Şahdəniz 2 İnfrastruktur Layihəsi Ətraf Mühitə və Sosial-İqtisadi Sahəyə Təsirin
Yüklə 5,26 Mb. Pdf görüntüsü
|
- Bu səhifədəki naviqasiya:
- 13.5 Ətraf mühitin və sosial sahənin idarə olunması
- 13.6 Yekunlar
- ƏLAVƏ 2A Şah Dəniz üzrə Hasilatın Pay Bölgüsü Haqqında Sazişdən Çıxarış
- MADDƏ XXVI - Ətraf mühitin mühafizəsi və təhlükəsizlik
Şahdəniz 2 infrastruktur layihəsi Ətraf Mühitə və Sosial-İqtisadi Sahəyə Təsirin Qiymətləndirilməsi Fəsil 13: Qalıq təsirlər və yekun
Dekabr 2011
13/11 Yekun variant
Ətraf mühitin və sosial sahənin idarə olunması
ŞD2 infrastrukturu layihəsinin işləri BP şirkəti tərəfindən təyin olunmuş əsas podratçılar tərəfindən yerinə yetiriləcək. Podratçıların seçilməsi üzrə ciddi bir proses tətbiq olunacaq ki, ŞD2 infrastruktur layihəsi zamanı istifadə edilən əsas podratçıların BP-nin gözləntilərinə cavab verən effektiv SƏTTƏM idarəetmə sistemlərinə malik olması təmin edilsin.
Təyin olunmuş podratçı(lar)dan SƏTTƏM idarəetmə sistemi (İSO 14001 və OHSAS 18001 standartı ilə uyğunlaşdırılmış) vasitəsilə ətraf mühit və sosial tələbləri işləyib hazırlamaq, həyata keçirmək və onlara nəzarət etmək tələb olunacaq.
Ətraf mühitin və sosial sahənin idarə olunması prosesi əvvəlki layihələrin yerinə yetirilməsi zamanı toplanılmış təcrübədən, götürülmüş “ibrət dərslərindən” və eləcə də yaxşı tərtib olunmuş ekoloji monitorinq proqramından faydalanacaq. Əvvəlki layihələrdən əldə olunmuş təcrübənin digər üstünlüklərinə aşağıdakıların işlənilib hazırlanmasını əhatə edir:
Tullantıların sahədə çeşidlənməsi və idarə olunması üzrə effektiv və etibarlı prosedurlar; Tullantıların Avropa İttifaqı standartlarına uyğun inşa edilmiş və fəaliyyət göstərən təhlükəsiz utilizasiyası poliqonu; və Tullantıların utilizasiya olunması və təkrar emalı üçün imkanları müəyyənləşdirmək və həmin imkanlardan istifadə etmək üçün effektiv proses.
ŞD2 infrastruktur layihəsi üzrə planlaşdırma, əsas etibarilə, əvvəllər terminalda həyata keçirilmiş tikinti layihələrindən əldə olunan təcrübədən faydalanmışdır. ŞD2 infrastruktur layihəsi əvvəlki layihələrdən əldə edilmiş təcrübə barədə məlumatla təmin edilmişdir.
Yekun olaraq, ŞD2 infrastruktur layihəsi özünün ekoloji və sosial-iqtisadi reseptorlar üzərindəki təsirinin bütün aspektlərini nəzərdən keçirib və hər hansı mənfi təsirlərin praktiki baxımdan mümkün olduğu qədər minimuma endirilməsini təmin etmək üçün mövcud nəzarət tədbirlərinə əlavə təsirazaltma tədbirləri daxil edib.
