81
hazırda onun ürəyindən təbiətin qoynunda yeyib-içmək
keçir. Özü də həmin pişvazı o, bizim üçün təşkil etmək
istəyir.
- Əlbəttə! – deyə Nurlan atasının yanında əyləşən bu
ziyalı kişiyə istehza dolu nəzərlərini yönəldərək hərarətlə
dilləndi: – Mən təklif edirəm ki, bu gün münasib vaxt təşkil
edib, buradakı gölə gedib, orada balıq kababı təşkil edək.
- Mən razı, bəs göldə olan balıqları tutmaq üçün kimə
müraciət etmək lazımdır.? – deyə Fikrət müəllim soruşdu.
- Narahat olmağa dəyməz, mən oradakı vəziyyəti öyrən-
mişəm. – Nurlan sakit tərzdə dilləndi. – Tutulan hər balığın
həm növünə, həm də ölçüsünə görə öz qiyməti var. Mənə
elə gəlir, vaxtmızın bir neçə saatını orada keçirməyə dəyər.
- Nə olar, mən razı. – deyə Arif tərəddüd etmədən
dilləndi. – “Relax”dakı balıq ovu xatirəmizdə silinməz
izlər qoyacaq.
Ondan sonra onlar münasib vaxt təyin edib, buradan
uzaqlaşdılar. Hələlik isə onlar hərəsi bir yana gəzintiyə
çıxdı.
82
VIII fəsil. Qeyri-adi mənzərə
Əliyusif bir saata qədər ərazidə gəzişəndən sonra
kanyonun üzərində salınan pələməyə tərəf getdi.
Allah istədiyi şəxsə səadət verir, heç kim deyə bilməz ki,
xoşbəxtlik onun üzünə güləndə həmin xoşbətlik öz bacarığı
sayəsində əldə edilibdir. Halal zəhmət nəticəsində əldə
olunan bəhrə, həqiqi mənada insanı xoşbəxt edə bilər.
Məhz həmin insan həmin bəhrə ilə öyünərək, hamı
qarşısında nəyə qadir olduğunu sübuta yetirir.
“Relax”ın məşhur pələməsi istirahət kompleksinin qərb
yamacında yerləşirdi. Oranın girəcəyində kənd yerlərində,
hələ keçən əsrdə, bəlkə də ondan əvvəlki dövrdə də
məişətdə istifadə olunmuş əşyalar və at arabası qoyulmuş-
du. Buraya gələnlər özlərini keçmişdəki kimi hiss edir və
elə zənn edirdilər ki, burada zaman dayanıbdır.
Dərin dərənun üstündə salınmış pələmə döşəməsi üzünə
həsir, xalça, nalça və mitətkələr sərilmişdi. Buranın çox
qəribə xüsusiyyəti vardı. “Relax”ın mərkəzi meydanında
havanın hərarəti 40 dərəcədən çox olanda belə, burada sərin
hava hökm sürürdü. Sanki pələmənin ətrafında böyük bir
təbii kondensioner işləyirdi. İş ondadır ki, istirahət
mərkəzinin cənub sərhədi ilə Talış dağlarından daşan ensiz,
lakin sürətli soyuq çay keçirdi. Ziqzaq şəklində daşan
83
suyun hərarəti o dərəcə soyuq idi ki, kanyonda yaranan
soyuq hava kütləsi yuxarı qalxaraq, pələmənin ətrafında
yazda olduğu kimi sərin hava əmələ gəlirdi. Bundan əlavə
dərədən ucalan hündür, qocaman ağacların enliyarpaq
budaqları baş əyərək, çətir kimi qızmar günəşin şüalarının
qarşısını alırdı.
Əliyusif pələmənin arxa tərəfində yerdə oturub, mitətkə-
yə dirsəklənmişdi və başını aşağı dikərək, oradan dərədə
axan çaya tamaşa etməyə başladı. Çoxillik ağacların mamır
basmış gövdələri, qırmızı kitaba düşmüş nadir bitkilər və
məşhur dəmir ağacı, palıd meşəsi insan ruhuna sakitlik
gətirirdi. Buranın təbiəti daha əzəmətli və möhtəşəm idi.
Ağacların və cürbəcür bitkilərin zənginliyi, əlvanlığı estetik
gözəlliyi özündə ehtiva edərək, ətrafda nağıllar aləmi yarat-
mışdı. Müxbir burada özünü təbiətlə ahəngdə, ünsiyyətdə
hiss edirdi.
İstirahət kompleksində olan turistlər orada yaradılan
bütün şəraitdən səmərəli istifadə etmək üçün vaxtın
əksəriyyətini bayırda keçirirdilər. Ürəyindən cərrahiyyə
əməliyyatı keçirən Arif də qohumu Fikrət ilə birlikdə rahat
istirahət etmək üçün, birbaşa buraya gəlmişdi. Təsadüf
nəticəsində Əliyusif də gəlib buraya düşmüş və qonşuları
ilə görüşmək qərarına gəldi.
84
Bir qədər sağ tərəfdə, 19-21 yaşında ortaboylu, yumru-
sifət, gözəl çöhrəli bir qız nalçanın üstündə əyləşmiş və o,
da Əliyusif kimi üzünü çaya tərəf tutub, nəsə haqda
düşünürdü. O, başqalarından fərqli olaraq, idman paltarında
yox, mavi rəngli enli şalvarda və atlas parçadan tikilmiş
göy rəngli köynəkdə idi və bu libas onun xarici görünüşünə
xüsusi yaraşıq verirdi. Ondan başqa burada 3-4 ailə də out-
rub, istirahət edə-edə xoş söhbət aparırdılar. Onların
əksəriyyəti bir şirkətdə, bir müəssisədə çalışdığından bir-
birilərini yaxşı tanıyırdılar. Lakin çaya tamaşa edən qız on-
ların heç birisinə qarışmayaraq, sakitcə yerində oturmuşdu.
Əliyusif həmin qızı bir ortayaşlı yaraşıqlı xanımla
birlikdə, səhər tezdən böyük küləfirəngidə nahar yeyərkən
görmüşdü. Küləfirəngidəki məsafə böyük olduğundan o,
həmin qızın çöhrəsini yaxşı süzə bilməmişdi. Amma indiki
məqamda məsafə qısa olduğu üçün müxbir, həmin qızın
füsunkar gözəlliyə malik olan çöhrəsini diqqətlə seyr etdi
və bu gözəlliyin qarşısında mat-məəttəl qaldı. Əliyusifin
marağına səbəb olan o idi ki, hədsiz dərəcədə gözəl olan qız
çox tərbiyəli, mədəni, əxlaqlı bir xanım kimi özünü
aparırdı. İş ondadır ki, o, ətrafında müəyyən adamların
olmasına baxmayaraq, nəzərlərini yalnız aşağı dikərək, bu
dərin dərənin dibi ilə axan çayı seyr edirdi.
Dostları ilə paylaş: |