Ramiz Dəniz
Yüklə 3,47 Mb. Pdf görüntüsü
|
65 soldan zərbə endirmək istəyirlər. Əslində isə onlar başqa fikirdə idilər. Kənarlara çəkilərək Migeli ox ilə vurmaq uçün onun qarşısını açmışdılar. Cavan zadəgan o dəqiqə düşmənin hiyləsini başa düşdü və cəld sol tərəfə çəkilən hindunun üzərinə pişik kimi tullandı. Bir göz qırpımında dalbadal endirilən qılınc zərbələrilə rəqibinin sinəsində dərin yara açmaqla onu məhv etdi. O, biri düşmən isə oz hücumunu cəngavərin üzərinə yonəltmişdi. Migel dostunun köməyinə gedərdi, amma artıq geç idi. Ağacların arasında dayanan ox atanlar onu nişan alaraq kamanlarını boşalt- dılar. Belə bir vəziyyətdə yeganə müdafiə üsulu varsa, o da yerə uzanmaq idi. Migel elə də etdi və oxlar başının üstündən uçub getdi. O, cəld ayağa qalxaraq Diasın qarşı- sındakı aborigenin üzərinə şığıdı. Lakin həmin hindu dərhal döyüş meydanını tərk etdi və ox atanlara konkistadorları bir daha məhv etmək üçün imkan yaratdı. Bu dəfə Migel cəngavərin sağ qolundan yapışaraq cəld onu yaxınlıqdakı ağacın arxasına dartdı. Belə bir vəziyyətdə kapitangil də köməyə gələ bilmirdi. Çünki öz movqelərini tərk edən kimi ox atanlar onları məhv edə bilərdi. Döyüşün son dəqiqələrində artıq risk etməyin də heç bir xeyiri yox idi. Onsuz da süvari dəstəsi ildırım sürətilə meşənin sərhədinə yaxınlaşırdı. Geri çəkilən hindu- lar ağacların arasında mövqe tutdular.
66 Yuxarıda gedən döyüş də səngidi. Belə başa düşmək olar ki, araukanlar tutduqları mövqelərdən geri çəkilirdilər. Deməli, polkovnik Alonsonun dəstəsi üçün bütün yollar açılmışdı. Çox keçməmiş həmin konkistadorlar aşağıda görünəcəklər. Bundan sonra araukan döyüşçülərinin təqibi başlanaçaq. Yuxarıda qeyd olunmuşdu ki, hinduların bir hissəsi də vadidən şərq istiqamətdə döyüşmüş və çox yəqin ki, onlar çənub istiqamətində geri çəkiliblər. Migel cəngavəri ölümün pəncəsindən qurtarandan sonra nəinki Diasın özü, hətta bütün silahdaşları tərəfindən təşək- kürə layiq görüldü. Onun göstərdiyi şəxsi igidlik və qəhrəmanlıq hamıda xoş təəssürat yaratdı. Belə bir ağır vəziyyətdə o, nəinki düşmənə qarşı döyüşmüş, hətta yaralanmış dostunu da təhlükəli yerdən uzaqlaşdırmışdı. Süvari dəstəsinin başında həqiqətən də kapitan Alonso dururdu. Atlılar bura yaxınlaşan kimi kapitan Xuan qarşıla- rına çıxaraq, onları dayandırdı. Məlum məsələ idi, kapitan onları nəyə görə dayandırdı. Süvari dəstəsinin meşəyə girməsi məqsədə uyğun deyildi. Çünki hər bir ağacın arxa- sında gizlənən hindular meşədə çox güclü pusqu qurmuş və hücuma keçəcək süvari dəstəsinə möhkəm zərbə endirə bi- lərdi. Konkistadorlar həddindən artıq böyük itki verə bi- lərdi. Neçə olsa da, həmin meşənin ağacları sıx şəkildə bitir
