Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- V fəsil. Asudə vaxtdan səmərəli istirahət etmək istəyən turist
49 etmək üçün lazımi qədər qab-qacaq vardı. Bir sözlə, adam bu kottecdə restorana və ya yeməkxanaya getmədən öz evindəki kimi uzun müddət yaşaya bilərdi. V fəsil. Asudə vaxtdan səmərəli istirahət etmək istəyən turist Əliyusif divanda əyləşən kimi televizorun pultu ilə mavi ekranı canlandırdı. Səhər vaxtı olduğundan demək olar ki, bütün kanallarda əyləncəli verilişlər gedirdi. Yenə eyni surətlər, eyni mahnılar, eyni hərəkətlər və eyni özünütərif görüntüyə gəlirdi. Əqli cəhətcə inkişaf etmiş insanı isə bezikdirən o hal idi ki, özündən müştəbeh halda razı olan müğənnilər açıq-saçıq geyinərək, pafosla danışır və ifa etdikləri bayağı mahnıları fonoqram vasitəsilə tamaşaçılara sırıyırdılar. Şübhəsiz olaraq, belə bir görüntülər yetişməkdə olan cavan nəslin tərbiyəsinə və dünyagörüşünə mənfi təsir göstərirdi. Ən dəhşətlisi isə o idi ki, özlərini naşı redaktor- ların sayəsində camaat arasında tanıtdıran müğənnilər bir- birilərini azərbaycanlı kişisinə və qadınına yaraşmayan ən çirkin şəkildə təhqir edir, işlədilən sözlər nəticəsində barışı- 50 ğa yer qoymurlar. Ləyaqəti, şərafəti və cəmiyyət arasında hörməti olan hər bir əqidəli, qürurlu müğənni söyüb- batırdığı və yaxud da söyülüb-batırıldığı adamla barışmaz. Amma həmin adamlar müəyyən müddətdən sonra əks tərəflə barışaraq, özlərini gülünc vəziyyətə qoyurlar. Əlbət- tə ki, belə şounu böyük arenalarda sirk artistləri göstərməyi bacarırdı. Bu cür hallar yaşlı nəsilin nümayəndələrini hövsələdən çıxardırdı. Kottecin qonağı yaşlı nəslin nümayəndəsi olmasa da o, bu verilişdən zinhara gəlirdi. Belə bir görüntüyə heç dözümü olmayan Əliyusif zinhara gələrək televizoru söndürdü. Müxbir – “Aman Allah, bu millət hara gedir” – deyərək, ayağa qalxdı və əsəbi halda otaqdan çıxıb kottecin küləfirəngisində əyləşdi. Buradan yoldan keçənləri, meydançalarda gəzişənləri və uşaq meydançasından sağ tərəfdə açıq meydançada işləyən fəhlələri rahat görmək olurdu. Çevik hərəkətlərindən, sürətli işləmələrindən ayırd etmək olardı ki, onlar qısa müddət ərzində tapşırılan işin öhdəsindən gəlməlidirlər. Əliyusif bir jurnalist və təbiəti sevən romantik insan kimi, bu kompleksdəki bütün şəraitlə tanış olmaq istəyirdi ki, qonaqlar gələndə çətinlik çəkmədən kompleksin ərazi- sini onlara göstərə bilsin. O, bir qədər istirahət edəndən sonra istirahət kompleksinin ərazisində gəzişməyə başladı. 51 Müxbir hara gedirdisə, qarşısındakı dərə ilə axan Lənkəran çayının sahilində, açıq hovuzda, “Aquapark”ın yanında qurulmuş diskotekalardan səslənən şən musiqilərin havala- nan melodiyaları eşidilirdi. Musiqi sədaları sanki insanı dağların zirvəsinə qaldırıb aşağı endirirdi. Kompleksin əsas diceyi Şakir yanında bir aparıcı ilə birlikdə çayın kənarındakı diskotekada, oradakı qonaqlar darıxmasın deyə viktorinalar keçirir, ondan sonra isə “Aquapark”ın yanındakı diskotekada əsl musiqili şou nümayiş etdirirdi. Şakiri kompleksə istirahətə gələn hər bir turist tanıyırdı. Ona görə ki, o, hər gün küləfirəngidə nahara gələnlərə, Lerikin baxmalı yerlərinə, Astara rayonunda yerləşən istirahət kompleksinə və Piran kəndi yaxınlığında balıq ovuna dəvət etmək üçün “Yeddi göl” adlanan yerə ekskursiyalar təşkil edirdi. Əliyusif asudə vaxtından istifadə edərək, öz yol kitabça- sında müəyyən qeydlər aparmağa başladı. Onun qaldığı mehmanxanadan şərq istiqamətinə gedəndə orada da çoxlu tikililərlə üzləşmək olurdu. Əsasən, üç cərgədə yerləşən cürbəcür kottecləri göstərmək kifayətdir ki, adam həmin əraziyə daxil olan kimi özünü sanki İsveçrənin və ya Avstriyanın hansısa bir kiçik şəhərində hiss edirdi. Burada hökm sürən bənzərsiz səliqə-sahman, ekzotik ağacların, güllərin, kolların zövqlə əkilməsi kompleksdə hökm sürən 52 əsl qayda-qanundan, nizam-intizamdan, estetik mədə- niyyətdən xəbər verirdi. Maraqlı o idi ki, sıra ilə tikilən kotteclər və onların arasında salınan yol elə qurulmuşdu ki, nə yoldan keçən adam, nə də ki, üzbəüz kottecdə qalan qonaq o biri kottecdə olanları görmürdü. Çünki girişi olan kottecin istirahət otağının pəncərələri o biri tərəfdə idi və əks tərəfdəki kottecin qonaq otağı ikinci mərtəbədə yerləş- diyindən orada istirahət edənləri görmək mümkün deyildi. Bir sözlə, bu çox nadir və ağılla qurulan bir proyekt idi və belə bir arxitektura stili, başqa istirahət komplekslərində tətbiq olunmamışdı. Müxbir buranın hər bir yerini özü üçün kəşf edəndən sonra, günorta yeməyini qəbul etməkdən ötrü böyük Külə- firəngi-restorana getdi. Əliyusif o qədər acmışdı ki, payına düşən bütün yeməkləri yeyib, oranın yaxınlığındakı pillə- kanla üzüaşağı düşdü və bir qədər gedəndən sonra yaradı- lan süni göldə qayıq gəzintisinə çıxdı. O, özü üçün münasib qayıq seçib, gölün içərisində dövrə vurmağa başladı. Müx- birdən əlavə, burada bir neçə adam var idi ki, onlar öz uşaq- larını əyləndirmək üçün gölün sahilində var-gəl edirdilər. Buradakı gəzintidən böyük həzz alan Əliyusif mehmanxanaya qayıtmaq fikrinə düşdü, lakin bunun üçün o, başqa bir marşrut seçdi. Jurnalist şərq istiqamətinə doğru uzanan yol ilə gedərək, diskoteka qurulan meydanın Yüklə 1,78 Mb. Dostları ilə paylaş:
|