|
Samarqand davlat universiteti
YAZD MINIATURA MAKTABI2643676960570a1cc6fa1197d37256ea O‘ZBEKISTON MADANIYATI VA SAN’ATI TARIXI
YAZD MINIATURA MAKTABI
–
XV asrda Yazd shahrida shakllangan
miniatura uslubi. Sheroz miniatura maktabiga yaqin. 1409-yilda yaratilgan «She‘riyat
antologiyasi» va Nizomiy «Xamsa»sining 1446 - 1447-yillarda ko‗chirilgan
qo‗lyozmasiga ishlangan miniaturalar 1445-yilda ko‗chirilgan «Shohnoma»
qo‗lyozmasi miniaturalari shu maktabga mansub. Amir Xisrov Dehlaviyning Bokuda
saqlanayotgan «Xamsa»si miniaturalari ham shu maktab mahsuli sifatida diqqatga
sazovor. Uni 1445-96-yillarda yazdlik xattot Hasan ibn Kamoliddin al-Yazdiy
ko‗chirgan /unga 26 miniatura ishlangan/. Tasvirlar ko‗pincha issiq koloritda aks
ettirilgani, kishilarning kiyimlarida kontrastlikka ahamiyat berilgani, tasvirning sodda,
lekin nafis va tiniq ifodalangani bilan Sheroz miniaturalaridan farq qiladi.
O‘YMAKORLIK –
amaliy bezak madaniyati va san‘atining eng qadimiy va
keng tarqalgan turlaridan. Yog‗och, ganch, metall, tosh, suyak, lak, terrakota va
boshqalar o‗yib, yo‗nib, badiiy shakl beriladi, ulardan bino qismlarini bezashda, uy-
ruzg‗or buyumlari, turli asbob, qurollarni nafislashtirishda, kichik haykaltaroshlik
asarlari yaratishda qo‗llaniladi. Mustaqil sohasi gliptika va o‗ymakorlikda
foydalanilgan materialga ko‗ra yog‗och o‗ymakorligi,ganch o‗ymakorligi, tosh
o‗ymakorligi, metall o‗ymakorligi, suyak o‗ymakorligi kabi xillari mavjud.
Markaziy Osiyoda, jumladan, O‗zbekiston hududida juda qadimdan rivoj
topgan. Buxoro, Samarqand, Xiva obidalari, shuningdek, Termiz, Shahrisabz, Qo‗qon
shahar va qishloqlarida saqlangan arxitektura yodgorliklari ganch, yog‗och, tosh
o‗ymakorligi bilan jozibador bezatilganki, bezashning turli usul va uslublari
o‗ymakorlik madaniyati va san‘atining yuksak darajaga ko‗tarilganini namoyish etadi.
Bu sohada ayniqsa, Usta Shirin, Murodov Shamsiddin ¢afurov, Quli Jalilov,
Toshpulat Arslonkulov, Mahmud Usmonov kabi ganch o‗ymakorlari, Ota Polvonov,
Sulaymon Xo‗jayev, Usmon Zufarov, Maqsud Qosimov, Ne‘mat Ibrohimov,
Qodirjon Haydarov, Nurullo Nazrullayev kabi yog‗och o‗ymakorlari qadimiy
an‘analarni yangi davr ruhi bilan boyitib, o‗ymakorlik madaniyati va san‘atini
rivojlantirdilar.
Dostları ilə paylaş: |
|
|