Ramiz Dəniz
Yüklə 3,47 Mb. Pdf görüntüsü
|
49 ekspedisiyanın gəlişi ilə onların ağır, əzablı və iztirablı günləri arxada qalırdı. Günortaya az qalmış kapitan Xuanın sağ qalmış dəstəsi vadinin düz ortasında ekspedisiyanın əsas heyəti ilə sevinc sədaları altında görüşdü. Həmin qüvvə ekspedisiyanın bir hissəsi idi. Həmin dəstəyə kapitan Karl Kesada başçılıq edirdi. Xoşbəxtlikdən Migelin atası kapitan Leon da başçılıq etdiyi dəstə ilə bu qüvvənin tərkibində idi. Ata ilə oğul sevinc hissilə hamının gözü qarşısında bir-birilərilə qucaqlaşdılar. Kapitan Leon çox yaxşı başa düşürdü ki, əgər sağ qalan konkistadorlar belə bir kökdədirlərsə və dəstənin yarısı həlak olubsa, deməli onlar bu neçə həftəni Araukaniyada yalnız ölüm ilə üzləşiblər. Onlar öz yoldaşlarını əsirlikdən azad etməklə böyük qəhrəmanlıq göstərmişdilər. Bu əməliyyat, ağır döyüşlərdə sınanmış bir çox döyüşçülərin həyatlarına son qoymuşdu. Lakin sağ qalanlar ekspedisiya iştirakçıları tərəfindən qəhrəman kimi qarşılandılar. Dərhal əldən düşmüş konkis- tadorlar yeməklə təmin olundular. Kapitan Karl ekspedisiya rəisindən aldığı tapşırığa əsa- sən, vaxt itirmədən, mümkün qədər qısa müddətə öz dəstə- sini And dağlarına çatdırmalıydı. Lakin o, burada nə kapitan Xuanı sorğu-suala tuta bilir, nə də ki, yaralıların müayinəsi ilə məşğul ola bilmədi. Bundan əlavə kapitan
50 Karl əldən düşmüş kəşfiyyatçı dəstəni özü ilə bu ağır yürüşə götürə bilməzdi. Çünki bütün qoşun ləng hərəkət edəcək. On beş dəqiqəlik istirahətdən sonra kapitan Karl onlara izah etdi ki, bir-iki saatdan sonra polkovnik Alonso əsas qüvvə ilə vadinin cənubunda yerləşən meşənin girəcəyinə gələcək. Onlar ora getsələr daha yaxşı olar. Əlbəttə, onu başa duşmək olardı. Odur ki, kapitan Xuan onların hamı- sına yaxşı yol arzulayaraq, vadinin cənubuna getməyi qərara aldı. Migel bir an çıxılmaz vəziyyətdə qaldı. O, bilmirdi nə etsin, atası ilə döyüşə yollanmaq üçün öz dəstə- sindən ayrılsın, yoxsa kapitan Xuan ilə axıra kimi bir yerdə olsun? Əlbəttə o, başladığı işi başa çatdırmalı idi, bundan əlavə uşaqlıq dostu Osvaldonu belə bir vəziyyətdə qoyub heç yana gedə bilməzdi. Qısaca istirahətdən sonra kapitan Karl öz dəstəsi ilə yola düzəldi. Kapitan Xuan isə vaxt itirmədən vadinin cənu- bunda yerləşən kəndə yollandı. Həmin kənd meşədən 300- 400 metr aralı yerləşirdi. Polkovnik Alonso əsas qüvvə ilə meşənin ağzında görünən kimi Xuangil onların yanına gedəcək. Kəşfiyyatçılar həmin kəndə çatan kimi üç evdə mövqe tutub istirahət etməyə başladılar. Cəmi bir keşikçi qoyuldu. İndi onlar özlərini vadidə çox sərbəst hiss edirdi. Artıq tam
51 arxayınlıqla demək olar ki, bu ərazidə üstünlük konkis- tadorların əlinə keçmiş və onlar bütün ətrafı nəzarət altında saxlayırdılar. Maraqlısı odur ki, vadinin şərq hissəsindən keçən çayın o biri sahilindən araukanların səsi gəlirdi. Konkistadorlar sahili keçən kimi çox güman ki, düşmən ilə silahlı toqquşma baş verəcək. Düzdür, Migel bu haqda öz atasına xəbər verir və çayı keçən zaman ehtiyatlı olmasını xüsusilə tapşırdı. Söz yox ki, araukanlar əvvəlki döyüş taktikalarını dəyişəcəklər. Ümumiyyətlə, açıq döyüşdən boyun qaçıra- caqlar. Hazırda onlar qalın meşələrdə, dağ keçidlərində, sıldırım qayaların üstündə və başqa qeyri-adi yerlərdə mövqe tutmalıydılar. Ançaq indi maraqlıdır, araukanlar mülki əhalini özlərilə sürükləyəcəklər, ya yox? Özləri ilə aparsalar, onda onların geri çəkilməkləri ləng baş verəcək. Belə olan halda onlar, hətta sürətli manevrdən də məhrum olacaqlar. Konkistadorlar bu fursətdən səmərəli istifadə etməlidir. Ekspedisiyanın özəyini təşkil edən süvarilər hər yerdə düşməni qabaqlayaraq ona sarsıdıcı zərbə endirməli- dirlər. Azdan-çoxdan kapitan Karl, Anqud körfəzinin sahilində gedən müzakirə zamanı çıxarılan qərarı kapitan Xuana çatdırmışdı. Artıq kəşfiyyatçılar ekspedisiyanın üç istiqa- mətdə Araukaniyaya hücum etməsindən agah idilər. İndi
52 başa düşmək olar ki, araukanlar nəyə görə belə tezliklə bu vadini tərk etmişdilər. Onlar ispanların yaxınlaşdığını görən kimi burdan uzaqlaşmağı məsləhət bilmişdilər. İş orasındadır ki, dünən səhər tezdən Anqud körfəzinin şimal sahilini tərk edən konkistadorlar artıq vadiyə kimi gəlmişdilər. Onda belə çıxır ki, hindular ispanların irəliləyi- şinə maneəçilik törətməyiblər, onlar da fürsətdən istifadə edib Araukaniyanın içərilərinə sürətlə irəliləmişdilər. Kəşfiyyatçıların xilasına yollanan süvari dəstəsi onları istehkam olan kənddə müəyyən etməsələr, axtarışı hansı istiqamətdə aparaçaqları bəlli deyildi. Migelgil təxminən bir saat istirahət etmişdilər ki, birdən kapitan Karlın başçılıq etdiyi dəstə çayı keçdikləri yerdə araukanların qurduqları pusquya düşdü. Çıxılmaz vəziyyət- də qalan konkistadorlar odlu silahlardan istifadə etmək məcburiyyətində qaldılar. Kəşfiyyatçılar kəndin yüksək nöqtəsinə toplaşaraq oradan səs gələn tərəfə nəzərlərini yönəltmişdilər. Məsafə uzun olduğundan və doyüş çayın o tayındakı yüksəkliyin arxasında getdiyindən savaş yerinə gözucu da olsun, baxmaq mümkün deyildi. Döyüş elə gözlənilməz halda başlamışdı ki, hətta konkistadorların on nəfərə yaxın əsgəri çayı keçib qurtarmamışdı.
Yüklə 3,47 Mb. Dostları ilə paylaş:
|