81
bir sərkərdə kimi çox yaxşı bilirdi ki, qısa müddətə düşmən
darmadağın edilməsə, onda araukanları məğlub etmək xeyli
mürəkkəbləşəcək.
Nəzərdə tutulan vadiyə daxil olmaq heç də asan
olmayacaq, amma buna baxmayaraq polkovnik yürüşü
davam etdirmək fikrində idi. Halbuki bu qədər əsgərlə o,
araukanların qurduqları pusquları keçməkdə çətinlik
çəkəcək. Onun bu işinin həyata keçməsi üçün ixtiyarına
keçən süvari dəstəsi mühüm rol oyanayacaq. Süvari dəstəsi
ildırım surəti ilə düşmənə gözlənilməz zərbələr endirə bilər.
Lakin o, süvari dəstəsini özü ilə meşənin sıx çığırları ilə
apara bilməzdi. Araukanların ox atanları çətinlik çəkmədən
süvariləri lokallaşdıra bilərlər. Burda başqa tədbirə əl atmaq
lazım idi. Süvari dəstəsi başqa yol ilə vadiyə tərəf
getməlidir. Köhnə konkistadorların dediyinə görə vadiyə
Anqud körfəzinin şərq sahilboyu ilə getmək olar. Lakin
onlar vadiyə çatana qədər, Anqud körfəzinə sürətlə tökülən
iki çayı keçməlidirlər.
Polkovnik Alonso bir sərkərdə kimi bu plandan istifadə
etməyi qərara aldı. Əsas qüvvə vadiyə çatana qədər süvari
dəstəsi düşmənə arxadan sarsıdıcı zərbə endirməli idi.
Lakin onu da nəzərə almaq lazımdır ki, vadidə araukanların
həddindən artıq çox qüvvəsi yerləşə bilərdi. Süvarilər
sadəcə olaraq, onları məğlub etməkdə çətinlik çəkəcəklər.
82
Onda polkovnikin ağlına yaxşı bir fikir gəldi; süvari dəstəsi
50 nəfərdən ibarət idi. Əlbəttə bu qüvvə düşmənin çoxsaylı
qoşununu darmadağın etməkdə çox çətinlik çəkəcək.
Polkovnik süvarilərin sayını 80 nəfərə çatdırmağı qərara
aldı. Arkebuz və muşketlərlə silahlanmış 30 nəfər əsgər
kapitan Alonsonun ixtiyarına verildi. Atların 20-sində tək
adam, 30-da isə iki adam uzun yolu qət etməli idi. Bununla
da o, öz dəstəsini xeyli zəiflətmiş olurdu.
Anqud körfəzindən hücuma başlayanda onun başçılıq
etdiyi dəstədə 110 nəfər adam vardı. Birinci döyüş nəticə-
sində həmin dəstə yaralılarla birlikdə 20 adam itirir. İndi də
30 nəfər süvari dəstəsinə keçəndə, həmin dəstədə 60 nəfər
adam qalırdı. Bu qədər qüvvə ilə düşmən əhatəsində vadiyə
doğru hərəkət etmək çox təhlukəli idi. Lakin polkovnik
Alonso çox bacarıqlı sərkərdə idi və nə etdiyini yaxşı
bilirdi. Onun ixtiyarında 60 nəfər adam var və onların
hamısı da atıcılar idi. Bu qədər əsgər ilə o, düşmənin 500
nəfərlik qüvvəsinə qarşı müvəffəqiyyətli hərbi əməliyyat
apara bilər. Hər ehtimala qarşı o, bu haqda qardaşı Xuan ilə
məsləhətləşməli oldu. Polkovnik onu yanına çağırtdırıb öz
qərarını qardaşına söylədi. Xuan qulaq asandan sonra dedi:
- Mən Araukaniyaya gələndə elə bilirdim ki, buranın
aborigenləri Meksikanın aborigenləri kimi eynidirlər. Lakin
araukanlar öz inadkarlıqlarına və cəsarətlərinə görə heç bir
83
hindu tayfasına oxşamırlar. Hər bir qərar çıxarılanda biz
yüz dəfə ölçüb, bir dəfə biçməliyik.
- Başa düşmədim, çıxardığım qərar sənin xoşuna
gəlmədi? - deyə polkovnik müəmmalı tərzdə dilləndi. – Bu
qərara dair fikrin varsa, söylə?
- Biz hamımız elə hey hücum barəsində fikirləşirik,
amma arxa tərəfimizdə düşmənin xeyli qüvvəsi var. - deyə
Xuan aludəliklə dilləndi.
- Sən istehkam qurulan kənddəki hinduların qüvvəsini
nəzərdə tutursan? - deyə Alonso həmin tərzdə dilləndi.
- Əlbəttə! - deyə Xuan tərəddüd etmədən cavab verdi. -
həmin kənddə araukanların üç yüz nəfərlik qüvvəsi cəmlə-
şib. Onlar hər an bizə arxadan zərbə endirə bilərlər.
- Hələlik aborigenlər müdafiə haqqında fikirləşirlər.
Hücum etmək onların yadına düşmür. Biz cənubdakı vadini
ələ keçirəndən sonra süvari dəstəsini həmin kəndə
göndərərik. Vadini ələ keçirmək üçün bizə üç-dörd gün
vaxt gərək olacaq. İnanmıram ki, həmin müddət ərzində
araukanlar hücum barəsində fikirləşsinlər.
- Birdən bizim hücum əməliyyatımız bir həftəyə kimi
uzandı, onda necə olacaq?
- Xuan, mən həmişə risq etməyə vərdiş etmişəm. Həmişə
də risqin sayəsində mən müvəffəqiyyətlər qazanmışam. Bu
dəfə mən risqə əl atmasam, onda Araukaniyadakı muharibə
84
xeyli uzanacaq. Mən isə istəməzdim ki, buradakı hərbi
əməliyyatlar bir aydan çox uzansın.
- Bu məsələyə bir balaca ciddi yanaşmaq lazımdır.
İndiyənə qədər heç bir ispan ekspedisiyası Araukaniyada
başlanan müharibəni müvəffəqiyyətlə başa çatdırmayıbdır.
Çünki onlar vaxtı ilə çoxlu hərbi taktiki səhvlərə yol
veriblər. Həmin səhvləri təkrarlamağa heç bir ehtiyac
yoxdur.
- Xuan, sən uşaqlıqdan həmişə başını böyük qalmaqal-
lara qatırdın. İştirak etdiyin döyüş əməliyyatlarında təhlü-
kəli risqlərə əl atırdın. İndi isə risq etmək istəmirsən. Bu
ondan xəbər verir ki, sən artıq araukanların döyüş
taktikasına və qəliz xasiyyətlərinə bələdsən. Ancaq buna
baxmayaraq mən risq etməliyəm.
- Alonso, mən heç nədən yox, yalnız bu kənddə (əli ilə
kəndi göstərərək) qalan silahdaşlarımızdan qorxuram.
Araukanlar bir həmləyə onları məhv edə bilərlər.
- Düşmən nə qədər inadkar olsa da, onlar hələlik bura
gəlməkdən ehtiyat edəcəklər. Ona görə ki, həm şərqdə, həm
qərbdə, həm də cənubda bizim qüvvələr yerləşir. Araukan-
lar elə biləcək ki, həmin kənddə az qüvvə yerləşdirməklə,
biz onlara tələ qurmuşuq. Onlar özlərinə gələnə kimi biz
cənubdakı hərbi əməliyyatları başa çatdırarıq.
Dostları ilə paylaş: |