533
köməkçi bir gəmi kimi ekspedisiyanın tərkibində qalacaq-
dır. İkinci gəmi isə, bu birisindən xeyli fərqlənməli idi.
Alonso Portobeloda gəmi axtarışı ilə məşğul olanda
birdən ona bildirdilər ki, Çilinin general-kapitanı Onyes de
Loyola və kralın xüsusi nümayəndəsi polkovniki təcili
surətdə Santyaqoya çağırırlar. Özü də ki, Alonso oraya,
ixtiyarında olan bütün əsgərlərlə gəlməlidir. Nizam-
intizama bir zabit kimi həmişə riayət edən polkovnik
tərəddüd etmədən Qızıl Kastiliyanın Sakit okean sahilinə
yollanır, oradan isə birbaşa Santyaqoya üz tutur.
Santyaqoda Alonsoya kral II Filippin Çilinin general-
kapitanına ünvanladığı məktubu verirlər. Naməni oxuyan-
dan sonra o, dəhşətə gəlmişdi. Araukaniyada gedən
müharibənin nəticəsi kralı hiddətə gətirmiş və həmin
müvəffəqiyyətsizlikdə İspaniyanın zəhimli monarxı birbaşa
polkovnik Alonsonu ittiham edirdi. Kral qarşısında
günahlarını yumaq üçün o, ixtiyarında olan bütün qüvvələri
toplayıb Çilinin hakimi ilə birlikdə, Bio-Bio çayından bir
qədər aşağıda olan araukanların strateji cəhətdən möhkəm
və lazımlı sayılan mövqeləri ələ keçirməli və heç olmasa
həmin mövqelərdə möhkəmlənməlidirlər. İş ondadır ki, son
döyüş əməliyyatları zamanı konkistadorların darmadağın
edilərək məhv olunmasına dair kral nümayəndəsi birtərəfli
istintaq aparmış və həmin məğlubiyyətlərdə yalnız bacarıqlı
534
sərkərdəni ittiham etmişdi. Heç kimin qarşısında əskilməyi
xoşlamayan, xüsusən də ona qarşı nahaq ittiham sürüləndə,
Alonso özünü lazımi səviyyədə müdafiə etməyə can atır və
öz oponentlərini dialoq vasitəsilə düzgün mövqedən çıxış
etmədiklərini sübuta yetirirdi. O, çox yaxşı bilirdi ki, bu
işdə Çilinin general-kapitanı xüsusi rol oynayaraq, döyüş
zamanı baş verən uğursuzluqlarda özünün günahı olmadığı-
nı sübuta yetirməyə çalışmışdı. Həmin məsələ qaldırılan
zaman Alonso hər ikisinə qətiyyətlə bildirmişdir ki, həmin
məğlubiyyətlərdə heç bir günahının olmadığına baxmaya-
raq, o, can-başla kralın verdiyi tapşırığı yerinə yetirəcək.
Bu fikirlə razılaşmayan kral nümayəndəsi polkovnikə dedi:
- Don Alonso, Araukaniyaya hücum iki istiqamətdə
başlamışdı şimal və cənub-qərb. Bildiyiniz kimi don Onyes
de Loyolanın başçılıq etdiyi qoşunlar Bio-Bio çayından
aşağıda yerləşən düşmən mövqelərini ələ keçirmişdi və
Araukaniyanın işğalını başa çatdırmaq üzrə idi. Yalnız sizin
ekspedisiya cənubda ələ keçirilən mövqeləri düşmənə təh-
vil verdikdən sonra şimaldakı mövqelər bir-birinin ardınca
itirildi. Mənə elə gəlir ki, artıq izahata ehtiyac yoxdur.
- Don Alonso, keçmişdə nə baş veribsə, mən hər şeyi
yaddan çıxarmağa hazıram. - Onyes de Loyola rişxəndlə
dilləndi. - İndi birgə əməliyyatlar barəsində düşünmək
lazımdır.
