93
itlərini ekrana çıxarmaq istəyirlər? Bəs, həmin studiyaların
rəhbərləri, nəyə görə, bütün bu, insan əsəblərini tarıma
çəkdirən kadrları efirə buraxırlar? Axı, belə görüntülər ilə
onlar kamil düşüncəli insanların nifrətini qazanırlar.
Fikrət müəllim, təsəvvür edirsiniz, onlar həmin itlərə nə
qədər pul xərcləyirlər? Mən bu haqda bir neçə dəfə yazmış
və tənqidə məruz qalan insanların düşməninə çevirilmişəm.
- Uzağa niyə gedirsən, - deyə Arif dərindən nəfəs alaraq,
üzrxahlıqla söhbətə qarışdı. - elə təkəbbürlü müğənnilərdən
biri bizim qonşuluqda yaşayır. Onun kimi yekəxana, lovğa
adam kasıba pul xərcləyər? Bu nəsə, inandırıcı görünmür.
Bu vaxt onların qarşısına dəm çayniki və iki cür
mürəbbə qoyuldu. Əliyusif tərəddüd etmədən stəkanları
çayla doldurub, ürəkyanğısı ilə dedi:
- Bakının hər bir rayonunda fəaliyyət göstərən uşaq
evlərinin, internatların çoxluğu bütün millət üçün böyük bir
problem sayılır. Heydər Əliyev Fondu və bir neçə xeyriyyə-
çi insanlar olmasa, onda həmin o məzlum insanları taleyin
ümidinə buraxmaq olar. Dediyim odur ki, həmin o vergidən
yayınan müğənnilər it əvəzinə, hərəsi bir kimsəsiz uşaq
götürüb saxlasa, onda bu savab iş Allaha da xoş gedər.
- Əli, bizdə bir neçə müğənni var ki, onlar səxavətləri ilə
camaat arasında tanınırlar. – deyə Arif diqqətini həmsöhbə-
tinin üzərində cəmləşdirərək fəhmsizliklə dilləndi. – Qonşu,
94
sən bilirsən də söhbət hansı müğənnilərdən gedir? Bəzən
elə olur ki, onlar kasıb ailədən çıxan cavanlara pulsuz toy
da edirlər.
- Arif müəllim, siz məndən də yaxşı bilirsiniz ki, yenicə
səhnəyə can atan müğənnilərdən bir çoxu qısa müddət
ərzində maddi cəhətdən zənginləşirlər. Sözsüz ki, həmin
müğənnilərə sual versən, topladığın varidat haradandır,
deyəcək ki, bütün bunların hamısı hədiyyədir.
- Bu ki, absurddur. – deyə Arifin üzündə acı təbəssüm
sezildi. - İnanırsan uzun müddət səhnədə olan, bənzərsiz
istedadına görə bir çox ölkələrin dövlət başçıları tərəfindən
tamtəraqla qarşılanan, konsertləri anşlaqla keçən, dünya
şöhrətli müğənni xalq artistimiz Zeynəb Xanlarovaya belə
bahalı hədiyyələr verilməyibdir.
- Yeri gələndə onlar özlərini, - deyə Fikrət həkim
dərindən ah çəkərək təşəxxüslə dilləndi. - kölgə altında
gizlətdikləri xarakterlərini elə reklam edirlər ki, sanki şan-
şöhrətləri Zeynəb Xanlarovanın şan-şöhrətindən qat-qat
üstündür. Adicə bir hadisəni söyləmək kifayətdir ki, ondan
sonra həmin adamlar bir daha, nəinki televiziya ekranlarına,
hətta tamaşaçı qarşısına da çıxmamalıdırlar.
Bir dəfə xeyriyyəçilikdən söz düşəndə müğənnilərdən
bir neçəsi dərhal el gözünə, hərəsi bir qoca götürüb, öz
valideyni kimi saxlamaq adı altında, onları evlərinə aparır-
95
lar. Şəhərdə onların belə bir dırnaqarası xeyirxahlığından,
ürəklərinin genişliyindən, səxavətindən ağızdolusu danış-
mağa başladılar. Lakin qısa bir müddətdən sonra onların
yürütdüyü siyasətlərinin üstü açıldı. Sən demə, onlar həmin
qocalara qarşı elə münasibət göstərmişdilər ki, həmin ahıl
insanlar baş götürüb, qaldıqları evdən qaçmışdılar. Maraqlı
məqam ondan ibarətdir ki, müğənninin biri itini evin
içərisində, himayəyə götürdüyü ahıl insanı isə qapının
ağzında saxlayırdı. Bu biabırçılığın üstünün açılması,
onların əsl simasının üzünü aləmə göstərdi.
- Onlar özlərinə hörmət edən adam olsalar, onda mütləq
tənqiddən nəticə çıxararlar. – deyə Arif başını təəssüflə
tərpədərək həqarətlə dilləndi. – Amma onlar bunu özlərinə
təhqir sayaraq, televiziyanın vasitəsilə əks tərəfi top atəşinə
tuturlar. Şöhrət dalınca qaçanlar özlərinin yalançı fəaliyyət-
lərini reklam etmək və bununla da televiziya ekranlarına
daxil olmaq üçün hansı fəndlərdən desən, istifadə edirlər.
96
IX fəsil. Emosional hərəkətlərin ram edilməsi
Professor Zeynalov təcrübəli və peşəkar səhiyyə işçisi
olsa da, Əliyusif gördü ki, o, həm də həddindən artıq geniş
dünyagörüşünə malik olan savadlı və kamil bir insandır.
Burada məlum olur ki, o, tibb ilə bağlı bir neçə elmi əsər
yazmış və bunun sayəsində səhiyyə sisteminə bir çox
yeniliklər gətirmişdi. Professor Zeynalov zaman, məkan
şəraitinə uyğun olaraq təbiət, cəmiyyət və təfəkkür
qanunlarını bilməklə iş görən, davranan və ya müəyyən
fikir söyləyən bir insandır. Həkimin gerçək fəaliyyəti və
davranışı həqiqi, həyati, mövcud olan və ya dünyanın
səhiyyə qanunları əsasında gerçəkləşə bilən iş prinsipinə
uyğunlaşıbdır.
Şəxsiyyətinə, xasiyyətinin xüsusiyyətlərinə görə hər bir
insan cəmiyyətdə mühüm rol oynayır, davranış xəttini seçir.
Burada iki əks mövqe mövcuddur: eqoizm – xudbinlik,
ancaq özünü sevmək, öz şəxsi maraqlarını başqa adamların,
bütövlükdə cəmiyyətin mənafeyindən üstün tutmaq, ikinci
mövqedəki alturizmdir – öz şəxsi mənafeyini unudub,
başqalarının qeydinə qalmağa, öz maraqlarını bütövlükdə
cəmiyyətin mənafeyinə tabe etməyə hazır olmaq. Əlbəttə,
bunlar ifrat xudbin və ifrat alturist xasiyyətlər haqqında
təsəvvür yaradır. Əliyusifin fikirincə, professor Zeynalovun
Dostları ilə paylaş: |