Azərbaycan Respublikasının Nazirlər Kabineti tərəfindən 18 iyun 2008-ci ildə
“2005 - 2008-ci illərdə Mili Mühasibat Uçotu Standartlarının tətbiqi üzrə Proqram”
qəbul olunmuşdur.
Həmin proqramın icrası ilə əlaqədar Maliyyə Nazirliyinin təşkilati və
metodiki rəhbərliyi altında Kommersiya, Büdcə və Qeyri-hökumət təşkilatları üçün
Milli Mühasibat Uçotunun Standartları və onların tətbiqi üzrə tövsiyə və şərhlər
hazırlanmış və artıq həmin sənədlərin tətbiqinə başlanılmışdır.
Mühasibat (maliyyə) uçotu təşkilatın mövcud informasiya sisteminin əsas
hissəsi kimi bütün səviyyədə operativ informasiya ilə idarə- edənləri təmin etmir.
Öz spesifikliyinə görə maliyyə uçotu bazar şəraitində təşkilatın fəaliyyətinin daxili
idarəedilməsinin strategiya və taktikasını işləyib hazırlamaq üçün informasiya verə
bilməz.
Sahibkarlıq fəaliyyətinin idarəetmə qərarları plan, normativ, texnoloji, uçot
və analitik informasiyaya əsaslanırlar. İdarəetmənin əsas funksiyası olan nəzarət və
tənzimlənmə plan məlumatlarını və operativ uçot məlumatlarını müqayisə etməklə
həyata keçirilir. İdarəetmə qərarlarının nəticələrinin qiymətləndirilməsi və onların
icrasına görə məsuliyyət daxili hesabatların məlumatlarına əsasən həyata keçirilir.
Təşkilatın gələcək inkişafının planlaşdırılması və koordinasiyası xüsusi üsulların
köməyi ilə həyata keçirilən analitik hesablamalara əsaslanır.
Təşkilatın informasiya sistemində belə funksiyaları mühasibat (idarəetmə)
uçotu yerinə yetirir. Mühasibat uçotunun beynəlxalq təcrübəsi ümumi sistemdən
idarəetmə uçotunun ayrılmasını XX əsrin 40 - 50- ci illərinə aid edir. Hər şeydən
əvvəl bu, sahibkarlıq fəaliyyətinin səmərəliliyini yüksəltmək problemi ilə əlaqədar
idi.
İdarəetmə uçotu ona xas olan fərqləndirici əlamətlərə, metodlara, üsullara və
aparılması prinsiplərinə malikdir. O iqtisadi biliklərin xüsusi sahəsi kimi çıxış edir.
Bu fənni öyrənən hər bir kəs idarəetmə uçotunu mənfəətin əldə edilməsi,
əmtəə və xidmətlərin bazarda məqsədlərinə nail olmağa yönəldilən təşkilatın
sahibkarlıq fəaliyyətinin idarəedilməsi mexanizmi kimi təsəvvür etməyi
bacarmalıdır, maliyyə və idarəetmə uçotunun fərqləri və oxşarlığı haqqında
anlayışa malik olmalıdır. Konkret təşkilatın misalında idarəetmə uçotunun
mahiyyətini və vacibliyini əsaslandırmalıdır. Konkret təşkilatın şəraitinə
uyğunlaşdırılması mümkün olan idarəetmə uçotu sistemi, idarəetmənin
məqsədlərindən və imkanlarından asılı olaraq seçilməli və ya işlənməlidir.
İdarəetmə uçotu funksiyalarının yerinə yetirilməsinin məcburiliyini əsaslandırmağı
bacarmaq lazımdır.
Aşağıda qeyd olunan spesifik prinsiplərə, yəni istehsalın planlaşdı-
rılmasında və uçotda vahid plan-uçot ölçü vahidlərindən istifadə edilməsinə;
quruluş bölmələrinin fəaliyyətinin nəticələrinin qiymətləndirilməsinə, təşkilatın
istehsal və kommersiya tsikllərini əks etdirən dövrü- lüyə; məsrəflərə büdcə (smeta)
və normativ nəzarət edilməsinə xüsusi diqqət yetirilməlidir.
Dərsliyin üçüncü bölməsi yeddi fəsildən ibarətdir.
Dərsliyin üçüncü bölməsinin birinci fəslində idarəetmə uçotunun nəzəri
əsasları verilir. Bu fəsildə kommersiya təşkilatının informasiya sistemində
idarəetmə uçotunun əhəmiyyəti və yeri göstərilir, onun mühasibat uçotunun ümumi
sistemindən aynimasmm vacibliyi əsaslandırılır. İdarəetmə uçotunun mahiyyəti,
obyektləri, metodları və üsulları, tərkib hissəsi, yerinə yetirilən funksiyaları və
qurulması prinsipləri, sistemləri kimi anlayışlar müəyyən edilir. Burada idarəetmə
obyektləri və idarəetmə uçotunun obyektlərinin müqayisəli xarakteristikası verilir,
maliyyə və idarəetmə uçotunun fərqləri və ümumiliyi göstərilir.
İkinci fəsildə məhsul istehsalına çəkilən məsrəflərin təsnifatı verilir. Bu fəsil
iki hissədən ibarətdir. Birinci hissədə məsrəflər və onların uçotunun məqsədləri
üzrə təsnifatı verilir.. Burada məhsul istehsalına çəkilən 'məsrəflərin uçotunun
mahiyyəti, idarəetmə uçotu sistemində məsrəflərin qiymətləndirilməsi metodları,
maya dəyərinin kalkulyasiya edilməsi və qiymətləndirilməsi üçün məsrəflərin
təsnifatı, məsrəflərin qruplaşdırılma- sı, onların uçot obyektləri və kalkulyasiya
obyektləri geniş şərh olunur.
İkinci hissədə məsrəflərin fəaliyyət növləri üzrə təsnifatı əks etdirilir. Bu
hissədə istehsal proseslərinin idarəetmə uçotunun obyekt olması, maddi resursların
əldə edilməsinə və saxlanmasına çəkilən məsrəflərin tərkibi və təsnifatı,
maliyyə-satış, təşkilat fəaliyyəti ilə əlaqədar olan məsrəflərin təsnifatı və tərkibi izah
edilir.
Dərsliyin üçüncü fəslində idarəetmə uçotunun təşkili xüsusiyyətləri, uçotda
istifadə edilən informasiya və təşkilatlarda məsrəf, məsuliyyət mərkəzləri və
rentabelliyin əmələ gəlməsi, üstəlik xərclərin uçotunun aparılması və onların
bölüşdürülməsi qaydası göstərilir. Ayrıca paraqraf- larda bitməmiş istehsalat
uçotunun ayrıca obyektləri olması, daxili hesabat göstəricilərinin tərkibi və
məzmunu əhatə olunur.
Dördüncü fəsildə məhsulun, işlərin, xidmətlərin maya dəyərinin
kalkulyasiya edilməsinin əsasları, istehsala məsrəflərin uçotu və məhsulun maya
dəyəri kalkulyasiyasının sadə, sifariş və mərhələ metodlarının xarakteristikası öz
əksini tapır.
Dostları ilə paylaş: |