SAM-ın İCMALI
| 23
maddə də digər maddələr kimi fərqli mənalar ifadə edə bilər.
Ermənistanda hakimiyyətdə olan Respublikaçılar Partiyasının parlamentdəki
fraksiyasının sədri Eduard Şarmazarovun sözlərinə görə, “diplomatik əlaqələr qu-
rulanda, əlbəttə, Türkiyə ilə ortaq sərhədlər tanınacaqdır. Lakin Muş, Van, Ağrı
ermənilər üçün hər zaman Qərbi Ermənistan olaraq qalacaqdır. Heç bir erməni
üçün Qərbi Ermənistan Şərqi Anadolu ola bilməz. Ağrı dağı bizim üçün hər zaman
Ararat olaraq qalacaqdır. Bunun üçün konstitusiyamızda dəyişikliyə ehtiyac yox-
dur”.
41
Şarmazarovun sözlərindən bir daha məlum olur ki, Ermənistan qanunla-
rında dəyişikliyə getməyəcəyi kimi, erməni xalqı da beynindən Qərbi Ermənistanı
silməyəcəkdir. Konyukturaya uyğun olduğu zaman Ermənistan Türkiyədən o torpaq-
ları tələb edə bilər. Beləliklə, Türkiyə “sərhəd kartı”nı Ermənistana qarşı səmərəli
şəkildə istifadə edə bilməyəcəkdir.
Qars müqaviləsini tanımamaq Türkiyənin Naxçıvan üzərində təminat haqqı-
nı itirməsi mənasına gəlir. Belə ki, 1993-cü ildə Türkiyə Qars müqaviləsinə isti-
nad edərək Naxçıvana təcavüz olacağı təqdirdə Ermənistana hərbi müdaxilə edə
biləcəyini qeyd etmişdi.
2.6. Dağlıq Qarabağ problemi protokollarda əksini tapıbmı?
Türkiyənin üç şərtindən ikisi (1915-ci il hadisələri və Qars müqaviləsi) dola-
yısı ilə də olsa protokollarda öz əksini tapdığı halda, burada Dağlıq Qarabağa dair
konkret müddəa yoxdur. Qarabağ şərtinin protokollarda yer almaması bu məsələni
Türkiyə-Ermənistan münasibətləri xaricində saxlamaq istəyən İrəvan üçün ciddi bir
uğurdur.
42
Lakin Türkiyənin Xarici işlər naziri Əhməd Davudoğluna görə, Dağlıq
Qarabağ məsələsində bir irəliləyiş olmasaydı, Türkiyə-Ermənistan protokolları im-
zalanmazdı. Türkiyədə protokolların maddələrinin bəziləri ilə Qarabağ arasında bir-
başa əlaqə quranlar da var.
43
Dağlıq Qarabağın dolayısı ilə ilkin şərt olduğunu iddia
edənlər protokolların birinci hissəsinin dördüncü maddəsinə istinad edirlər. Həmin
maddə aşağıdakı kimidir:
İkitərəfli və beynəlxalq müqavilələrdə bərabərhüquqluluq, suverenlik, digər
dövlətlərin daxili işlərinə, ərazi bütövlüyünə və sərhədlərin toxunulmazlığına
müdaxilə etməmək şərti bir daha vurğulanır.
2010-cu il aprelin 12-də ABŞ-da nüvə təhlükəsizliyi üzrə sammit çərçivəsində
keçirilən Serj Sərkisyan və Barak Obama ilə görüşdən qayıdan Baş nazir Ərdoğan
isə Türkiyənin ilkin şərt kimi Qarabağ probleminin həllini irəli sürdüyünü proto-
kollarda əksini tapmış digər bir maddəyə işarə edərək bildirdi: “Sürixdə imzalanan
protokollarda ilkin şərt olmasa da, çox əhəmiyyətli bir maddə var: regional sülhün
təmin olunması. Bu regional sülhün təmin olunmasında Azərbaycanı kənarda qoy-
maq mümkündürmü?” Ərdoğan bu açıqlaması ilə protokolların imzalanmasından
41 Milliyet (14.09.2009).
42 Bulent Aras, Fatih Özbay. Türkiye ve Ermenistan. Statüko ve Normallaşma Arasında Kafkasya Siyaseti, SETA Analiz,
(12.10.2009). s. 5.
