Ramiz Dəniz
Yüklə 3,47 Mb. Pdf görüntüsü
|
105
VIII fəsil. „Qanlı vadi“
Süvari dəstəsi hava qaralana qədər Anqud körfəzinin şərq sahilinə çatdı və elə oradaca gecələdilər. Döyüşdə itirdikləri silahdaşlarını elə çayın sahilindəki döyüş meydanında təpənin üstündə basdırdılar. Ertəsi günü dəstə sahil kənarı ilə cənuba doğru hərəkət edəndə, arukanların qurduqları növbəti pusquya düşdülər. Həmin pusqu əvvəlkinə nisbətən çox zəif idi və konkistadorlar çox asanlıqla həmin səddi keçdilər. Lakin buna görə onlar dörd silahdaşlarını itirdilər. Ondan sonra vadiyə daxil olmağa az qalmış konkistadorlar araukanların qurduqları daha bir pusquya düşürlər. Daha beş nəfər itirməklə onlar vadinin sərhədinə yaxınlaşırlar. Vadi demək olar ki, hər tərəfdən dağlarla əhatə olunmuşdu. Lakin vadinin qərb hissəsində hündürlüyü bir kilometrədək olan alçaq dağlar yerləşirdi. Kapitan Xuanın başçılıq etdiyi süvari dəstə münasib keçid taparaq, hündür- lüyü təxminən 700 metr olan yüksəklikdə dayanmışdı. Buradakı dağlar şərqdə dayanan dağlara nisbətən meşələrlə örtülmüşdü. Belə bir meşəlikdə gizlənəndə onları aşağıdan görmək çox çətin idi. Məhz buna görə də aşağı düşməmişdən əvvəl böyük bir hazırlıq işləri görmək lazım idi.
106 Kapitan Xuanın yarası həddindən artıq möhkəm ağradığından o, dəstəyə komandanlığı kapitan Alonsoya tapşırmışdı. Bütün qərarları da məhz Alonso çıxarmalıydı. Onsuz da Alonso on dörd nəfərlik yaralı ilə yüzlərlə düşmənin meydan oxuduğu vadiyə enə bilməzdi. Xuanın və bir çox konkistadorların yaralarını irin basırdı. Onların həkimə böyük ehtiyacı vardı. Yaralıların çoxu, hətta sayıqlamağa başlayırdı. Bəzi hallarda Xuan huşunu itirirdi. Luis isə çoxlu qan itirdiyindən artıq havalanmışdı. Yarasının ağrısı onu rahat buraxmırdı. Belə bir yaralılarla Alonso duşmənə qarşı heç bir döyüş apara bilməzdi. O, istirahət etmək üçün hələlik hamıya icazə verir. Konkistadorlar ağacların arasında mövqe tutub müvəq- qəti olaraq, burda düşərgə yaratdılar. Aşağıdan bura görünməsə də, çox güman ki, araukanlar ispanların gəlişin- dən xəbərsiz deyildilər. Alonso yəqin bilirdi ki, aborigenlər onların hər bir addımını izləyirlər. Belə olan halda onlar hər an konkistadorların üstünə hücum çəkə bilərlər. Hər tərəfə keşikçilər qoyuldu. Günorta yeməyini bişir- mək üçün tonqal qalandı. Eyni zamanda yaralılara yardım etmək üçün əməli tədbirlərə al atmaq lazım idi. Əlbəttə, burada cərrahiyyə əməliyyatından söz gedə bilməzdi. Onların ağrısı o qədər möhkəm idi ki, bəziləri, hətta dözə bilməyib qışqırmağa məcbur olurdu. Bu iztirabın qarşısı
107 alınmalıydı. Yaralıların hamısı demək olar ki, bir yerdə yerləşdirilmişdi. Luis ilə kapitan Xuan yerdə uzanmışdılar. Xuan yaralarının ağrısını hiss etməməkdən ötrü, səhər açılandan bəri elə hey şərab içirdi. Hazırda isə gözlərini yumaraq rahatca uzanmışdı. Hərdənbir isə özündən asılı olmayaraq, o, inildəyirdi. Luis isə bir böyrü üstə uzanaraq ağrıdan səsini çıxartmamaq üçün dodaqlarını çeynəyirdi. Migel də yaxınlıqda oturub istirahət edirdi. Bir neçə dəqiqə keçəndən sonra Lope ilə Xulio Luisin sarğısını dəyişmək üçün bura gəldilər. Onlar Luisin ən yaxın dostları idi. O, Migelin yaxınlıqda olmasından xəbərsiz idi. Luis üzünü göydəki buludlara tərəf tutaraq iztirabla dedi: - Deyəsən, hamınız hücuma hazırlaşmısınız? Hayıf ki, ayağa qalxa bilmirəm. - Luis, sən özün taqsırkarsan. - deyə Xulio həqarətlə dilləndi. - Hamı geri çəkilən zaman, sən onların əhatəsində qalaraq döyüşü davam etdirdin. - Elə yamaca qalxan zaman onlar məni oxla vurdular. - deyə Luis əzgin halda izahat verməyə başladı. - Mənə elə gəldi ki, ox uzaqdan atıldığına görə, kürəyimə yalnız ucu girib. Yanımdakı əsgər açıqlıqda olduğu üçün onu üç-dörd yerdən vurdular. Mən yalnız aşağı düşməyə imkan tapdım.
108 - Aşaqı düşəndən sonra sən müqaviməti dayandıra bilər- din. - deyə Lope narazı halda dilləndi. - Hərəkət etdikcə, sənin yarandan qan iri həcmdə tökülürdü. Açığını desəm, mən elə bildim ki, sən həmin döyüşdən sağ çıxmayacaqsan. - Düz deyirsən, Migel olmasaydı araukanlar məni çox- dan məhv edərdilər. - deyə Luis təmiz ürəklə etiraf etməli oldu. - Acığı mən ondan belə mərd hərəkəti gözləməzdim. Belə bir çıxılmaz vəziyyətdə Migel öz həyatını risqə qoyaraq, məni ölümün pəncəsindən xilas etdi. - Doğru deyirsən? - deyə Xulio öz dostuna təəccüblə nəzər salaraq maraqla soruşdu - Belə bir vəziyyətdə mənim zarafat etməyə halım yoxdur. - deyə Luis ağrıdan zarıldadı. - Sən isə onun haqqında pis fikirləşirdin. - deyə Xulio üzünü qaşıyaraq təşəxxuslə dilləndi. - Bütün dəstə elə hey Migelin döyüşdə göstərdiyi şəxsi igidliyindən danışır. - deyə Lope aludəliklə dilləndi. - Qısa müddətə o, hamıdan çox aborigen məhv edib. Migel onların söhbətinə qulaq asmamaq üçün cəld həmin yerdən uzaqlaşdı. O, aşağı enən cığırdan bir qədər aralıda uçurumun üstündə yerləşən iri daşın üstündə əyləşərək, əlinin altında olan vadini nəzərdən keçirməyə başladı. Necə olsa da, növbəti hərbi əməliyyatlar məhz vadinin özündə keçiriləcək. Vadinin girişinin və çıxışının
Yüklə 3,47 Mb. Dostları ilə paylaş:
|