SAM-ın İCMALI
| 37
bu yolla öz ərazisini genişləndirməyə çalışır. Bu səbəbdən bağlı sərhədlər siyasətini
qonşularına qarşı kin və nifrət üzərində quran və xarici dəstəyi işğala sərf edən
erməni millətçilərini və dövlətini “ağıllandırmaq” üçün bir vasitədir. Yəni bağlı
sərhədlər Ermənistanın işğalçı siyasətinin dayandırılmasıdır. Əgər sərhədlər siyasəti
uğurla nəticələnməzsə, Ermənistan bu işğalçılığını davam etdirə bilər. Ermənistan
siyasətçilərində bu siyasət anlayışı dəyişmədən sərhədlərin açılması Ermənistanı
daha da cəsarətləndirəcəkdir.
Ermənistanın Türkiyəyə qarşı tələblərində mövqeyini zəiflədəcək bir protokolu
imzalaması sərhədlərin 16 il bağlı olmasının nəticəsidir. Bu mənada bağlı sərhədlər
siyasətinin bir nəticə vermədiyini iddia etmək doğru deyildir. Amma sərhədlərin açıl-
ması üçün Türkiyə tərəfindən irəli sürülən Dağlıq Qarabağ şərti hələ də Ermənistan
tərəfindən qəbul olunmamış və bu ölkə 1915-ci il hadisələrini beynəlxalq aləmdə
“soyqırım” kimi tanıtdırma siyasətindən əl çəkməmişdir. Türkiyənin başladığı pro-
ses Dağlıq Qarabağ məsələsi həll olunmadan sərhədlərin açılması ilə nəticələnərsə,
Dağlıq Qarabağda işğalı bitirmək üçün Azərbaycanın müharibədən başqa yolu qal-
maya bilər. Ermənistanın sərhədlərin açılmasına daha çox ehtiyacı olduğu bir vaxtda
qarşılığı alınmadan sərhədlərin açılması regional sülhə zərbə olar.
TÖVSİYƏLƏR
Türkiyə və Azərbaycan üçün
Hər iki dövlət tarixi, mədəni qohumluq kökləri ilə bir-birinə bağlıdır. Türkiyə
ilə Azərbaycan arasında kökləri qədimlərə gedib çıxan bu dostluq və qardaşlıq
münasibətləri tarix boyu üçüncü tərəf(lər)i narahat edib. Ortaq keçmişə, mənəvi
dəyərlərə, qardaşlıq əlaqələrinə malik bu iki dövlət arasında əməkdaşlıq heç bir
vaxt üçüncü dövlət(lər)ə qarşı olmamış və uğurlu nəticələr vermişdir. Türkiyə ilə
Azərbaycan arasındakı nümunəvi əməkdaşlıq regionda yaşayan digər xalqların da
rifahına və sabitliyinə öz müsbət təsirini göstərmişdir. Bu münasibətlərə kölgə sal-
maq istəyənlər isə həmişə bəhanələr axtarışında olublar. Bu səbəbdən bu gün digər
güclərin Türkiyə ilə Azərbaycan arasında gərginlik yaratmaqla münasibətlərə zərər
vurmaq istəklərinə qarşı ehtiyatlı olmaq lazımdır. Bunun üçün tərəflər arasında bü-
tün səviyyələrdə koordinasiya intensivləşdirilməlidir.
Həm Türkiyə, həm də Azərbaycan qonşuları ilə sıfır problem siyasəti yürüdərkən
aralarındakı əlaqələrə də zərər verməməlidirlər. Türkiyə İraq, Suriya və İran kimi
dövlətlərlə dostluq əlaqəsi qurarkən Azərbaycanı küsdürməməlidir.