43 Taha Akyol. Protokoller Yaşıyor. Milliyet. (06.05.2010).
24 |
SAM-ın İCMALI
sonra Türkiyənin ilkin şərt kimi Qarabağ probleminin həllini irəli sürdüyünü təsdiq
etdi. Həmçinin, protokollarda bu problem ilkin şərt kimi əksini tapmayıb iradlarına
bu şəkildə cavab vermiş oldu.
Bəzi türk diplomatlarına və beynəlxalq əlaqələr sahəsində çalışan mütəxəssislərə
görə, Dağlıq Qarabağ məsələsinin Türkiyə-Ermənistan münasibətlərinə birbaşa
aidiyyəti olmadığından protokollara daxil edilə bilməzdi və əgər edilsəydi Ermənistan
protokolları imzalamayacaqdı. Lakin Dağlıq Qarabağ Türkiyə ilə Ermənistan arasın-
dakı münasibətlərin normallaşmasının yazılı olmayan ilkin şərtidir. Protokollar im-
zalandıqdan sonra Türkiyə Respublikasının Prezidenti, Baş naziri, parlament sədri
və xarici işlər naziri Dağlıq Qarabağın protokollarda olmasa da, şifahi şəkildə il-
kin şərt olduğunu qeyd etmişlər. Bundan başqa, Türkiyə tərəfi Sürixdə protokolla-
rın imzalanma prosesində Minsk qrupu həmsədr ölkələrinin xarici işlər nazirlərinin
də iştirakını Dağlıq Qarabağ şərtinin varlığına sübut kimi göstərir. Lakin erməni
tərəfi Türkiyənin bu açıqlamalarını qəbul etmir və protokollar imzalanarkən heç bir
şəkildə Qarabağdan bəhs olunmadığını qeyd edir. Türkiyənin digər iki ilkin şərtindən
(dolayı şəkildə də olsa) fərqli olaraq, Dağlıq Qarabağın protokollarda yer almama-
sı Türkiyə rəsmilərinin Dağlıq Qarabağla bağlı açıqlamalarının beynəlxalq aləmdə
dəstəklənməməsinə səbəb olur.
Göründüyü kimi, protokollarda Qarabağ şərti yer almadığı kimi Qars müqaviləsinə
də birbaşa vurğu yoxdur, tarix komissiyasının işi barədə isə ciddi fikir ayrılığı
mövcuddur. Türkiyə hökumət nümayəndələri protokolların bu şərtlərlə imzalana
biləcəyini ən optimal variant kimi müdafiə edir. Əhməd Davudoğlu protokollarda
tarix komissiyası ilə əlaqədər qeyri-müəyyənliyi və Qars müqaviləsinə birbaşa vur-
ğu olmamasını münaqişələrin həlli üçün beynəlxalq münasibətlərdə istifadə olunan
“konstruktiv qeyri-müəyyənlik” (constructive ambiguity) prinsipi ilə izah edir. Yəni
protokollarda tərəflər arasında problemlərlə əlaqədər qeyri-müəyyən və ya hər iki
tərəfin öz xeyrinə izah edə biləcəyi ifadələr işlətmək yolu ilə işə başlamaq və daha
sonra problemləri addım-addım həll etmək
44
nəzərdə tutulmuşdur.
2.7. Protokolların təsdiqlənmə prosedurası
Protokolların qüvvəyə minməsi üçün hər iki ölkənin daxilində müəyyən orqanlar
tərəfindən təsdiqlənməlidir. Türkiyə tərəfində proses bu ardıcıllıqla həyata keçirilir:
Türkiyənin xarici işlər naziri hökumət adından protokolları parlamentə təqdim edir.
Protokollar müvafiq komissiyalarda müzakirə edilib qəbul olunduqdan sonra parla-
mentin geniş müzakirəsinə çıxarılır. Parlament qəbul edərsə, prezidentin təsdiqinə
göndərilir. Protokollar prezident tərəfindən imzalandıqdan sonra rəsmi qəzetdə çap
olunur, bununla da qüvvəyə minmiş hesab edilir. Bu o deməkdır ki, Türkiyə istəyərsə,
bu mərhələlərin hər birində prosesi ləngidə bilər. Məhz bu səbəbdən bəziləri belə
düşünür ki, protokolların təsdiqlənmə prosesi parlamentdə, xüsusən də parlamentin
Xarici əlaqələr komissiyasında ləngidilə bilər. Belə ki, TBMM-nin Xarici əlaqələr
44 Taha Akyol. Protokoller Yaşıyor. Milliyet. (06.05.2010).