Ramiz Dəniz
Yüklə 3,47 Mb. Pdf görüntüsü
|
97 Filipp isə üç atıcı ilə araukanları təpəyə tərəf sıxışdırırdı. Təpəyə çatmağa demək olar ki, heç nə qalmamışdı. Hindular, hətta, yavaş-yavaş təpəyə də qalxmışdılar. Migeli yamacın divarına sıxışdıran aborigenlər də öz silahdaşlarına qoşularaq yavaş-yavaş geri çəkilməyə başladılar. Lakin bir az keçəndən sonra onlar yamacın ar- xasına gedən yolun üstündə dayanaraq kəskin müqaviməq göstərməyə başladılar. Anlamaq çətin deyildi ki, araukanlar hansısa bir hiyləgərliyə əl atmaq istəyirlər. At belindən düşmüş kapitan Xuanın başı döyüşə elə qarışmışdı ki, o, bir anlığa bütün ehtiyatını əldən vermişdi. Hindular təklikdə olan süvarini çətinlik çəkmədən məhv edə bilərdilər. Kapitan Xuanın yaxınlığında döyüşən Migel gördü ki, bəzi konkistadorlar yavaş-yavaş atılan oxdan zərərsizləş- dirilir. Hətta eləsi vardı ki, ona iki ox dəymişdi. İş ondadır ki, döyüşən araukanların arasında kaman ilə silahlanan yox idi. Deməli, oxlar yamacın arxasındakı hündür kolluqların arxasından atılırdı. Üçüncü konkistador ox ilə öldürüləndən sonra Migel kapitana dedi ki, araukanlar qurduqları pusqudan konkistadorları ox ilə vururlar və məsləhət gördü ki, vaxt itirmədən hamı sahilin kənarına çəkilsin. Artıq kapitan da gördü ki, onun döyüşçülərinin sırası seyrəlir. Belə olan halda o, - “Hamı sahilin kənarına çəkil- sin. - qışqıraraq geri çəkilməyə başladı.
98 Elə bu an qraf Filipp döyüşən istiqamətdə aborigenlər qışqırıq sədaları altında hücuma keçdilər. Araukanlar orada da hiyləgar fəndə al atmışdılar. Qarşıdakı hindular onlara qarşı döyüşən konkistadorları tələyə salmaqdan ötrü, sağda yerləşən təpəyə tərəf çəkilmişdilər. Təpənin arxasında gizlənən oxatanlar onları ox yaylımına tutaraq iti sürətlə əks-hücuma keçmişdilər. Nəticədə iki nəfər öldürülmüş, qraf Filipp ilə atıcının biri yaralanmışdı. Qraf Filipp sol ombasından yaralanaraq cəld döyüş meydanından uzaqlaş- mağa başladı. Atıcı əsgər kirasada olduğundan hindular onu ayaqlarından vurmuşdular. Sürətlə qaçmağa imkanı olmayan əsgəri demək olar ki, həmin an yolda haqladılar və balta ilə yaralının başına və kürəyinə dalbadal zərbələr endirməyə başladılar. Bu dəhşətli səhnəni sezmək heç də asan deyildi. Hiddətini gizlədə bilməyən kapitan Xuan atına minib, nərə çəkərək təkbaşına həmin istiqamətdə hücuma keçdi. Orada hinduların sayı təxminən iyirmi nəfər olardı və kapitan Xuan çox keçmədən düşmən tərəfindən öldürülə bilərdi. Düşmən demək olar ki, hərtərəfli hücuma keçmişdi və konkistadorları geri çəkilməyə məcbur edirdi. Komandirini darda qoymaq istəməyən Migel dərhal təpə istiqamətində hücuma keçdi. Kürəyindən yaralanan Luis də hücum etmək istədi, lakin mubarizəni davam etdirmək üçün onda taqət qalmamışdı.
99 Sanki sahilin kənarı qan çanaqını xatırladırdı. Oradakı döyüş meydanı get-gedə böyüməyə başlayırdı. Döyüşə cəlb olunanların sayı yavaş-yavaş artırdı. Araukanlar döyüşə elə can atırdılar ki, sanki bu onların azadlıq uqrunda apardıqları sonuncu döyüşüdür. Arbalyotlardan, arkebuzlardan və muş- ketlərdən açılan atəşlərə baxmayaraq onlar konkistadorları hərtərəfli çaya sıxışdırırdılar. Sahilə çıxan hər bir ispan dərhal döyüşə can atırdı. Halbuki bütün üstünlüklər araukanların tərəfində idi. Onlar bu üstünlüyü qoruyub saxlamaqdan ötrü, hətta ağaca bağlanan kəndiri də kəsib atdılar. Bu o demək idi ki, konkistadorların bu biri sahilə olan axını dayandırılmışdı. Ancaq buna baxmayaraq, bu zaman on iki nəfər ispan araukanlara qarşı amansız döyüşdə muqavimət göstərirdi. Kapitan Xuan duşmənin əhatəsində olmasına baxma- yaraq ülgüc kimi iti olan qılıncı ilə onlara sarsıdıcı zərbə endirirdi. Bir-iki dəqiqənin içində iki düşmən öldürülmüş, birisi isə sol çiynindən yaralanmışdı. Artıq Migel də döyüşə başlamış və bir anın içərisində düşmənin əhatəsinə düşdu. Böyük enerjiyə malik olan cavan zadəgan komandirinə yaxınlaşmaq üçün bütün gücünü və bacarığını işə salmışdı. Hərçənd ki, bu iş həddindən artıq əzab-əziyyətli idi. Çayın o biri sahilindəki atıcılar olmasaydı, araukanlar onların
100 birləşməsinə imkan verməzdilər. Kapitana çatana qədər, Migel döyüşə-döyüşə iki düşməni zərərsizləşdirə bilmişdi. Sahildə gedən döyüş yarım saatdan çox idi ki, davam edirdi. Həm bu tərəf, həm də o tərəf bərk yorulmuşdu. Hamıdan çox güc tətbiq edən Xuan ilə Migel yavaş-yavaş zəifləyirdilər. Bir neçə rəqibə qarşı eyni zamanda döyüşmək heç də asan deyildi. Belə bir məqamda geri çəkilmək məqsədəuyğun sayılırdı. Bu işdə onlara atıcılar böyük yardımçı rolunu oynayırdı. Lakin iş elə gətirdi ki, təpənin üstündən atılan ox Xuanın sağ döşünün üstünə batdı və dəstənin komandiri arxası üstə düz çayın kənarına yıxıldı. Onu tamamilə məhvdən qurtarmağa çalışan Migel qeyri-insani halda qışqıraraq əks-hücuma keçməyə cəhd etdi. Lakin araukanlar onun qarşısında dəmir sipər kimi dayanmışdılar. Buna baxmayaraq, Migel onlardan birini qılıncdan keçirməyə müvəffəq oldu. Elə bu vaxt gözlənil- məz bir hadisə baş verdi. Kapitan Xuan özünə güc verərək yaralı halda düşmənə qarşı döyüşməyə başladı. Onun bu hərəkəti döyüşdə bir balaca dönüş yaratdı. Onsuz da yaralı halda o, düşmənə qarşı çox müqavimət göstərə bilməzdi. Bunu çox yaxşı dərk edən Migel ona xəbər elədi ki, bacardığı qədər buradan uzaqlaşsın. Lakin hiddət və qəzəb içində olan Xuan, addım belə, geri çəkilmək fikrində deyildi. Sözsüz ki, o, bu hərəkətlə həm özünü, həm də
Yüklə 3,47 Mb. Dostları ilə paylaş:
|