108
əksəriyyəti “Aquapark”da və Boulinq zalda, bir hissəsi
məhz burada, bəzi hissəsi isə diskotekanın yerləşdiyi
əraziyə toplaşırdı. Kollektiv şəkilində turist kimi gələnlər
eyni vaxtda mehmanxana və kotteclərdən çıxaraq, üzü
Böyük Küləfirəngiyə tərəf getməyə başladılar.
Birdən Əliyusifin diqqətini, qaldığı mehmanxananın sağ
tərəfindən uzanan yol ilə gələn, başına şlyapaya oxşar ağ
panama qoymuş, açıq sarı rəngli koftada və dizdən aşağı ağ
rəngli yubkada olan bir qız cəlb etdi. O, heyranedici yerişi
ilə heç kimə məhəl qoymadan, keçdiyi hər bir cığırı, ağacı,
gül kollarını, ümumiyyətlə, hər bir tikilini və bitkiləri
diqqətlə seyr edirdi. Bu, pələmədə sırtıq oğlanın təcavüzünə
məruz qalmış həmin naməlum qız idi. Həmin an müxbirin
gözləri dumanlandı, ürəyi çırpındı, bədəni titrədi.
Hərəkətlərini nəzarətdə saxlamağa çalışan oğlan özünün
qızın məhəbbət toruna düşdüyünü hiss etdi və Əliyusif
birmənalı şəkildə
başa düşdü ki, həmin qıza vuruludur.
Müxir bir anlığa özünə sual verdi: Görəsən, belə bir
məftunedici gözəlliyi ilə seçilən bu qız haradan gəlib
burada peyda olubdur? Paytaxtandırsa, nəyə görə mən, belə
bir gözəlliklə indiyənə qədər həmin şəhərdə rastlaşmamı-
şam. Elə buna görə də Əliyusif özündən asılı olmayaraq
mobil telefonunu çıxarıb, aparatın zəng tonuna Vasif
Məhərrəmlinin ifa etdiyi
“Bakılı qız” mahnısını qoydu ki,