Hər iki tərəf “xalq diplomatiyası” siyasətini gücləndirməlidir. İki dövlət ara-
sında qarşılıqlı münasibətlər dövlət rəsmilərinin əlaqələrinə paralel olaraq qeyri-
hökumət təşkilatları, mətbuat, elm, təhsil və mədəniyyət orqanları arasında da
gücləndirilməlidir. Həm Azərbaycanda, həm də Türkiyədə mətbuatın apardığı təbliğat
38 |
SAM-ın İCMALI
xalqlar arasında münasibətlərə təsir göstərir. Bu məsələdə hər iki ölkə mətbuatının
üzərinə ciddi məsuliyyət düşür. Türkiyə mətbuatı Azərbaycan həqiqətləri haqqında
yetərli məlumata malik deyil. Bu səbəbdən Azərbaycanın problemlərini lazım olan
səviyyədə işıqlandıra bilmir. Bu mənada Türkiyənin Azərbaycanda, Azərbaycanın
isə Türkiyədəki diplomatik nümayəndəlikləri bütün təmayüllü mətbuat orqanları ilə
əlaqələrini yüksək səviyyədə qurmalı və daim onları məlumatlandırmalıdırlar.
Türkiyə və Azərbaycan protokolları Ermənistana qarşı “kökə və qamçı”
siyasətinin bir parçası olaraq istifadə edə bilərlər. Ermənistan məsələsi iki dövlətin
maraqlarının üst-üstə düşdüyü ən qabarıq sahədir. Azərbaycan erməniləri daha yaxşı
tanıyır. Türkiyənin isə ermənilərlə işləmək imkanı daha çoxdur. Məhz bu səbəbdən
iki dövlətin də erməni siyasətində koordinasiya və qarşılıqlı əməkdaşlıgı davam
etdirilməlidir. Azərbaycan erməni iddiaları ilə mübarizədə Türkiyəyə dəstəyini
davam etdirməlidir. Ermənistanın işğalına son vermək üçün Türkiyə Azərbaycana
dəstəyini davam etdirməlidir. Türkiyənin Azərbaycanı tək qoyması onun Cənubi
Qafqaz və türk dünyası siyasətinə olduğu kimi, Qərbin enerji təhlükəsizliyində oy-
naya biləcəyi körpü roluna da mənfi təsir göstərə bilər.
Azərbaycan Türkiyədəki diaspor fəaliyyətlərini Türkiyə-Azərbaycan
münasibətlərinə müsbət təsir göstərəcək şəkildə gücləndirməlidir. Azərbaycan dias-
poru Türkiyənin problemlərinin həllində aktiv iştirak etməlidir.
Türkiyənin Ermənistanla sərhəd olan Qars və İğdır şəhərlərinin iqtisadi
problemlərinin həllində Azərbaycan Türkiyəyə dəstək verməlidir. Bu mənada həm
Azərbaycan Respublikasının tərkib hissəsi olan Naxçıvan Muxtar Respublikasının,
həm də Türkiyənin Qars və İğdır regionunun iqtisadi vəziyyətini yaxşılaşdırmaq
üçün regionda azad iqtisadi zona qurula bilər.
Azərbaycanın Dağlıq Qarabağ siyasəti üçün
Protokolların imzalanması Dağlıq Qarabağ məsələsində aktivliyi artırmışdır. Bu
mənada protokolların TBMM-də təsdiqi üçün Türkiyəyə paralel olaraq Ermənistan
və Azərbaycana da təzyiqlər artmaqdadır. Bu təzyiqlər vasitəsilə, təbii ki, tərəflərdən
güzəştlər tələb olunacaqdır. Bu, ortaya çıxan yeni vəziyyətdir və Azərbaycan bu
vəziyyətə uyğun olaraq Dağlıq Qarabağ siyasətini modernləşdirməlidir.
Türkiyənin vasitəçi kimi Minsk qrupu prosesində aktiv rol alması Dağlıq Qa-
rabağ məsələsinin həllinə müsbət təsir edə bilər. Türkiyənin prosesə daxil olması
regionda sülhün və sabitliyin yaranması üçün ciddi nəticələr ortaya çıxara bilər.
1991-ci ildən sonra Sərkisyan həm Azərbaycan, həm də Türkiyə ilə münasibətdə
müsbət addımlar ata biləcək ilk erməni lider görüntüsü verir. Mənfi tərəflərinə
baxmayaraq, protokollar Ermənistan siyasətinin dəyişdiyinə işarədir. Bu mənada
Türkiyə və Azərbaycan erməni probleminin həlli üçün Ermənistanla danışıqları da-
vam etdirə bilər.
