117
- Sözün düzü, inanmazdım ki, indi belə bir şəkillər
çəkilir. Elə bilirdim klassik rəssamların gözəl peyzaj
çəkmələrini, keçmiş əsrlərlə elə keçmişin özündə qalıb.
- Əsl rəssam bütün janrlarda əsər yaratmalıdır. – deyə
Gülarə ciddi halda dilləndi. – Son zamanlar avanqard
janrında tablolar yaradılsa da, mən özüm də həmin rəsmlərə
ciddi yanaşmıram. – sonra o, yanındakı oğlanın sıxıldığını
görüb, nəsihətlə sözünə davam etdi. – Görürəm ki, siz
nəydənsə, ehtiyat edirsiniz?
İstəsəniz, sabah gündüz vaxtı hamımız bir yerdə, meşəyə
gəzintiyə çıxaq. Açığını desəm, buranın çox füsunkar
təbiəti var və hamımız bu təbiəti seyr etmək arzusundayıq.
Amma yanımızda kişi xeylağı olmadığından, biz öz
arzumuzu gerçəkləşdirə bilmirik.
- Bağışlayın məni, bu sahədə mən sizə heç cürə kömək
edə bilməyəcəm. – deyə Əliyusif üzrxahlıqla dilləndi. – İş
orasındadır ki, mən sabah öz dostlarımla birlikdə şəlalə
deyilən yerdə istirahət edəcəyəm.
- Xədicə xanım deyir ki, siz burada qonşularınızla bir
yerdə olursunuz. Amma maraqlıdır, nəyə görə siz indiyənə
kimi ananızın qaldığı kottecə getməmisiniz.
- Kottecdə anamdan başqa da xanımlar qalır və ora
getmək mənə ayıb olar.
118
- Sizə heç kim demir ki, birbaşa içəri daxil olasınız.
Kottecə bitişik küləfirəngimiz var, siz ananızla orada
görüşə bilərsiniz. Onsuz da biz hamımız yatana kimi
kottecdə olmuruq.
- Mən isə elə başa düşürəm ki, mənim orada
görünməyim yersiz olar.
Jurnalistin bu cavabı Gülarəni qane etmədi və o,
müəyyən mənada məyus oldu. Elə həmin an qızın mobil
telefonu zəng çaldı. O, bir neçə addım kənara çəkilib,
telefonun düyməsini basdı və “Avtandil” deyərək, mülayim
tərzdə danışmağa başladı. Əliyusif isə üzünü aşağıda
yarğana tərəf tutub, oradan axan çaya tamaşa etdi ki, qızın
söhbətini eşitməsin. Çayın şırıltısı həqiqi mənada qızın
səsini boğurdu. Lakin buna baxmayaraq son məqamda
Gülarənin bərkdən söylədiyi ifadə oğlanın qulağına dəydi:
“sən gələ bilməsən, bizim hamımız pis vəziyyətdə
qalacayıq”. Gülarənin yad bir oğlanın yanında, belə bir
tərzdə başqa bir kişi və yaxud oğlanla söhbət etməsi,
Əliyusifin simasında onun qeyri-ciddi bir qız kimi
tanınmasına gətirib çıxartdı. Həqiqətdə isə həmin oğlan
Gülarənin nişanlısı idi.
Bundan sonra Gülarə ilə hər hansısa bir mövzuda, söz
mübadiləsi aparmasının mənasızlığını görən müxbir,
buradan uzaqlaşmağa qərara gəldi.
119
XI fəsil. Əliyusif istədiyi qız ilə ünsiyyət
qurmağa nail olur
Əliyusif həmsöhbəti ilə sağollaşaraq, oradan uzaqlaşdı.
Əslində, Gülarə üzlü bir qız kimi onun ürəyinə
yatmadığından, daha doğrusu, yaxşı təsir bağışlamadığın-
dan o, öz yaxasını kənara çəkməli oldu. Lakin burada
böyük bir anlaşılmamazlıq baş vermişdi. Əliyusif elə başa
düşmüşdü ki, qarşısındakı qız, anasının ona təqdim etdiyi,
peşəcə rəssam olan Gülnarədir. Çünki anasının planına
əsasən, qız hal-hazırda burada növbəti rəsm əsəri üzərində
işləməli idi. Əslində isə o, bu yaxınlarda əmisioğlu
Avtandilə hərisi alınmış Gülarə idi.
Gülnarə kottecə gəlib, lazım olan şeyləri götürəndə,
anası onun qabağını kəsərək bildirir ki, Xədicənin oğlu onu
görmək üçün şəkil çəkdiyi yerə gedəcək. Qız, lazımi
qaydada oğlanı qəbul edib, onunla ünsiyyət yaratmasına
mane olmamalıdır. Halbuki həmin vaxta qədər artıq
Əliyusif deyilən yerə gedib, artıq oradan qayıtmışdı.
Bundan xəbərsiz olan Gülnarə, anasının xahişini yerə
salmayaraq, bikef halda bacısının yanına qayıtdı. Gülarə
Əliyusifin gəlişi barəsində bacısına məlumat verir və
bildirir ki, oğlan soyuq münasibətə görə o qədər də yaxşı
120
təsir bağışlamadı. Bacısının sözü kifayət oldu ki, Gülnarə
Əliyusiflə görüşə can atmadı.
Xədicəni nigaran qoymaq istəməyən Əliyusif, Gülarə ilə
bağlı olan fikrini bildirərək, anasından xahiş etdi ki, bir
daha onu həmin qızla bağlı narahat etməsin. O, anasına
birmənalı şəkildə bildirdi ki, belə bir müasir tipli qız onun
gəlini olmaq şərəfinə layiq deyil. Xədicə isə buna etiraz
əlaməti olaraq, oğluna son məsləhətini vermək imkanına
malik oldu: “Oğlum, sənin gözlərin tutulubdur. Gülnarə
kimi ləyaqətli, mədəni, tərbiyəli, istedadlı, ağıllı, gözəl bir
qızı, çıraqla axtarsan da tapa bilməyəcəksən”.
- İstedadlı olmağına görə istedadlıdır, amma gözəl və
ağıllı olması məndə şübhə oyadır. – sonra o, anasını
qucaqlayıb sevinc hissi ilə sözünə davam etdi. – Ana, sənə
elə bir gəlin alacağam ki, onun daxili aləmi ilə xarici
gözəlliyi vəhdət təşkil etsin. O cür qız tapsam, elə bil ki,
hər ikimizin arzusu yerinə yetiriləcək.
- Qorxuram ki, belə bir gedişatla, sən heç vaxt mənim
evimə gəlin gətirməyəcəksən. – deyə Xədicə narazı halda
dilləndi. – İnanmaram ki, sən Gülya kimi gözəl xasiyyətli,
gözəl bənizli, qabiliyyətli, mədəni qız tapacaqsan. Sən
mənim arzumu ürəyimdə qoyursan. Gülnarə o qədər
cəlbedici bir qızdır ki, az qala mən özüm onun xasiyyətinə
və xanımlığına vurulum.
Dostları ilə paylaş: |