29
- Onda hamınız mənə diqqətlə qulaq asın. Kapitan
Manuel Markos qeyri-hərbi gəminin komandanı olduğu
üçün körfəzdə lövbər salmış gəmilərin təhlükəsizliyinə
cavab verəcək. Onun ixtiyarına 21 nəfər matros verilir. Hər
gəmini 7 matros cidd-cəhdlə mühafizə etməlidir. Bundan
əlavə hər gün fortun tikintisi ilə məşğul olan dənizçilər
gəmiləri mühafizə edən dənizçilərlə əvəz edilməlidir.
Sahilə 6 dənə mortir topu çıxarılmalı və həmin toplar fortun
divarlarında yerləşdirilməlidir.
Kapitan Marsel Düran 20 nəfərdən ibarət olan kanonir
dəstəsinin komandiri kimi sahildə qalacaq. Kanonirlər eyni
zamanda fortun tikintisi ilə məşğul olacaqlar. Yerdə aparı-
lan bütün işlərə kapitan qraf Ferdinand Morelos cavabdeh-
lik daşıyır. Çünki o, yeni tikilən fortun komendantı təyin
edilir və onun tabeliyində 53 nəfər kanonir və dənizçi
olacaq. Həm kapitan Marsel, həm də kapitan Manuel
komendantın müavinləri təyin edilirlər.
Kapitan Filipp Odovaldo muşket və arkebuzla silahlan-
mış 80 nəfərlik atıcılar dəstəsinin komandiri təyin edilir.
Onun müavinləri sayılan kapitan qraf Xuan Morelos və
leytenant Ernando Ramires hərəsi 40 nəfərlik atıcılara
başçılıq edəcəklər.
Kapitan Leon Kartahena bir çox ekspedisiyalarda iştirak
edərək böyük təcrübə toplayıb və onun öhdəsinə 30 nəfər,
30
leytenant Kamaçonun öhdəsinə 15 nəfər və leytenant Kar-
losun da öhdəsinə 15 nəfərdən ibarət olan arbalyotçular və
ox atanlar dəstəsi verilir və həmin zabitlər hərbi əməliyyat
zamanı birbaşa mənim tabeliyimdə olacaqlar.
Kapitan Karl Kesada isə 74 nəfərlik hücumçu piyada
dəstəsinə başçılıq edəcək. Körfəzin sahilindəki 18 nəfərlik
ehtiyat dəstəsi leytenant Mişel Düranın öhdəsinə verilir. O
da birbaşa qraf Ferdinandın tabeliyinə keçir. Yerdə qalır
kapitan qraf Filipp Morelos, o da ki, kapitan Alonsonun
müavini təyin edilir.
Ekspedisiyanın süvari dəstəsi böyük ərazilərdə döyüş
əməliyyatları aparacaq. Biz həmin dəstəyə böyük ümid
bəsləyirik. Yenə də deyirəm, bütün dəstələrdə hamı nizam-
intizama riayət etməlidir. Heç kim verilən əmrlərdən narazı
qalmamalıdır.
Polkovnik çox yaxşı bilirdi ki, onun oğlanları və More-
los qardaşları bir yerdə olanda həmişə qalmaqal yaradırlar.
Günahları olanda belə, həmişə biri-birilərinin tərəfini
saxlamaqla, həmin üsul ilə öz eyiblərini örtürdülər. Məhz
buna görə də polkovnik onları biri-birilərindən ayırmağı
qərara almışdı. Oğlanlarının özbaşınalığına birdəfəlik son
qoymaq üçün polkovnik onları birbaşa öz tabeliyi altına
götürmüşdü. Morelos qardaşlarını isə nəinki biri-birilərin-
dən ayırmışdı, hətta atalarından da uzaqlaşdırmışdı. Onlar
31
biri-birilərindən uzaq olmaqla, dəstədəki konkistadorlar
arasında aktiv fəaliyyət göstərə bilməyəcəklər.
Kim də başa düşməsə, qoca səyyah o dəqaqə anladı ki,
polkovnik nə etmək istəyir. Morelos qardaşlarından çox,
onun övladları özbaşına hərəkətlərə əl atırdılar. Lakin onlar
atalarının verdiyi sərəncamdan kənara çıxa bilməzdilər. İş
ondadır ki, onlar atalarının sərt göstərişlərinə çox yaxşı
bələd olduğundan, heç vaxt onun bir sözünü iki etməyə
cürət etmirdilər.
Artıq qoca səyyah rahatlıqla nəfəs almağa başladı, çünki
o, budəfəki missiyanın uğurlu başa çatmasına tam əmin idi.
Araukanların yarım əsrə yaxın davam edən dəmir müqavi-
məti bu dəfə sındırılmalıydı. İspanların əsarəti altında olan
axırıncı hindu tayfasının mübarizəsi bu müharibədə
məğlubiyyətə uğramaq üzrə idi. Çünki ispanlar bu kompa-
niyaya çox ciddi hazırlaşmış və Pireney yarımadasına şad
xəbər çatdırmaq əzmindəydilər. Hərbi əməliyyata hazırlıq
yüksək səviyyədə gedirdi. Hər bir variant xırda detallara
kimi hazırlanıb başa çatmalı idi.
Qoca səyyahın başında yaxşı fikir yarandığına görə o,
komandanın müşaviri kimi söz alaraq aludəliklə dedi:
- Möhtərəm sinyorlar, hücum əməliyyatına dair, mənim
yaxşı təklifim var. Kapitan Alonsonun başçılıq etdiyi süvari
dəstəsi istehkam olan kəndə yollanan kimi ekspedisiyanın
32
piyada dəstəsi Araukaniyanın içərilərinə iki istiqamətdə
daxil olsun. - Qoca səyyah şərq tərəfdə yerləşən ön sıradakı
dağları əli ilə göstərərək sözünə əlavə etdi. - Bu dağların o
tayında şimaldan-cənuba doğru uzanan geniş bir vadi
yerləşir. Vadinin cənub hissəsi sıx meşənin başlanğıcında
qurtarır. Şimalda yaşayan döyüşən araukanlar Araukaniya-
nın cənub hissəsinə məhz həmin meşə ilə gedəcəklər. Biz
onların qarşısını kəsmək üçün meşənin girəcəyinə sürətli
yürüş təşkil etməliyik. Ondan sonra araukanlar öz ölkə-
lərində pərən-pərən düşəcəklər. Belə olan halda düşməni
məğlubiyyətə uğratmaq bizim üçün xeyli asan olacaq.
Beləliklə, 1-ci dəstə vadinin mərkəzinə daxil olaraq
dayanmadan And dağlarına üz tutmalı və dağlara çəkilməyə
cəhd göstərən araukanların qarşısını kəsməlidir. 2-ci dəstə
isə meşənin girəcəyində mövqe tutmalıdır. İstehkamı
mühasirəyə alan araukanlar süvari dəstəsinin yaxınlaşdığını
görən kimi, məhz həmin istiqamətlərdə geri çəkilməyə
başlayacaqlar. Hinduların əsas hissəsini elə Araukaniyanın
mərkəzində darmadağın etməyə səy göstərməliyik. Biz bu
fürsəti əldən verməməliyik. Xuan Flores Araukaniyanı yax-
şı tanıdığı üçün 1-ci dəstəyə bələdçilik etməlidir. 2-ci dəstə-
ni mən özüm meşənin girəcəyinə aparmağa hazıram. Ancaq
mən həddindən artıq qoca olduğum üçün bu missiyanın
Dostları ilə paylaş: |