ƏLAVƏ 2A Şah Dəniz üzrə Hasilatın Pay Bölgüsü Haqqında Sazişdən Çıxarış Şahdəniz 2 İnfrastruktur Layihəsi Ətraf Mühitə və Sosial-İqtisadi Sahəyə Təsirin Qiymətləndirilməsi ƏLAVƏ 2A
Dekabr 2011 2A/3
Yekun variant
Podratçı ARDNŞ və Azərbaycan Respublikası Dövlət Ekologiya və Təbiətdən İstifadəyə Nəzarət Komitəsi (DEK) ilə birlikdə Neft-qaz Əməliyyatlarının tənzimlənməsi üçün uyğun olan təhlükəsizlik texnikası və ətraf mühitin mühafizəsi standartlarını və üsullarını işləyib hazırlayacaq. Təhlükəsizlik texnikası və ətraf mühitin mühafizəsi standartları Xəzər dənizinin səciyyəvi ekoloji xüsusiyyətlərini nəzərə alacaq və uyğun gəldikcə, (i) beynəlxalq Neft-qaz sənayesi standartlarından və onların dünyanın başqa yerlərində geoloji kəşfiyyat və hasilat əməliyyatlarında tətbiq edilməsindən əldə edilmiş təcrübədən və (ii) Azərbaycanın mövcud təhlükəsizlik və ekologiya qanunvericiliyindən istifadə edəcək. Belə standartların və üsulların hazırlanması zamanı ekoloji keyfiyyət standartları, texniki uyğunluq və kommersiya rentabelliyi kimi məsələlər diqqətə alınır. 26.4 Maddəsinin birinci cümləsini nəzərə almaq şərtilə Qüvvəyə minmə tarixindən etibarən Neft-qaz Əməliyyatlarına tətbiq ediləcək standartlar kimi IX Əlavənin II hissəsində verilmiş standart və üsullar götürüləcək və onlar Podratçı, ARDNŞ və DEK arasında müzakirə edilərək razılaşdırılmış yeni təhlükəsizlik və ətraf mühitin mühafizəsi standartları ilə əvəz edilənə qədər qüvvədə qalacaq; və belə razılaşma tarixindən etibarən yeni razılaşdırılmış standartlar və üsullar Sazişdə tam olaraq verilmiş kimi qanun qüvvəsini alacaq. Təhlükəsizlik texnikası və ətraf mühitin mühafizəsi standartlarının və üsullarının Podratçı ilə razılaşdırıldığından fərqli şəkildə tətbiq edilməsi halında 23.2 Maddəsinin müddəaları tətbiq olunacağı razılaşdırılır. Tərəflər və DEK təhlükəsizlik texnikası və ətraf mühitin mühafizəsi üzrə yeni standartların və üsulların birgə hazırlanması və müəyyən edilməsinin hərtərəfli tətbiqi üçün ayrıca protokola dair razılıq əldə edəcək. Standartların və üsulların bu cür hazırlanması və müəyyən edilməsi ilə əlaqədar Podratçının çəkdiyi xərclər geri ödənəcək.
Podratçı Ətraf mühitin mühafizəsinin standartlarına səylə əməl edərək bütövlükdə ətraf mühitin, o cümlədən, məhdudiyyət qoymadan, yerin üstünün, yerin təkinin, dənizin, havanın, göllərin, çayların, flora və faunanın, kənd təsərrüfatı bitkilərinin, digər təbii ehtiyatların və əmlakın vəziyyətinin hər hansı potensial pozuntularını minimuma endirmək üçün Neft-qaz əməliyyatlarını lazımi səmərə ilə və təhlükəsiz aparacaq. Podratçı IX Əlavəsinin I Hissəsində təsvir edildiyi kimi həyata keçirilən bütün Neft-qaz Əməliyyatları ilə əlaqədar bütün sağlamlıq, əməyin təhlükəsizliyi və ətraf mühitin mühafizəsi meyarlarını əhatə edən kompleks idarəetmə sistemi tətbiq edəcək.
Ətraf mühitə zərər vuran və zərər vura bilən qəza vəziyyətlərində və ya bədbəxt hadisələr, o cümlədən, lakin bunlarla məhdudlaşmayaraq, partlayışlar, püskürtülər, sızmalar və başqa hadisələr zamanı Podratçı həmin hallar barəsində dərhal DEK (Dövlət Mühafizə Xidməti Komitəsi) və ARDNŞ-ı xəbərdar edir və vəziyyətin düzəldilməsi üçün gördüyü təcili tədbirlər və əldə edilmiş nəticələr haqqında məlumat verir. Podratçı təcili tədbirlər görmək, qəza vəziyyətini nəzarət altına almaq və insan tələfatının, itkilərin və əmlaka zərər dəyməsinin qarşısını almaq, habelə təbii ehtiyatlara və bütövlükdə ətraf mühitə zərər dəyməsinin qarşısını almaq üçün hər cür lazımi səylər göstərir. Podratçı həmçinin görülmüş tədbirlər haqqında ARDNŞ və müvafiq hökumət orqanları qarşısında hesabat verir. 26.4 Qanunlara tabelik Podratçı səhiyyəyə, təhlükəsizlik texnikasına, ətraf mühitin mühafizəsinə və bərpasına dair Azərbaycan Respublikasının hamılıqla tətbiq edilə bilən mövcud və gələcək qanunlarına, yaxud qərarlarına tabe olur, bu şərtlə ki, həmin qanunların və ya qərarların tələbləri Ətraf mühitin mühafizəsinin standartlarından sərt olmasın. Əgər müvafiq yurisdiksiyası olan hər hansı bir regional və ya hökumətlərarası orqan Müqavilə sahəsinə aid olan ətraf mühitin mühafizəsi normalarını qəbul edirsə və ya müzakirəyə verirsə, Tərəflər onların layihəyə göstərə biləcəyi təsiri müzakirə edir. Bu Saziş üzrə Podratçının hüquqlarına və ya mənafelərinə mənfi təsir göstərə bilən hər hansı normalara Podratçının tabe olmasına, yaxud tabe olma cəhdinə 23.2 Maddəsinin müddəaları tətbiq olunacaq. Yüklə 5,26 Mb. Dostları ilə paylaş:
|