101
Hazırda Əliyusifi düşündürən başqa bir şey idi: Natiqin
azğınlığı bütün sərhədləri aşıb keçmişdi. O, Məzahirin
gəzdiyi bir pozğun qadını aldadaraq bura gətirmiş, bununla
da nəfsini boğa bilməyib, başqa bir xanımla ünsiyyət
qurmağa çalışırdı. Daha, Natiq anlamırdı ki, Zemfira ondan
da həyasız idi və o, məşuqunun bu hərəkətlərini bilsə, onda
aralarındakı qalmaqalın şiddətli olmasına şübhə etməmək
olardı. Onların arasında yaranan belə bir ögey münasibəti
gözləmək olardı, ona görə ki, Natiq ona fahişə kimi
baxırdı.
Onlardan başqa burada bir neçə ailə vardı ki, hamı sırtıq
oğlanın hərəkətlərindən bezərək, ona qarşı olan nifrət dolu
baxışlarını, məhz həmin istiqamətə yönəltmişdilər. Arif ilə
professor əhval-ruhiyyələrini qaldırmaq, istirahətlərini xoş
keçirmək üçün pələməyə gəlmiş, lakin belə bir biabırçılığı
görəndən sonra onların qanı qaralmışdı. Professor orada
olmasaydı, çox güman ki, Arif həmin köməksiz qıza arxa
durmaq üçün Natiqin qarşısına çıxardı.
Birdən naməlum qız tab gətirməyib, “əl çək məndən” –
deyərək, ayağa qalxmaq istədi. Natiq isə qızın narazılığına
baxmayaraq, onun qolundan tutub qalxmağına imkan
vermədi. Bu vaxt Əliyusif, Natiqin yekəxanalığından təngə
gəlib, dərhal onlara yaxınlaşdı.
102
Natiq Əliyusifdən bir balaca hündür idi və bu
müdaxiləyə əsəbiləşərək, sakit-sakit soruşdu:
- Nə lazımdır, sənə? -Xahiş edirəm, qızı rahat burax. –
deyə Əliyusif soyuqqanlıqla dilləndi.
- Qardaş, sən baş qoşma, - deyə təzyiqə məruz qalan qız
müxbiri müdafiə etməyə çalışdı. – çalış buradan uzaqlaş.
- Narahat olmağa dəyməz. – deyə Əliyusif soyuqqanlıqla
dilləndi.
- Sən, kimsən ki, bizim işimizə qarışırsan? – deyə Natiq
ayağa qalxaraq, özü üçün kənar şəxs sayılan adamı özündən
kənarlaşdırmağa çalışdı.
- Xoşluqla qızı buraxmasan, onda səni zor gücünə
qovmalı olacağam. – deyə jurnalist onun qolundan tutdu.
Bu vaxt kənara çəkilmiş sürücü müdirinin yanına gəlib,
heç bir şey araşdırmadan Əliyusifə hədə-qorxu gəlməyə
başladı. Öz gücünə güvənən və və ekstremal vəziyyətlərdə
soyuqqanlı görünən müxbir Akifin hədə-qorxusuna heç bir
əhəmiyyət verməyib, Natiqdən qızı rahat buraxmasını təkid
etdi.
Əliyusif təbiətən şər adamlardan kənarda olmağı
xoşlayırdı. Çünki belə üzlü adamlar fiziki güc tətbiq
etməkdən belə çəkinmirdilər. Lakin indiki məqamda
naməlum qızın varlığı onu xeyli dərəcədə cəsarətləndirmiş
və ürəkləndirmişdi.
103
Ara qızışan zaman birdən-birə kompleksin mühafizə
dəstəsinin rəisi peyda oldu və o, səs-küy salanlara
yaxınlaşıb nə baş verdiyini soruşdu. Natiq təqsiri özünü
müsbət, tərbiyəli, mədəni adam kimi tanıtdırmağa çalışan
Əliyusifin boynuna yıxdı və o, qətiyyətlə bildirdi ki, bu
hərəkətə görə jurnalisti sərt şəkildə tənbeh edəcək. Natiqin
bu yekəxanalığı “Relax”ın mühafizə rəisinə pis təsir
göstərdi və o, üzünü həmin həyasız oğlana tərəf çevirib
ciddi tərzdə dedi:
- Görünür, sən harada olduğunu unudursan? Mən heç
kimə imkan vermərəm ki, burada istirahət edənlər bir-
birilərinin xətrinə dəysinlər.
- Ağsaqqal, mənim problemim heç kimə aid deyil. –
Natiq baxışlarını sərtləşdirərək, daha da inadkarlıq göstər-
məyə başladı. – Mən, bu qurumsağın payını verməsəm o,
uzun burnunu başqa adamların da işinə soxacaq.
- Mənə diqqətlə qulaq as, gör nə deyirəm. – deyə öz
hərəkətlərini nəzarət altında saxlamağa çalışan mühafizə
rəisi astadan dilləndi. – Mən, insanların istirahətə gəldik-
ləri, bu istirahət kompleksinin mühafizə dəstəsinin rəisi-
yəm. Buradakı bütün nizam-intizam mənim öhdəmə düşür.
İstirahət edənlərin əksəriyyəti xarici turist və Azərbaycan
Respublikası Dövlət Neft Şirkətinin (SOKAR) əməkdaş-
104
larıdır. İstəmərəm ki, həmin insanların istirahəti pozulsun
və ya kimsə onların istirahətinə maneəçilik törətsin.
- Mən də pul verib, buraya istirahətə gəlmişəm və imkan
vermərəm ki, kimsə mənim istirahətimə maneəçilik
törətsin. – deyə üz-gözünü bozardan oğlan hiddətlə dilləndi.
– Xəbərdarlıq edirəm ki, mənim şəxsi işimə qarışmağa
sənin ixtiyarın yoxdur.
- Sən deyəsən, məni başa düşmədin. – deyə “Relax”ın
cəsarətli mühafizəçi hökmlə dilləndi. – Hamı burada sakit
şəraitdə istirahət etməlidir və bunun üçün burada istənilən
şərait yaradılıbdır. Mühafizə əməkdaşları bütün kompleks-
də hərəkət edərək, camaatın rahatlığını təmin edir. İndi isə
sənə məsləhətim odur ki, necə hamı, eləcə də sən, sakit
tərzdə istirahət edib, gözəl təəssüratlarla buranı tərk
edəsən.
- Mənim, necə istirahət edəcəyim, öz şəxsi işimdir. Bu
işdə mənə heç kimin məsləhəti lazım deyil.
- Burada qarışıqlıq yaradacaqsansa, mən sənin istirahə-
tini yarımçıq qoyub, səni bu ərazidən uzaqlaşdıracağam. –
deyə mühafizəçi sonuncu xəbərdarlığını etdi.
Bu vaxt həmin Natiqin sürücüsü araya girib lovğa-lovğa
dedi:
- Sən heç bilirsən, Natiqin atası kimdir?
Dostları ilə paylaş: |