171
kitobxona tashkil etildi. Mashxad
va Tabrizdan kelgan naqqosh, xattot, musavvirlar
ijodiy mehnat qilib, Qazvin miniatura maktabini vujudga keltirdilar. Bu maktab
miniaturalarida harakat tasviriga ko‗p
ahamiyat berilgani, rasm nozik chizilgani,
kompozitsiyalarda kishilar miqdori kam tasvirlangani bilan ajralib turadi. Qazvin
miniatura maktabining yirik vakillari – Muhammadiy va Shayx Muhammad. Shayx
Muhammadning «Yigit to‗tikush bilan», «Yigit kitob va gul bilan» miniaturalarida,
shuningdek, u yaratgan deb taxmin etiladigan Jomiyning «Tuxfat ul-ahror»
kitobiga
ishlangan miniaturalarda maishiy lavhalar jonli, rangdor ifodalangan, Muhammadiy
esa oddiy kishilar dehkon, xizmatkorlarni ko‗proq aks ettirishga intilgan.
QALAM
(yunon. kalamos-qamish so‗zidan – ko‗mir, qo‗rg‗oshin, grafit,
quruq bo‗yoqdan qilingan sterjen).
Sharq xalqlari, jumladan, Markaziy Osiyoda
xattotlar siyoh bilan yoziladigan qamish qalamlardan foydalanganlar. 1790-yili
fransuz olimi N.Konte yog‗och qalam ixtiro qildi. Ayni vaqtda chex olimi Y.Gartmut
maydalangan grafit va gil aralashmasidan yozuv sterjenlari tayyorlashni taklif etdi. Bu
metod hozirgi qalam ishlab chiqarish texnologiyasining asosini tashkil etadi.
Qalamning maxsus turlari – sangina va pastel. Qattiqlik darajasi bir necha xil bo‗lgan
grafitli qalamlar chiqariladi: qattiqlik darajasi M/yumshoq, T / qattiq va MT /qattiqligi
o‗rtacha/ harflari hamda harflar oldidagi raqamlar bilan belgilanadi.
QOG‘OZ
- o‗simlik tolalaridan yupqa varaq tarzida tayyorlanadigan
material. qog‗oz dastlab (II asrda) Xitoyda olingan. Say Dun o‗simlik
tolalarining
suvli suspenziyasini sim turdan o‗tkazib, qog‗oz olishga muyassar bo‗lgan. qog‗oz
olishning bu usuli ko‗p vaqtlargacha sir saqlab kelindi. VI asr boshlarida bu usul
Yaponiyada joriy qilindi. VI-VIII asrlarda qog‗oz ishlab chiqarish Osiyodagi boshqa
mamlakatlarga tarqaldi. Keyinchalik qog‗oz tayyorlash arablar orqali Eron va
Shimoliy Afrika, Kiprga, keyinroq esa Ispaniya, Marokko
va boshqa mamlakatlarga
yoyildi. Qog‗oz bungacha yozuvda ishlatib kelinayotgan PAPIRUS va boshqa
materiallarni siqib chiqardi. Qog‗ozning 600 dan ortiq turi bor. Qog‗oz qanday
maqsadlarda ishlatilishiga ko‗ra: qalinligi, kulliligi, namliligi, rangi, oqligi, silliqligi,
singdirish qobiliyati, havo, bug‗, yog‗ o‗tkazmasligi, dielektrikligi va
boshqa xossalari
bilan xarakterlanadi. Klassifikatsiyaga ko‗ra qog‗oz 11 sinfga bo‗linadi: matbuot,
yozuv, chizmachilik-rasmchilik, elektr izolyasion, papiros, shimuvchi, apparat,
yorug‗lik sezgir, ko‗chirish, o‗rov, sanoat – texnika. Hozirgi davrda qog‗ozlar
matodan emas, yog‗ochdan ishlab chiqariladi. Qog‗ozni yupqa, qalin, tekis, g‗adir-
budir turlari mavjud. Kitob, ro‗znoma
bosiladigan, jurnal, daftarga mo‗ljallangan
qog‗ozlarning turlari boshqa-boshqa bo‗ladi. Qalam va akvarel buyoqlari bilan
chizishda vatman, yarim vatman deyiladigan qattiq, tig‗iz qog‗ozlar ishlatiladi.
Dostları ilə paylaş: