. Bu isə əlçatmaz bir məqsəddir. - Əli, bu məsələdə mən sənə yardımçı ola bilərəm. Mənimlə işləyən bir rəfiqəm var. Sən onu yaxşı tanıyırsan. Qənirə xanımı deyirəm. - Ana, bir dəfə sən Mədinəni öz rəfiqənin oğlu ilə tanış etmişdin. – deyə üz-gözünü turşudan jurnalist narazı halda dilləndi. - Gördün, axırı necə oldu? Sən qiyabi tanıdığın oğlan barəsində yüksək fikirdə idin. - Bu barədə mən yanlışlığa yol vermişdim. Çünki həmin rəfiqəmin oğlu ilə heç vaxt üzləşməmişdim. Sadəcə olaraq mən, rəfiqəmin öz oğlu barəsində söylədiyi yalan sözlərinə inanmışdım. Qənirə isə çox yaxın rəfiqəmdir və demək olar ki, o, mənim sirdaşımdır. Hər iki qızını isə mən dəfələrlə görmüşəm, hətta Mədinə ilə birlikdə onların ad günlərində də iştirak etmişəm və onların hansı xasiyyətə malik olmalarından xəbərdaram. - Ana, bilirəm də sən onların xasiyyətinə necə bələdsən. – deyə oğlan bezikmiş halda dilləndi. - Elə Mədinə üçün də həmin nadürüst oğlanı elə reklam etmişdin ki, yazıq qız sənin səmimiyyətinə inanmışdı. - Sənə dedim axı, həmin məsələdə mən yanlışlığa yol vermişdim. Amma Qənirə xanımın hər iki qızını demirəm, söhbət yalnız onun ikinci qızı Gülnarədən gedir. Gülnarə öz 38 yerini bilən, əsl azərbaycanlı qızlara xas olan bir xasiyyətə malikdir. Rəssamlıqla məşğuldur, gözəl rəsm əsərləri çəkir. Bundan əlavə onda qeyri-adilik, mən deyərdim ki, daxilində hansısa, gizlin saxladığı bir istedad var. - Ana, mən istərdim ki, hər şey sənin dediyin kimi olsun, amma həyatda hər şey istənilən kimi olmur. Adəti üzrə rəssamlıqla məşğul olan adamların həyat tərzi, başqa adamların gündəlik həyat tərzindən seçilir. Onların yaratdıqları rəsm əsərləri, bütün maddi nemətlərdən, hətta ailənin taleyindən belə üstün olur. Ona görə də rəssamların ailə ittifaqı daimi və ya uzun müddətli olmur. - Gülnarəni görəndən sonra sənin rəssamlar barəsində olan fikrin dəyişəcək. O, elə bir əxlaq sahibidir ki, kim onunla bir dəfə ünsiyyət yaradırsa, inan qızdan ayrılmaq istəmir. Heç olmasa bir dəfə onunla görüşsən, onda görərsən ki, mənim sözlərim həqiqətdir. Elə bilmə Gülnarə səninlə təsadüf nəticəsində ünsiyyət quracaq. Mənim və Qənirə xanımın iştirakı olmasa, qız səni öz yaxınlığına buraxmayacaq. Sənə əvvəlcədən bildirmək istəyirəm ki, Gülnarə üçün elçi düşmək istəyən oğlanların sayı günü-gündən artır, lakin həmin adamların xarakter- lərində olan müəyyən qüsurlara görə, qız həmin adamları özündən uzaqlaşdırır. Onun ürəyini fəth etmək o qədər də asan iş sayılmır. 39 - Nə deyirəm ki, bir dəfə vaxt tapıb onunla görüşərəm, amma ürəyimə yatan olmasa, mən özüm fərdi şəkildə sənin üçün gəlin axtaracam. - Sözləşdiyimiz kimi, sən yayın əvvəlində bizim üçün, ağız dolusu təriflədiyin “Relax” istirahət kompleksinə dörd nəfərlik yer təşkil et. Yeri təşkil edən kimi mənə xəbər verərsən, mən də biletin pulunu ödəmək üçün həmkarlar təşkilatına müraciət edim. Elə oradaca, səni Gülnarə ilə tanış edərəm. Tanış olmaq üçün bundan əlverişli variant görmürəm. - Söz verirəm ki, yaxın günlərdə, mən “Relax”a gedib, sizin biletlərinizi hazır edəcəm. Onların arasındakı dialoq başa çatan kimi Əliyusif qardaşı üçün hazırlanmış yeməyi götürüb, qonşuluqda yerləşən bağa yollandı. 40 IV fəsil. Əliyusif arzuladığı məkana qədəm qoyur Əliyusifin olduğu turist avtobusu Lənkəran-Lerik yolu- nun 34-cü kilometrliyində yerləşən, Lənkəran çayının üzərindəki körpünün üstündən keçib, nəzərdə tutulan istirahət mərkəzinə daxil oldu və sola burulan yol ilə (sağ istiqamətində uzanan yol buradan 5 km. aralıda yerləşən Almu kəndini Lənkəran-Lerik yolu ilə birləşdirirdi) 30-40 metr gedib, mühafizə postunun ağzında qoyulmuş şlaqbau- mun qarşısında dayandı. O, avtobusdan düşüb şlaqbaumun yanında dayanan mühafizəçidən istədiyi ünvanı soruşmaq əvəzinə, ətrafda tüğyan edən təbii mənzərənin gözəlliyinə tamaşa etməyə başladı. “Relax” İstirahət və Əyləncə Mərkəzinin yerləşdiyi yer zövqündən asılı olmayaraq, füsunkar gözəlliyinə və möhtəşəmliyinə görə hər bir insanı valeh edirdi. Xoş ətirli çay bitkisi, limon, mandarin, portağal, feyxoa, kivi və başqa sitrus bitkiləri ilə məşhur olan Lənkərandan gələn yol dağlar arasından burularaq, gah yuxarı qalxır, gah da aşağı enir, nəticədə isə məftunedici bir vadiyə daxil olub, orada yol gedən insanların diqqətini özünə cəlb edirdi. Təbiət gözəlliyindən xüsusi zövq alan hər bir bəndə, Tanrı tərəfindən yaradılan bu, füsunkar gözəllikdən həzz almaq Yüklə 1,78 Mb. Dostları ilə paylaş:
|