SAM-ın İCMALI
| 39
Qarabağ siyasətində müharibə amili xüsusən ətraf rayonları işğaldan azad etmək
üçün beynəlxalq hüquq tərəfindən Azərbaycana verilən bir haqdır. Bu haqqının dün-
ya tərəfindən tanınması üçün Azərbaycan səylərini artırmalıdır. Lakin Azərbaycan
müharibə açıqlamlarında Dağlıq Qarabağ erməniləri ilə işğalçı Ermənistan arasında
bir fərq qoymalıdır. Əslində, bu fərqli yanaşma Azərbaycanın Qarabağ siyasətində
müşahidə edilir. Amma bu siyasətin daha güclü təbliğata ehtiyacı vardır. Dağlıq Qa-
rabağ erməniləri ilə aparılan işlər onları itirməyə deyil, qazanmağa, Ermənistan və
erməni diasporundan onları uzaqlaşdırmağa yönəlik olmalıdır.
Qarabağ danışıqlarında Azərbaycanın əleyhinə hər hansı bir vəziyyət ortaya çı-
xarsa, Azərbaycan prosesi uzatmalı və məsələnin həlli üçün öz maraqlarına uyğun
bir vaxtı gözləməlidir.
Üçüncü tərəflər üçün
Türkiyə regional sabitlik və əməkdaşlıq naminə Ermənistana qarşı barış əlini
uzatdı. Regionda qarşılıqlı etibarın yaranması üçün bu mərhələdə Ermənistan Qa-
rabağ ətrafındakı rayonlardan hərbi qüvvələrini geri çəkməlidir. Protokolların imza-
lanması üçün Türkiyə və Ermənistanı cəsarətləndirən ABŞ, Aİ və Rusiya eyni ad-
dımları Ermənistan hərbi birləşmələrinin Qarabağ ətrafındakı rayonları boşaltması
üçün də ata bilərlər. Bu cür addım region xalqları arasında hər üç gücə –Rusiya, ABŞ
və Aİ-yə etibarı artırar. Xüsusən Rusiyanın Ermənistanın üzərində ciddi təsir gücünə
sahib olduğu həqiqəti danılmazdır. Bu mənada heç bir dövlət Rusiya qədər regional
sülh üçün Ermənistanı razı sala biləcək gücə sahib deyildir.
Minsk qrupu Dağlıq Qarabağ danışıqlarında prinsipial məsələlərlə əlaqədar
iki tərəfi razı salmaq naminə ümumi ifadələr istifadə etməkdən uzaq durma-
lı və məsələnin həllində ATƏT-in internet səhifəsində yayımlanan Cənubi Qafqaz
xəritəsini əsas götürməlidir.
Bütün regional və regional olmayan güclər anlamalıdırlar ki, öz müqəddəratını
təyin etmə haqqını (self-determination) separatizm kimi təqdim etmək regionda
yeni münaqişələrin yaranmasına zəmin yaradar və ümumiyyətlə, beynəlxalq hüquq-
da köklü dəyişikliyin ortaya çıxması ilə nəticələnə bilər.
Dağlıq Qarabağ münaqişəsinin BMT-nin prinsiplərinə uyğun şəkildə həll olunma-
sı həm Ermənistanın, həm də Dağlıq Qarabağ ermənilərinin maraqlarına uyğun ola-
caqdır. Ermənistan üçün düşmən Azərbaycan dost Azərbaycandan daha təhlükəlidir.
40 |
SAM-ın İCMALI
Kitablar:
Davudoğlu, Ahmet. Stratejik Derinlik, Küre Yayınları.
İstanbul, 2009, 34.basım.
Hurç, Yakup. Türkiyenin Karabağ Politikası, Kahraman-
maraş İmam Universitesi, Tarix Fakültesi, 2008.
Libardian J. Gerard. The Challenge of Statehood. Arme-
nian Political Thinking Since Independence. Blue Grane
Books,1999.
Oran, Basqın. Türk Dış Politikası, II Cild, İstanbul, 2001,
I basım.
Oral, Sander. Siyasi Tarih 1918-1994. İstanbul, 1989, I
Basım.
Pazarcı, Hüseyin. Uluslararası Hukuk, Ankara, 2006,
Turhan Yayınları, VI basım.
