Ramiz Dəniz
Yüklə 3,47 Mb. Pdf görüntüsü
|
53 - Biz onlara kömək etsək pis olmazdı. - deyə leytenant Andre hamını qabaqlayaraq, ürək yanğısı ilə kapitana mü- raciət etdi. - Onlar hinduların qurduqları pusquya düşüblər. - Buna heç bir ehtiyac yoxdur. - deyə kapitan Xuan tərəddüd etmədən dilləndi. - Kapitan Karlın orada kifayət qədər qüvvəsi var ki, araukanların qurduqları pusqunu yarıb öz irəliləyişini davam etdirsinlər. Həm də inanmıram ki, araukanlar orada böyük qüvvə ilə pusqu qursunlar. - Araukanlar pusqu qurmaqla bizimkilərin irəliləyişini ləngitmək istəyirlər. - deyə Migel bu sözü xüsusilə vurğu- ladı. - Mənə elə gəlir, onlar vaxt udmaq istəyirlər. - Guya bunun onlara xeyri var? - deyə kapitan giley- güzarla dilləndi. - hələ bundan sonra Alonso da öz dəstəsilə (söhbət polkovnikdən gedir) bura gələcək, araukanlar bizimkilərin bir neçə istiqamətdə hücum etdiklərini görüb çaş-baş qalacaqlar. Amma nədənsə, Alonso gecikir. Vadinin şərq hissəsində doyüş davam edən zaman başqa yerdə muşketlərin və arkebuzların atəş səsləri eşidilməyə başladı. Kəşfiyyatçıların hamısı arxaya dönərək nəzərlərini vadinin cənub-qərb hissəsinə yönəltdilər. Vadinin bu küncündə hətta tüstülər əmələ gəldi. Meşə və hündür olmayan təpələr həmin yerdə böyük üstünlük təşkil etdiyin- dən orada nə baş verdiyini ümumiyyətlə, görmək olmurdu. Halbuki həmin yer ilə kənd arasındakı məsafə ən uzağı
54 1000 metr olardı. Artıq şübhə yox idi ki, vadinin cənubuna can atan polkovnik Alonsonun dəstəsi araukanların qurduq- ları pusquya düşübdür. Migel bunu anladı ki, hindular bu kəndə yaxın bir yerdə mövqedə olublar. Onlar iri ispan dəstəsinin vadiyə yaxınlaşmasından xəbərdar idilər, yoxsa araukanlar çoxdan bu kənddəki konkistadorların üstünə hücum edərdi. İndi kapitan Xuan bilmirdi nə etsin, kənddə qalıb əsas qüvvənin gəlişini gözləsin, yoxsa silahdaşlarının köməyinə yollansın? Söz yox ki, oradakı konkistadorlar da müəyyən problemlə rastlaşmışdılar. Hinduların qurduqları pusqunu yarmaq onlar üçün heç bir çətinlik törətməyəcək. Deməli, onların da köməyinə heç bir ehtiyac duyulmurdu. Hələlik kəşfiyyatçılar gözləməklə kifayətlənməliydilər. Beş-on dəqiqədən sonra kapitan Karl qarşısındakı pusqunu dağıdaraq öz irəliləyişini davam etdirdi. Çünki oradan həyəcan dolu səslər gəlmirdi. Həmin yerə yenidən sakitlik çökdü. Cənub-qərb tərəfdə gedən döyüş isə hələ də davam edirdi. Əlaçsız qalan kapitan Xuan yerdə əyləşərək başını aşağı saldı. Onu başa düşmək olardı. Silahdaşları düşmənlə döyüşən bir zamanda o, heç bir əməli tədbir görə bilmirdi. Çünki onun dəstəsinin yarısı yaralı döyüşçülərdən ibarət idi. Lakin hər şeydə özünü kapitanın gözünə soxan leyte-
55 nant Andre bu dəfə də özünü irəli verərək canfəşanlıqla dedi: - Buradakı döyüş gərgin xarakter alır. Artıq bir saata yaxındır ki, odlu silahların səsi kəsilmir. Deyəsən, bizim- kilər qarşılarındakı düşməni əzə bilmirlər. Biz hökmən onların köməyinə getməliyik. Kapitan hələlik onun təklifinə heç bir reaksiya vermədi. Görünür, o nə haqda isə düşünürdü. Lakin Migel də bir peşəkar döyüşçü kimi həmin vəziyyətlə əlaqədar öz fikrini söyləməliydi. O, da yerdə əyləşərək təmkinlə dedi: - Cənab kapitan, unutmaq lazım deyil ki, araukanlar dağlar arasında olan keçidlərdə mövqe tuta bilərlər. Belə olan halda bizimkilərin hüçumu keyfiyyətli olmayacaq. Onlar döyüşmək üçün geniş meydandan məhrumdurlar. - Yaxşı, indi sən nə təklif edirsən? - kapitan gözlənilmə- dən hiddətlə dilləndi. - Mən yaralı əsgərlərlə silahdaşları- mın köməyinə yollanım? - Hökmən deyil ki, biz həmin əməliyyata yaralılarla yollanaq. - deyə Migel tərəddüd etmədən kapitanın sözünə düzəliş verdi. - Yaralılar onsuz da lazımi səviyyədə döyüşə bilməyəcəklər. - Yaralıları bu kənddə qoyub özümüz əməliyyata yolla- naq. - deyə Andre səbirsizliklə dilləndi.
56 - Yaralıları burda qoysaq, əmaliyyata beş nəfər adam yollanmalı olacaq. - deyə kapitan istehza ilə dilləndi. - Bizim hər birimiz ən azı on düşməni öz üzərimizə götürə bilərik. - deyə Migel qeyri-müəyyən tərzdə dilləndi. - Arxadan zərbə endirmək üçün beş nəfər böyük qüvvə sayılır. Birdən-birə Osvaldo onların söhbətinə müdaxilə edərək, səbirsiz halda dedi: - Sinyor Xuan, bizim yaralı olmağımıza fikir verməyin. Biz bu işdə xeyli xeyir verə bilərik. - Osvaldo, mən sizin hamınızın cəsarətinizə və qeyrəti- nizə bələdəm. - kapitan ciddi halda dilləndi. - Bu əməliyya- ta elə adamlar yollanmalıdır ki, onlar düşmənə qarşı həm sağ, həm də sol əli ilə döyüşsünlər. Bədənində azacıq cızığı olan bir kəs döyüşə yollanmayacaq. Siz müvəqqəti olaraq kənddə qalacaqsız. Biz əmadiyyata yollanan zaman düşmən çox küman ki, bura da hücum edəcək. Unutmayın ki, biz hansı düşmənlə döyüşürük. Kapitan düzgün fikir söyləyirdi. Əməliyyata elə adamlar yollanmalı idi ki, onlar düşmənə qarşı eyni zamanda həm sağ, həm də sol əli ilə döyüşməliydi. Artıq vaxt itirmədən kapitan Xuan, leytenant Andre, Migel, cəngavər Dias Barrameda və arbalyotçu Dias Duarte kəndi tərk edərək, cənub-qərb istiqamətində döyüş meydanına yollandılar.
Yüklə 3,47 Mb. Dostları ilə paylaş:
|