Ramiz Dəniz
Yüklə 1,78 Mb. Pdf görüntüsü
|
109 bundan sonra telefon nə vaxt zəng çalacaqsa, həmin an burada olan qızın füsunkar gözəlliyə malik olan çöhrəsi onun gözləri önündə canlansın. Oğlan onun baxışlarından o dəqiqə müəyyən etdi ki, bu dünyada özünü azad quş kimi hiss edən qız hərtərəfli olaraq, ətrafdakı məftunedici təbiətə, bütün varlığı ilə aşiq olubdur. Bir növ onun özünü əsl romantik insanlar kimi aparmasından xəbər verirdi. Əliyusif gördü ki, qız çörək yemək üçün böyük küləfirəngiyə tərəf gedir. O, da aşağı düşüb, qızın ardınca həmin istiqamətdə hərəkət etmək istədi. Lakin bu vaxt anası, rəfiqəsi və rəfiqəsinin qızı solda yerləşən kottecdən çıxıb, başqaları kimi böyük küləgirəngiyə tərəf üz tutdular. Xədicə ilə istirahətə gələn qız bir qədər geridə qaldığından rəfiqəsi dedi: - Qızım Gülya, yubanma, gəl bizə çat. Mavi rəngli brici şalvar və eyni rəngli qısa qol köynək geymiş ortaboylu qız, anasının dediyinə tez reaksiya verərək, addımlarını sürətləndirdi. Qara uzun saçları çiyninə və alnına töküldüyündən onun bənizi görünmədi. Onların birlikdə olduğunu görən Əliyusif ayaq saxladı və vaxtı uzatmaq üçün öz otağına yollandı. İş ondadır ki, o, çox yaxşı bilirdi ki, anası, yanında gələn rəfiqəsinin qızını ona almaq istəyir, amma buna baxmayaraq, Əliyusif bu 110 izdivaca kəskin müqavimət göstərirdi. Məhz buna görə də o, qadının yanında olan qıza tərəf, gözucu da olsun nəzər salmadı. Çünki hal-hazırda onu, burada gördüyü əsrarəngiz xarakterli qız maraqlandırırdı. Bir anın içərisində naməlum qız turistlərin arasında əriyib yoxa çıxdı. Əliyusif elə zənn etdi ki, müəyyən mənada məftun olduğu qız, kompakt şəkildə olan kollektivlə bir yerdə hərəkət edirsə, deməli o, da Neft Şirkətinin işçisidir. Günorta yeməyinin başlanmasının üstündən yarım saatdan bir qədər artıq vaxt keçirdi. Turistlərin bir hissəsi yavaş-yavaş böyük küləfirəngidən uzaqlaşmağa başlayırdı. Əliyusif həmin qızı görmək üçün mehmanxananın eyvanına çıxdı. Kütlənin içərisindən öz istədiyini arayan müxbir onu görə bilmədikdə elə zənn etdi ki, qız hələ də günorta yeməyini yeməkdədir. Son vaxtlar səbirsiz görünən Əliyusif, tənhalığa tab gətirə bilməyib, dərhal aşağı düşdü və vaxt itirmədən mərkəzi meydança ilə böyük küləfirəngi istiqamətinə yollandı. O, istədiyi yerə çatanda orada on-on beş nəfər adam, o cümlədən, anasını gördü. Xədicə rəfiqə- silə əyləşib çay içirdi. Lakin həmin qız masa arxasında əyləşənlərin arasında yox idi. Qənirənin qızları yemək yeyən kimi bir başa meşəyə yollanmışdılar. Əliyusif onlardan bir qədər aralıda masa arxasına keçib, günorta yeməyini sifariş etdi. Bir neçə 111 dəqiqə keçəndən sonra rəfiqələr buradan uzaqlaşdılar. Müxbir buradakı turistləri seyr edə-edə günorta yeməyini yeməyə başladı. Bir anlığa onun gözü kotteclər tərəfdə hərlənən Akifə sataşdı. Natiqin sürücüsü olan həmin oğlan ətrafını nəzərdən keçirə-keçirə 105 saylı kottecə daxil oldu. Onu tanımayıb kənardan izləyənlər olsa, elə zənn edərlər ki, Akif həmin kottecə oğurluq məqsədilə girir. Əliyusif mimoza salatı yediyi zaman anası zəng edib, onun harada olduğunu soruşdu. O da harada olduğunu bildirən kimi Xədicə oraya gəldi. Artıq Əliyusif yeməyini başa çatdırmaq üzrə idi. O, dərhal anası üçün çay gətizdirib, stəkanları doldurdu. Xədicə oğlunu süzə-süzə mehribancasına dedi: - Əli, Qənirə xanımı tanıyırsan da, necə adamdır? O, mənim ən yaxın, hətta sirrlərimə bələd olan rəfiqələrimdən biridir. - Bunu bilirəm və mən çox şadam ki, bu istirahət sənin ürəyindəndir. - Bu dəfə o, öz qızları ilə birlikdə istirahətə gəlibdir. - Bunu da bilirəm. - Mən istərdim ki, sən bizim kottecə gəlib onun qızları ilə tanış olasan. - Ana, bu etiket qaydalarına uyğun deyil. Qənirə xanım mənim haqqımda nə fikirləşər? 112 - Məhz etiket qaydalarına uyğun olaraq, mən bu təklifi edirəm. Həm də istəyirəm ki, yüksək ailə mədəniyyəti görmüş, nümunəvi ailə tərbiyəsi almış, nəhayət gözəl simaya malik olan qızı Gülnarə ilə bir qədər yaxından tanış olasan. - Bilirdim ki, sən belə bir təkliflə mənə yaxınlaşacaqsan. Sən özün çox yaxşı bilirsən ki, mən hər qızla ünsiyyət qurmuram və istəmirəm ki, sonradan yaranacaq soyuq münasibətə görə Qənirə xanım məndən incisin. - Oğlum, sən də bilirsən ki, hər qız mənim xoşuma gəlmir. Amma Gülnarəyə söz ola bilməz. Qızın xasiyyətinə yaxından bələd olandan sonra, elə hey istəyəcəksən ki, saatlarla onunla ünsiyyət qurasan. Xüsusən də, vurğulamaq istəyirəm ki, o, çox danışmağı xoşlamır. Heç kim də zəmanət verə bilməz ki, qızın səndən xoşu gələcək. İnanırsan, nə qədər oğlan onunla tanış olmaq, onun gözəl bənizinə baxıb zövq almaq üçün hansı variantlardan istifadə edirlər? Amma qız onların hamısını inkar edərək öz aləmi ilə yaşayır. Gülyanı pul, varidat maraqlandırmır, o, yalnız daxilində kök salmış mənəvi gözəlliyə malik olan oğlan qarşısında aciz ola bilər. - Bu belədirsə, daha yaxşı olar. – deyə Əliyusif gülümsündü. Yüklə 1,78 Mb. Dostları ilə paylaş:
|