Məqalələr:
Aydın, Mustafa. Kafkasya ve Orta Asya ile İlişkiler, Edi-
tor, Baskın Oran. Türk Dış Politikasi. Cild 2, 1980-2001.
Dağı, İhsan. Azerbaycan’ın Tercihi Rusya mı, Türkiye
mi?, Zaman, 21.04.2009.
Çandar, Cengiz. Berbat Diplomasi, Radikal, 15.05.2009.
Çandar, Cengiz. Tek Millet İki Devlet’e Azerbaycan
Uyuyor mu?, Timetürk.
İdiz, Semih. Güney Kafkasya’yı Sıcak Günler Bekliyor,
Milliyet, 25.04.2009.
Laçıner, Sedat. Türkiye-Ermenistan İlişkilerinde Sınır
Kapısı Sorunu ve Ekonomik Boyutu, Ermeni Araşdırma-
ları, Cilt: 2, No: 6, Yay 2002.
Laçıner, Sedat. Azerbaycan Rusya’nın Oyununa Geliyor,
http://www.usakgundem.com/yazar/1162/azerbaycan-
rusya-39-n%C4%B1n-oyununa-geliyor.html, 13.04. 2009.
Ogan, Sinan. Yeni Bir Dünya Kurulur ve Azerbaycan
Orada Yerini Alır mı?,
html>, 2 Mayıs 2009.
Oğhan, Yavuz. Ankara Azerilere Ateş Püskürüyor, http://
www.cnnturk.com/Yazarlar/YAVUZ.OGHAN/Ankara.
Azerilere.ates.puskuruyor/47.166/index.html, 23.04.2009.
Oskanıan, Vartan. Getting This Wrong Will Be Unforgi-
vable,
http://www.asbarez.com/2009/09/08/getting-this-wrong-
will-be-unforgivable/ (08.09.2009).
Örtlek, Muhammed. Millet-I Sadıkadan Haydata, Radikal.
(23.02.2007).
Veliev, Cavid. Rus Dış Politikasında Yakın Çevre, Cum-
huriyet Strateji (28. 06.2007).
Veliev, Cavid. Cephe Yarma Girişimi, Cumhuriyet Strateji
(09.02.2009).
Qəzet və jurnallar:
Hürriyet, 24.04.2009
Hürriyet, 24.04.2009.
Timetürk, 04.09.2008.
Hürriyet, 25.09.1990.
İnternet səhifələri:
http://www.armeniaforeignministry.com/htms/doi.html
Yener Atlı, Türk-Ermeni İşbirliğinde Kaan Soyak İsimli
Bir Türk. http://www.diplomathaber.com/?page=Articles
&YazarID=11&ID=472, (14.06.2009).
https://www.cia.gov/library/publications/the-world-
factbook/geos/tu.html
https://www.cia.gov/library/publications/the-world-
factbook/geos/am.html
http://www.unit.com.tr/distribution_electrialy_trading.
htm,
http://www.eud.org.tr/Upload/1298erm.htm.
http://www.tabdc.org/,
http://www.mfa.gov.tr/turkiye-ermenistan-siyasi-iliskileri.
tr.mfa
http://arama.hurriyet.com.tr/arsivnews.aspx?id=-280757,
(27.12.1997).
Hesabatlar:
Aydın, Mustafa. Azerbaycan, Türkiye-Ermenistan Anlaş-
masının Neresinde? TEPAV. Eylül 2009.
Baghramyan, Mehr. Estimating The Change in Trade
Flows Between Armenia and Turkey if The Border is
Open: Case Study Based on Georgia-Turkey and Armenia
Iran Trade, http://www.aiprg.net/UserFiles/File/journal/
proceedings/Baghramyan.pdf
Görgülü, Aybars. Türkiye-Ermenistan İlişkileri. Bir Kısır
Döngü. Tesev Yayınları.
Migdalovitz, Carol. Turkey: Selected Foreign Policy
Issues and U.S. Views, CRS Report For Congress. August
29, 2008.