535
Əlbəttə, polkovnik ona qarşı yürüdülən qərəzli fikirlərlə
razılaşa bilməzdi. Çünki danışıqlardan aydın başa düşmək
olurdu ki, həmsöhbətləri olmayan bir şeyləri onun boynuna
yıxmaq istəyirlər. Alonso üzünü kral nümayəndəsinə tərəf
tutaraq qürurla dedi:
- Gün kimi aydındır ki, Araukaniyada gedən müharibədə
baş verən uğursuzluqlarda mənim heç bir taqsirim yoxdur.
Bunu siz bilməsəniz də, general-kapitan Onyes de Loyola
çox yaxşı bilir.
– Axı, siz əldə edilən qələbəni, cənubda fəaliyyət göstə-
rən ekspedisiyanın uğursuzluğu nəticəsiində əldən verdiniz.
- deyə kral nümayəndəsi hüzünlə dilləndi. - İndi həmin
qələbini təzədən əldə etməliyik.
- Sizə bildirmək istəyirəm ki, cənubda fəaliyyət göstərən
ekspedisiya lazımi qələbəni əldə etmişdi. - deyə Alonso
qamətini şax tutaraq qətiyyətlə dilləndi. - Sadəcə olaraq
bizə kömək gəlmədiyindən araukanlar bütün cəbhə boyu
hücuma keçərək, öz torpaqlarını azad etməyə müvəffəq
oldular. Birincisi, biz öhdəmizə düşən missiyanı yerinə
yetirərək, Araukaniyanın mərkəzinə doğru irəlilədik. İkin-
cisi, biz işğal edilmiş ərazidə dövlət inzibati orqanlarını
yaratdıq. Üçüncüsü, qüdrətli kralımız olan əlahəzrət II
Filippin növbəti tapşırıqlarını yerinə yetirmək üçün
Araukaniyanın işğal edilən mövqelərimizi kapitan qraf
536
Ferdinand Morelosa təhvil verərək, Qəraib dənizi sahilinə
yollandım. Dördüncüsü, general-kapitan Onyes de Loyola-
nın başçılıq etdiyi qüvvələr Bio-Bio çayını keçəndən sonra
araukanların bütün dəstələrini darmadağın etməli və bizim
qüvvələr Araukaniyada birləşməli idi. Təəssuflər olsun ki,
general-kapitan həmin işin öhdəsindən gələ bilmədi.
- Cənab polkovnik, siz sözlərinizdə yanılırsınız. - Çilinin
hakimi ayağa qalxaraq dərhal öz etirazını bildirdi. - Mənim
ixtiyarımda kifəyət qədər qüvvə yox idi ki, arxanı boş
boşuna qoyaraq Araukaniyanın mərkəzinə qədər irəliləyim.
Hamı çox yaxşı bilir ki, araukanlar əsas qüvvələrini ölkənin
şimalında yerləşdirmişdilər, 7-8 ay müddətinə isə onların
qüvvəsi təxminən üç dəfə artmışdı. Belə bir təhlükəli
sindrom ilə mən üzləşə bilməzdim. Onlar hər tərəfdən bizi
mühasirəyə ala bilərdilər.
- Don Onyes, etiraf etməlisiniz ki, müəyyən səhvlərin
ucbatından biz Araukaniyada tam qələbə əldə edə bilmədik.
- deyə Alonso həmsöhbətinə iti bir nəzər salaraq aludəliklə
dilləndi. - Araukaniyada döyüş əməliyyatları başlayan kimi
siz dayanmadan ölkənin içərilərinə irəliləməliydiniz. Lakin
siz azacıq bir yürüşdən sonra şimalda gözləmə mövqeyi
tutdunuz. Sizin fəaliyyətsiz halda bir yerdə durmağınız,
düşmənin qruplaşmasına imkan yaratdı və araukanlar 7-8
aydan sonra sizin tutduğunuz mövqelərə hücum etdilər.
Dostları ilə paylaş: |