Ramiz Dəniz
Yüklə 1,78 Mb. Pdf görüntüsü
|
113 - Sən yaxanı kənara çəkmə, mən səni sadəcə olaraq, rəfiqəmin qızı ilə tanış etmək istəyirəm. Tanışlıqdan boyun çəksən, mənim xətrimə dəymiş olacaqsan. O, başqa qızlara oxşamır və qeyri-adi xasiyyəti ilə öz yaşıdlarından seçilir. - Allah onu xoşbəxt eləsin. Amma sənə bəri başdan deyirəm, mən siz olan kottecə girib orada qızla tanış olmayacağam. Haradasa, münasib bir yerdə, qoy mən onu kənardan süzüm. Xoşuma gəlsə və ya gəlməsə, mən öz fikrimi sənə bildirəcəm. - Elədirsə, elə indi vaxt itirmədən, pələmənin yanından meşəyə tərəf uzanan cığır ilə 50-60 metr gedib, qızı orada gör. İndi qız orada kompleksə axan çayın şəklini çəkir. Gülya sərtlik göstərsə, mənim adımı verərsən. Çünki o, sənin, mənim oğlum olduğunu bilmir. - Bu barədə narahat olma. Necə lazımdırsa, bütün etiket qaydalarına riayət edərək, mən onunla söhbət edəcəm. Əliyusif son ifadəni giley-güzarla işlədərək, tələsmədən pələmə istiqamətində buradan uzaqlaşdı. Bu vaxt Gülnarə pələmədən qabaqda, yəni meşə istiqaməti ilə gedən cığırdan sol tərəfdə yarğanın üstündəki talvarın içərisində, növbəti rəsm əsərini yaradırdı. Ştativ üstündə qoyulan tablo üzərindəki şəkilin yarısından çoxu hazır idi. Rəssamlıqla ciddi məşğul olan qız, burada əsasən, 114 kanyon ilə daşan çayı və ona baş əyən ağacları öz əsərində əks etdirirdi. Gülnarə müxbirin qiyabi tanıdığı həmin naməlum qız idi. Onun əynində atlas parçadan tikilmiş dizdən aşağı paltar vardı. Bir neçə parıltılı rəngin süzüldüyü belə bir paltarı, uzaq şərqdə çin və yapon qızlarının əynində görmək olardı. Gülnarənin qara seyrək saçları çiyninə tökülmüşdü. Bu vaxt onun yanına, Əliyusifin bir saat əvvəl anası ilə rəfiqəsinin yanında böyük küləfirəngiyə gedən həmin, mavi rəngli brici şalvar və eyni rəngli qısa qol köynək geymiş qız gəldi. Arxadan gələn qız rəssama arxadan yaxınlaşıb onu qucaqladı və giley-güzarla onun kef-əhvalını soruşdu. - Gülarə, sən xeyir ola bura gəldin? – deyə rəssam qız müəmmalı tərzdə soruşdu. - Bacım üçün darıxmışdım, ona görə də gəldim. Onların bir-birilərinə bacı olmasından Əliyusif xəbərsiz idi. Bacıların birinin Gülarə, o birisinin isə adı Gülnarə olduğundan, anaları həmişə onları “Gülya” deyib çağırırdı. Qızlar söhbət etmək üçün talvarda oturdular. Gülarə öz söhbəti ilə bir qədər bacısının diqqətini yayındırandan sonra əllərini çarpazlaşdırdı və çiyinlərini ovuşdura-ovuşdura dedi: - Bura yaman sərindir və bir qədər soyuqluq var. Sənə soyuq deyil? 115 - Sən gələnə kimi dözürdüm, - deyə qız sakit halda dilləndi və o, da əlləri ilə bədənini sıxaraq həmin tərzdə sözünə əlavə etdi. - amma indi hiss edirəm ki, üşüyürəm. - İstəyirsən, gedim sənə idman gödəkçəsini gətirim? – deyə bacısı təklif etdi. - Səni əziyyətə salmaq istəmirəm, kottecə qədər yol uzundur, həm də kofe hazırlayıb termosda gətirərəm ki, özümüz üçün burada qızınaq. Gülarə etirazını bildirmədi. Onun üçün istirahət kompleksinin belə bir ekzotik yerində, təbiətlə təkbətək qalmaq sevindirici hal sayılırdı. Rəssam qız buradan uzaqlaşdı. Təxminən həmin vaxt küləfirəngidən ayrılan Əliyusif, pələmədən sağ istiqamətdə uzanan cığıra yaxınlaşmaq istəyirdi ki, birdən meşə tərəfdən həmin cığır ilə gələn, bir gün əvvəl tanıdığı, lakin adını bilmədiyi, pələmədə təcavüzə məruz qalan qız ilə üzləşdi. Həsrətlə axtardığı qız müxbirin qarşısında olsa da, birdən-birə onun dili tutuldu. Özündə cəsarət tapan Əliyusif, qeyri-ixtiyari olaraq, ayaq saxlayıb, çəkinə-çəkinə həmin qıza salam verdi. Qız da salam verərək, ayaq saxlamadan yolunu davam etdirdi. Pələmədə bir neçə adam olsa da, Əliyusif heç kimə məhəl qoymadan, dönüb arxadan, həmin naməlum qızın vücudunu gözdən itənə qədər süzdü. O, hətta istədi qızın ardınca 116 gedib, onun hansı kottecdə və ya mehmanxanada qaldığını öyrənsin. Lakin son məqamda ayaq saxlayıb, qızın gəldiyi cığır ilə yolunu davam etdirdi. Müxbir cığır ilə 60 metrəyədək yol gedib, oradan 10 metr sola burulan yolda, kanyonun üstündə tikilmiş talvar gördü. Həmin talvarın içərisində ştativ üstündə tablo qoyulmuşdu və bir qız həmin tablonun qarşısında dayanıb, orada çəkilən rəsm əsərini nəzərdən keçirirdi. Qız arxası oğlana tərəf olsa da, Əliyusif onu tanıdı. Bu Qənirənin yanında gördüyü qız idi. Qız arxadan gələn addım səslərini eşidən kimi cəld həmin səmtə dönüb, qorxmuş halda Əliyusifə nəzər saldı. Ortaboylu olan qız azacıq kök, atletik bədənli, uzunsifətli, enli burunlu, balaca gözlü, qalın qaşlı, o qədər də yaraşıqlı deyildi. Amma hərəkəti və baxışları ilə müəyyən mənada cəlbedici görünürdü. Qalın qara saçları abadokla sıxılmış və boynuna tökülmüşdü. Onda rəssamlara uyğun sərbəstlik vardı. Əliyusif salam verib talvarın içərisinə daxil olmaq istəsə də, Gülarə onun gəlişindən narazı idi və üz-gözünü turşudub, nə lazım olduğunu soruşdu. Müxbir qızı sakitləşdirmək üçün anasının adını verdi və tablodakı mənzərəyə təəccüblə nəzər sala-sala həvəslə dedi: Yüklə 1,78 Mb. Dostları ilə paylaş:
|