Türkiye-Ermenistan İlişkileri Çalıştayı Raporu, 25-28
May 2009, Conrad Otel, İstanbul. http://www.setav.org/
document/SETA_Ermenistan_Calistayi_Raporu.pdf
Türkiye-Azerbaycan İlişkileri Çalıştayı Raporu, 25-27
İyun 2009, Ceylan Intercontinental Otel, İstanbul.
The Closed Armenia-Turkey Border: Economic and
Social Effects, Including Those on The People; and Imp-
lications for The Overall Situation in The Region, August
2007 European Parliament, http://www.europarl.europa.
eu/activities/expert/eStudies.do?languageEN
The Economic and Social Impacts of Opening the
Armenia-Turkish Border AIPRG conference, http://www.
aiprg.net/UserFiles/File/Conference_Findings_Overview.
pdf
Armenia Internal Instability Ahead. International Crisis
Group. 18.10.2009.
Turkey and Armenia. Opening Minds, Opening Borders,
Europe Report no. 199. April 2009.
İSTİFADƏ OLUNAN MƏNBƏLƏR
SAM-ın İCMALI
| 41
Əlavə 1. TÜRKİYƏ-ERMƏNİSTAN SƏRHƏDLƏRİ XƏRİTƏSİ
42 |
SAM-ın İCMALI
Əlavə 2. TÜRKİYƏ-ERMƏNİSTAN QARS-GÜMRÜ DƏMİRYOLU
SAM-ın İCMALI
| 43
Əlavə 3. TÜRKİYƏ-ERMƏNISTAN PROTOKOLLARI
44 |
SAM-ın İCMALI
Azərbaycan Respublikasının Prezidenti yanında
Strateji Araşdırmalar Mərkəzi
Azərbaycan, Bakı şəhəri, AZ 1005
M. İbrahimov küç. 8
Tel.: (+994 12) 596 82 41
Faks: (+994 12) 437 34 58
e-poçt: info@sam.gov.az
web-ünvan: www.sam.gov.az
Müəllif hüquqları qorunur. SAM-ın yazılı icazəsi dərc olunmuş materialların istifadəsi və hər hansı şəkildə yayımı qadağandır.
“SAM-ın icmalı”nda göstərilən bütün fikirlər müəlliflərin şəxsi mövqeyini əks etdirir.
SAM-ın bütün nəşrlərinin elektron variantı ilə bu internet səhifəsində tanış ola bilərsiniz: www.sam.gov.az
Cavid İsmayıl oğlu Vəliyev 1979-cu ildə Sumqayıt şəhərində anadan olmuşdur. Orta təhsilini Sumqayıt şəhər 31
saylı orta məktəbində almışdır. 1996-2002-ci illərdə dövlət hesabına Türkiyə Respublikasının Ege Universitetinin jur-
nalistika fakültəsində bakalavr təhsili almışdır. 2006-cı ildə Qazi Universitetinin beynəlxalq münasibətlər fakültəsinin
magistraturasını bitirmişdir. Hal-hazırda Ankara Universitetinin siyasi elmlər fakültəsinin doktoranturasında
beynəlxalq münasibətlər ixtisası üzrə təhsilini davam etdirir.
2004-2009-cu illərdə Türkiyənin TUSAM (Türkiyə Milli Təhlükəsizlik Strategiyaları Araşdırmalar Mərkəzi) və
TÜRKSAM (Türkiyə Strateji Araşdırmalar Mərkəzi) kimi strateji araşdırmalar mərkəzlərində Yaxın Şərq, Cənubi
Asiya və Cənubi Qafqaz regionları üzrə ekspert və şöbə müdiri kimi fəaliyyət göstərmişdir. Türkiyənin aparıcı jurnal
və qəzetlərində 100-dən çox elmi məqaləsi və qısa analizləri dərc olunmuşdur.
Hal-hazırda Azərbaycan Respublikasının Prezidenti yanında Strateji Araşdırmalar Mərkəzinin Xarici siyasətin
təhlili şöbəsində Türkiyə regionu üzrə aparıcı elmi işçi vəzifəsində çalışır.
Tiraj : 500
Sifariş : 086
Azərbaycan Respublikasının Prezidenti yanında Strateji Araşdırmalar Mərkəzi, 2010
Dostları ilə paylaş: |