67 və atların sürətli manevr etməsinə böyük maneəçilik törədirdi. Kapitan Alonso atdan düşərək sevinc hissi ilə kapitan Xuanı qucaqladı. Qraf Filipp də onu sağ gördüyünə görə sinəsinə basdı. Onlar ümumiyyətlə, bu dəstənin bütün üzvlərilə görüşdülər (kənddə qalan yaralılar da bura axışıb gəlmişdi). Hamı bu dəqiqələri sevinc hissilə yaşayırdı. Zarafat deyildi, düşmən əhatəsində qalan bu dəstə bütün təzyiqlərə və hücumlara şərəflə tab cətirmişdi. Yarım saat keçməmiş polkovnik Alonso da öz dəstəsiylə meşənin sərhədinə gəlib çıxdı. Qohumlar, kapitan Xuanın ən ağır əməliyyatlardan sağ-salamat qalmasına və həmin mübarizədən qalib çıxmasına az qala onu duz kimi yalayır- dılar. Onların sevincinin həddi-hüdudu yox idi. Əməliy- yatlar zamanı əzizlərindən xəbər olmayanda qohumların hansı hisslərlə yaşadıqlarını təsəvvür etmək çətin deyildi. Araukanların necə rəzil, vəhşi, qaniçən və amansız hindu tayfası olduqlarını hamı yaxşı bilirdi. Neçə ispan ekspedisi- yasının Araukaniyada yerli hindular tərəfindən darmadağın edilməsindən hamı hali idi və bura göndərilən kəşfiyyat dəstəsinin düşmən əhatəsindən sağ çıxmasına heç bir ümid yox idi. Lakin həmin dəstənin müəyyən bir hissəsi bu qanlı mübarizədən sağ-salamat çıxa bilmişdi. Onlar həqiqətən də Araukaniyada keçirilən hərbi əməliyyatlar nətiçəsində
68 misilsiz qəhrəmanlıqlar göstərmişdilər. Kəşfiyyatçılar öhdələrinə düşən tapşırığı artıqlaması ilə yerinə yetirmiş və onları lokallaşdırmağa çalışan düşmənin xeyli qüvvəsini məhv etmişdilər. Bu əməliyyat zamanı araukanlar kon- kistadorlar tərəfindən sarsıdıcı zərbələr alaraq, müharibənin bu mərhələsində ilkin məğlubiyyətlə üzləşmişdilər. Bu o demək idi ki, ispanlar bu müharibəyə ciddi hazırlaşmış və bunun üçün sıralarını peşəkar döyüşçülər ilə genişlənmiş- dilər. Konkistadorlar tərəfindən planlaşdırılan bütün əməliyyat uğurla nəticələnmişdi. Bir neçə istiqamətdə hərəkət edən ispanlar düşmən qüvvəsinə bir-birinin ardınca sarsıdıcı zərbələr endirmişdi. Hərçənd ki, araukanlar özləri bir neçə yerdə pusqu quraraq ispanların qarşısını kəsməyə cəhd göstərsələr də, hər yerdə də uğursuzluqla üzləşiblər. Kapitan Alonsonun başçılıq etdiyi dəstə nəzərdə tutulan marşrut üzrə istehkam tikilən kəndə gedib çıxır və orada hərbçi hindulardan başqa heç kimi görmürlər. Kənd hər tərəfli aborigenlər tərəfindən ciddi muhafizə olunurdu. Alonsonun dediyinə görə hər tərəfdən möhkəm səddlərlə əhatə olunmuş kəndi üç yüzə yaxın hindu müdafiə edir. Əlbəttə kapitan Alonso risqə getməyərək, yolunu hündür olmayan dağların arası ilə davam etdirərək bu vadinin şərq sərhədinə yaxınlaşır və orada kapitan Karlın dəstəsilə rastlaşır. Həmin yerdə süvari dəstəsi pərən-pərən düşmüş
Yüklə 3,47 Mb. Dostları ilə paylaş:
|